নেসনেল হেল্থ ওথোরিতী (এন.ঐচ.এ.)না রাজ্য অমসুং য়ুনিয়ন তেরিতোরীশিংদা লৈরিবা হোস্পিতাল, ক্লিনিক অমসুং হেল্থ এন্দ ৱেলনেস সেন্তরশিংদা হোস্পিতালশিংবু দিজিতাইজ তৌহন্নবগীদমক হার্দৱেয়র গাইদলাইনশিং ফোংখ্রে। চৎনকাংলোনশিং অসিনা রাজ্য/য়ু.তি.শিংদা আই.তি. হার্দৱেয়র (তোঙান-তোঙানবা হার্দৱেয়র ইক্বিপমেন্তশিংগী স্পেসিফিকেসনশিং য়াওনা) আয়ুশ্মন ভারত দিজিতেল মিসন (এ.বি.দি.এম.)গা চুন্নগদবা এপ্লিকেসনশিংগী ওপরেৎ তৌনবগী প্লানিং, এসেসমেন্ত অমসুং লৈবগী থবকশিংগী তঙাইফদবা ফ্রেমৱার্কশিং পীরি। চৎন-কাংলোনশিং অসিগী মতাংদা হায়রদুনা দা. আর.এস. শর্ম, সি.ই.ও., এন.ঐচ.এ.না হায়খি – "এ.বি.দি.এম. লিংখৎপগী অহানবা খোঙথাংদি হোস্পিতালশিংবু দিজিতাইজ তৌবনি। রাজ্য অমসুং য়ু.তি. কয়ানা হেল্থ ফেসিলিতীগী পাক চাউবদা য়ুম্ফম ওইদুনা আই.তি. ইনফ্রাস্ত্রকচরগী তঙাইফদবশিংগী ওভর্ভ্যু পীবা চৎন-কাংলোনগী তঙাইফদবা অমা লৈরে হায়দনা ফোংদোকখ্রে। এন.ঐচ.এ.না পীরিবা চৎন-কাংলোনশিং অসিনা রাজ্য/য়ু.তি.শিংদা এ.বি.দি.এম.বু মখোয় মখোয়গী হেল্থকেয়র ইন্সতিত্যুৎশিংদা এদোপ্ত তৌবগী তঙাইফদবশিং য়েংশিনবদা মতেং ওইরগনি।

এ.বি.দি.এম.না থৌওংশিংবু হেন্না লায়হনগনি অমসুং হোস্পিতালগী দিজিতেল হেল্থ সোলুসনবু লৈবাক অসিদা লৈরিবা অতোপ্পা হকশেলগী ফেসিলিতীশিংগা শম্নদুনা হিংবদা হেন্না লায়হল্লগনি। দিজিতেল ইকোসিস্তেম অমা লৈবনা তেলিকন্সলতেসন, চে য়াওদবা হেল্থ রেকোর্দশিং, ক্যু.আর. কোদতা য়ুম্ফম ওইবা ও.পি.দি. রেজিস্ত্রেসন অসিনচিংবশিং থবক ওন্থোকপদা হেন্না মতেং ওইরগনি। হেল্থ রেকোর্দশিংবু দিজিতাইজ তৌবনা অনাবদুগী অরিবা মেদিকেল রেকোর্দশিং মাঙবা নাইররোই অমসুং মখোয়না পাম্বা মতম অমহেক্তদা ফংবা য়ারনি। তঙাইফদবা আই.তি.গী ইংফ্রাস্ত্রকচর পীবা অমসুং হোস্পিতাল ইনফোর্মেসন মেনেজমেন্ত সিস্তেমশিং রাজ্য/য়ু.তি.গী থাক্তা লৈরিবা হেল্থ ফেসিলিতীশিংদা পীবনা ইকোসিস্তেম কয়াদা লৈরিবা দিজিতেল হেল্থ রেকোর্দশিং শেম্বা অমসুং লান্থোক লানশিন তৌবদা মরুওইবা থৌদাং লৌগনি।

ইকোসিস্তেম অসিদা শৌঙাক পীগদবা আই.তি. হার্দৱেয়র স্পেসিফিকেসনগী চৎনপথাপশিং অসি https://abdm.gov.in:8081/uploads/Hardware_Guidelines_ABDM_e162cf7a7b.pdf দা ফংবীগনি। দোক্যুমেন্ত অসিনা রাজ্য/য়ু.তি.শিংবু মখল খুদিংগী হেল্থকেয়র ইন্সতিত্যুসনশিংদা আই.তি. এসেৎ লৈবগী প্লান্নিং তৌবদা চঙবা তঙাইফদবশিং থিবদা মতেং ওইরগনি। এন.ঐচ.এ.না ফোংলিবা চৎনপথাপশিং অসি সজেস্তিব অমসুং রিকমেন্দেতরী ওই। রাজ্য/য়ু.তি.শিং অমসুং হেল্থ ফেসিলিতীশিংনা চৎনপথাপশিং অসিবু মখোয়গী তঙাইফদবা অমসুং মতাং মতাংগী ওইনা শেমদোকপা য়াই।

***************