সি.এম.দি.ই. সঞ্জয় পান্দে কম্মান্দিং ওফিসর, আই.এন.এস. মান্দোবিনা গোৱাদগী পোর্ত লুই, মৌরিসিয়স ফাওবগী সেলিং এক্সপিদিসন অমা ওগস্ত ২০, ২০২২গী অঙনবা অয়ুক্তা লমথাখি। এক্সপিদিসন অসি আই.এন.এস.ভি. তারিনিদা মীওই তরুক্না (নুপী ওফিসর অহুম য়াওনা) শাবা ক্রু অমনা পায়খৎপনি।

চাউরাক্না ২৫০০এন.এম. (চাউরাক্না কিলোমিতর ৪৫০০০)গী ওইগদবা অথাপ্পা অসিদা ক্রু অসিনা নুমিৎ ২০-২১ রোমগী মতম অসিদা অকনবা নোংজু নুংশা অমসুং মোন্সুনগী অকনবা শমুদ্রগী ফিভম থেংনরবা য়ারি। মসিগী মথক্তা, হায়রিবা ফিভম অসিদা সেলিং তৌবা হায়বসি, ক্রুশিং অসিনা বোৎ অপকীপ, মেচিনরী রুতিনশিং অমসুং মখোয়গী চানবা শেম শাবা য়াওগনি। খোঙচৎ অসি মখোয়না ভারতকী খোঙবাল হেক লান্থোকখিবদগীদি লেপ্পা লৈতনা হোনখ্রগনি।

ইন্দিয়ন নেভীগী শমুদ্রদা চৎনবা ইন্দিয়ন নেভেল সেলিং ভেসেল (আই.এন.এস.ভি.) তরুক লৈ, মহাদৈ, তারিনি, বুলবুল, হরিয়াল, কদলপুরা অমসুং নীলকান্থনি। হায়রিবা য়াচশিং অসিনা চাং নাইনা নেভেল পার্সনেলশিংগী য়ামদবা ক্রুশিংনা এক্সপিদিসন সেলিং চৎলি। শমুদ্রগী খোঙচৎশিংগী ক্রুশিং অসি শমুদ্রদা হোনবগী মহৈ নীংথিনা হৈরবা ভোলুন্তীয়রশিংদগী খনগৎলি।

ওসিন সেলিং অসি য়াম্না লুবা ওইবা এদভেঞ্চর স্পোর্ত অমনি। ওসিন সেলিং এক্সপিদিসনশিং অসিনা এদভেঞ্চরগী ইনোৎ হাপ্পী, নেভিগেসন, কম্ম্যুনিকেসন, ইঞ্জিনশিংগী তেক্নিকেল ওপরেসন অমসুং ওনবোর্দ মেচিনরীগী ওপরেসন, ইন্মার্সত ইক্বিপমেন্তগী মথৌ, লোজিস্তিক প্লান্নিং অসিনচিংবা কয়া য়াওনা শমুদ্রগী অইবা স্কিল কয়া অমা হাপকৎপদা মতেং ওইরি। মসিনা ইন্দিয়ন নেভীগী শক্তিবু সাগর পরিক্রমা অমসুং কেপ তাউন্দগী রিও দি জেনৈরো রেস, আইওন অমসুং বে ওব বেঙ্গল সেলিং এক্সপিদিসনশিংদা শরুক য়াদুনা উৎলি। তারিনি অসিসু ২০১৭দা 'নাভিকা সাগর পরিক্রমা' হায়বা গ্লোব কোইনা নুপী ওফিসর খক্তগী ক্রুনা চৎলুবগী মমিং চৎলি। হৌজিক্কী এক্সপিদিসন অসিদসু, খল্লিবা ক্রুশিং অসি জেন্দর ন্যুত্রেলনি, মসিদা নুপা অহুম, অমসুং নুপী ওফিসর অহুম য়াওরি। ভেসেল অসি খ্বাইদগী হৈশিংলবশিংগী মরক্তা অমা ওইরিবা ইন্দিয়ন নেভীগী য়াচমেন কেপ্তেন ভি.দি. মহেরিশিনা স্কিপ্পর তৌদুনা চৎলি। ক্রু মেম্বরশিং অসিদা কম্মান্দর ভিকাস শিওরান, লেফতরনেন্ত কম্মান্দর পায়ল গুপ্তা, লেফতনেন্ত কম্মান্দর কৌশল পেদনেকার, লেফতনেন্ত কম্মান্দর দিলনা কে অমসুং লেফতনেন্ত কম্মান্দর রুপা এ য়াওরি।

***************