ওগস্ত ২০, ২০২২দা ফোঙখিবা ই.পি.এফ.ও.গী প্রোবিজনেল পেরোল দেতানা ই.পি.এফ.ও.না ২০২২গী জুন থাদা পুন্না মেম্বর লাখ ১৮.৩৬ হাপচিনখি। ২০২২গী জুন থাগী ওইনা পুন্না হাপখিবা মেম্বর অসি মমাং থা মে, ২০২২গা চাংদম্নবদা ৯.২১% হেনগৎলকখি। ইয়র-ওন-ইয়র চাংদম্নবদা পেরোল দেতা অসিনা জুন, ২০২২দা লৈরিবা পুন্না হাপচিনখিবা মেম্বরশিংগী মশিং অসি মমাং চহি ২০২১গী চো মান্নবা থা অদুগা চাংদম্নবদা লাখ ৫.৫৩ হেনগৎখিবগী রেজিস্তর তৌখি হায়না উৎলি।

থা অসিগী মনুংদা হাপচিনখিবা অপুনবা মেম্বর লাখ ১৮.৩৬কী মনুংদা অহানবা ওইনা ই.পি.এফ. এন্দ এম.পি. এক্ত, ১৯৫২গী মখাদা অনৌবা মেম্বর লাখ ১০.৫৪ রোম কবর তৌখি। এপ্রিল, ২০২২দগী হৌদুনা অনৌবা মেম্বর য়াওরকপগী হেনগৎলক্লিবা ত্রেন্দ অমা উৎখি। চাউরাক্না পুন্না মেম্বর লাখ ৭.৮২না তোকখি অদুবু ই.পি.এফ.ও.না কবর তৌবা এস্তব্লিশমেন্তগী মনুং চনবা থবকশিংদা হোংদোক্তুনা অমুক হন্না ই.পি.এফ.ও. য়াওরকখি অমসুং মখোয়গী হান্নগী পি.এফ. একাউন্ত অদুদা য়াওরিবা মখোয়গী ফন্দশিং অদু ফাইনেল পি.এফ. ৱিদ্রোৱেলগী এপ্লাই তৌবগী মহুৎ হৌজিক লৈরিবা একাউন্ত অদুদা ত্রান্সফর তৌহনখি। থা অসিগী মনুংদা তৌখিবা অনৌবা এনরোলমেন্ত অদু মমাংগী শেনবা চহিগী মনুংদা রেকোর্দ তৌখিবা থাগী চাংচৎতগী হেন্না ৱাংখি।

পেরোল দেতা অসি চহি-চহিগী ওইনা য়েংলকপদা চহি কাংলুপ ২২-২৫না জুন, ২০২২দা অহেনবা লাখ ৪.৭২ পুন্না এনরোল তৌরকপগী মশিং খ্বাইদগী ৱাংনা রেজিস্তর তৌখি। মসিনা তাক্লি মদুদি ওর্গনাইজ সেক্তর ৱার্কফোর্স্তা য়াওরক্লিবা অহানবা ওইনা থবক থীরকপা মীওইশিং অসি মশিং য়াম্মি।

পেরোলগী মশিং অসি রাজ্য-রাজ্যগী ওইনা য়েংলকপদা মহারাস্ত্র, কর্নতকা, তামিল নাদু, হরিয়ানা, গুজরাত অমসুং দিল্লী রাজ্যশিং অসিগী কবর তৌরিবা এস্তাব্লিশমেন্তশিং অসিনা মখা তানা থা অসিদা চাউরাক্না পুন্না মেম্বর লাখ ১২.৬১ হাপচিন্দুনা অদুমক মাংজিল থানা লৈরি, মসি চহি কাংলুপ পুম্নমক্কী ওইনা অপুনবা নেৎ পেরোল এদিসনগী ৬৮.৬৬% ওইরি।

জেন্দরগী ওইবা এনলাইসিসনা চৎলিবা থা অসিদা এনরোল তৌরকপা নুপী মেম্বরগী অপুনবদা লাখ ৪.০৬ ওইদুনা মমাং থাদা লাখ ৩.৪৩ ওইরম্বদগী ১৮.৩৭% হেনগৎলকখি। ওর্গনাইজ সেক্তরদা নুপী ৱার্কফোর্সনা শরুক য়ারকপা অসি হৌখিবা থা ১২ অসিদা খ্বাইদগী ৱাংখি। নুপী মেম্বরগী অপুনবা পর্সেন্তেজ শিয়র অসি মে ২০২২দা ২০.৩৭% ওইরম্বদগী জুন, ২০২২দা ২২.০৯%দা হেনগৎলকখি।

ইন্দস্ত্রী-ইন্দস্ত্রীগী পেরোল দেতাগী ক্লাসিফিকেসন অসিনা মপুং ওইনা কেতগোরী অনি হায়বদি ‘এক্সপর্ত সর্ভিসেস (মেনপাৱর এজেন্সীশিং, প্রাইবেৎ সেক্যুরিতী এজেন্সীশিং অমসুং অপীকপা কন্ত্রেক্তরনচিংবা য়াওবা) অমসুং ‘ত্রেদিং-কম্মর্সিএল এস্তাব্লিশমেন্তশিং’ থোক্না লৈ, থা অসিগী মনুংদা হায়রিবা অসিদা পুন্না মেম্বর ৪৭.৬৩% য়াওখি। মমাং থাগী ওইখিবা অদুগা ইন্দস্ত্রী-ইন্দস্ত্রীগী ওইবা দেতা অদু চাংদম্নবা ‘স্কুলশিং’, ‘গর্মেন্ত মেকিং’, ‘এক্সপর্ত সর্ভিসেস’ অমসুং ‘তেক্সতাইল্স’ অসিনচিংবা ইন্দস্ত্রীশিংদা এনরোলমেন্ত ৱাংনা তৌরকপা উবা ফংখি।

ইমপ্লোয়ী রেকোর্দ অপদেৎ তৌবা অসি লেপ্পা লৈতবা থৌওং অমা ওইবনা দেতা জেনরেসন অসি লেপ্পা লৈতবা থৌওং অমনি অদুনা পেরোল সেতা অসি প্রোনিজনেল ওইরি। থা খুদিংগী মমাংগী দেতা অদু অপদেৎ তৌরি। এপ্রিল ২-১৮দগী হৌদুনা ই.পি.এফ.ও.না সেপ্তেম্বর ২০১৭তগী কবর তৌদুনা পেরোল দেতা ফোঙখি।

ই.পি.এফ.ও.গী পেরোল অসি ইমপ্লোয়ী প্রোবিদেন্ত ফন্দস এন্দ মিসিলেনস প্রোবিজন্স এক্ত, ১৯৫২গী প্রোবিজনশিংগী মখাদা কবর তৌখিবা এন্তাব্লিশমেন্তশিংগী ওর্গনাইজ সেক্তর ৱার্কফোর্সকী শরুক অমনি। মসি মেম্বরশিংনা মখোয়না থবক্তগী পোত্থবা মতমদা প্রোবিদেন্ত ফন্দ, পেন্সনগী কান্নবশিং পীরিবা অমসুং মেম্বর অদুনা মনুং মতম চাদনা লৈখিদবা থোক্লবদি মাগী ইমুং মনুংদা ফেমিলী পেন্সন অমসুং ইন্সুরেন্সকী কান্নবশিং পীরিবা সোসিএল সেক্যুরিতী ওর্গনাইজেসন অমনি।

*****