ঙাকশেল মন্ত্রালয়
ঙাকশেল মন্ত্রী শ্রী রাজনাথ সিংহনা হয়েং নই দিল্লীদা ‘ইন্ত্রোস্পেক্সন: আর্ম্দ ফোর্সেস ত্রাইব্যুনেল’গী নেস্নেল সেমিনার হৌদোক্কদৌরি
Posted On:
19 AUG 2022 9:20AM by PIB Imphal
ঙাকশেল মন্ত্রী শ্রী রাজনাথ সিংহনা ওগস্ত ২০, ২০২২দা নই দিল্লীদা আর্ম্দ ফোর্সেস ত্রাইব্যুনেল (প্রিন্সিপাল বেঞ্চ) বার এসোসিএসন্না শীন্দুনা পাঙথোক্কদবা ‘ইন্ত্রোস্পেক্সন: আর্ম্দ ফোর্সেস ত্রাইব্যুনেল’গী নেস্নেল ৱর্কসোপ হৌদোক্কদৌরি। সেমিনার অসি, হৌজিক হৌজিক মথৌ তৌরিবা আর্ম্দ ফোর্সেসশিংগী মথক্তা এক্স-সর্ভিসমেন, মখোয়গী ইমুং মনুং অমসুং লানগী লুখ্রাবীশিংদা খোঙলৈ থুবা অমদি শেঞ্জঙ হন্থবা অচুমবা ৱায়েল ফংহন্নবগীদমক লিংখৎখিবা আর্ম্দ ফোর্সেস ত্রাইব্যুনেলগী থবক থৌরমশিং য়েংশিন্ননবা পাঙথোকপনি। সেমিনার অসিগী পান্দমদি ত্রাইব্যুনেল অসিগী থবক থৌওংশিং নৈনবা, অৱাৎ অপাশিংগী মতাঙদা পাউতাক পীবা অমসুং খোঙলৈ থুবা ৱায়েল ফংনবগী লমবীদা ৱাকৎলোয়শিংনা থেংনরিবা পরৈ চেনবা অমসুং খুদোংচাদবশিংগী ৱাখৈ পুরকপনি।
ঙাকশেল মন্ত্রীনা অথোইবা মীথুংলেন ওইনা, অদুগা চৎন-কাঙলোন অমসুং ৱায়েল মন্ত্রী শ্রী কিরন রিজিজুনা ইকায়খুম্নবা মীথুং ওইনা শরুক য়াগনি। সেমিনার অসিদা ঙাকশেল মন্ত্রালয়, চৎন-কাঙলোন অমসুং ৱায়েল মন্ত্রালয় অমদি ৱায়েল লোয়শঙগী মকোক থোংবা থৌমীশিংসু শরুক য়াগদৌরি। থৌরম অসি আর্ম্দ ফোর্সেস ত্রাইব্যুনেলগী রেজিং দে থৌরমগী শরুক অমা ওইনা পাঙথোকপনি।
******
(Release ID: 1853042)
Visitor Counter : 110