سڑک ٹرانسپورٹ اور قومی شاہراہوں کے مرکزی وزیر جناب نتن گڈکری نے آج 18؍اگست 2022ء کو ممبئی میں اشوک لے لینڈ الیکٹرک ڈبل ڈیکر بس کا افتتاح کیا ، جس کا نام سوئچ ای آئی  وی22 ہے۔ الیکٹرک بس کی لانچنگ کرتے ہوئے ٹرانسپورٹ کے مرکزی وزیر جناب نتن گڈکری نے کہا ’’طویل مدت کے نقطہ نظر سے ملک کے ٹرانسپورٹ نظام کو بدلناایک بڑی ضرورت ہے۔ شہری ٹرانسپورٹ میں اصلاح پر توجہ دینے کے ساتھ ہم کم کاربن کا اخراج کرنے والی اور مسافروں کی بڑی گنجائش والی مربوط الیکٹرک وہیکل (ای وی)تیز رفتار ایکوسسٹم بنانے کی کوشش کررہے ہیں، اب جبکہ سبز ٹرانسپورٹ حل کی مانگ صارفین میں بڑھتی جارہی ہے، حکومت کا وژن اور پالیسیاں الیکٹرک گاڑیوں کو اپنانے کی حوصلہ افزائی کرنے پر ہے۔‘‘

اشوک لے لینڈ کے مطابق سوئچ ای آئی وی22 ہندوستان کی پہلی اور انوکھی الیکٹرک ڈبل ڈیکر ایئر کنڈیشنڈ بس ہے، جسے ہندوستان میں ہی ڈیزائن کرکے تیار کیا گیا ہے۔کمپنی نے مطلع کیا ہے کہ سوئچ ای آئی وی 22جدید ترین تکنیک ،انتہائی جدید ڈیزائن ، بہترین تحفظ اور درجے کے اعتبار سے بہترین سہولتوں سے لیس ہے۔

دہلی-ممبئی ایکسپریس ہائی وے کے لئے اپنے نظریے کو ساجھا کرتے ہوئے مرکزی وزیر نے کہا’’میرا منصوبہ نریمن پوائنٹ کو دہلی سے جوڑنے کا ہے۔70 فیصد کام پہلے ہی مکمل ہوچکا ہے۔’’ انہوں نے آٹو موبائل کمپنیوں پر زور دیتے ہو ئے کہا’’آئیے ہم ایسی لگزری الیکٹرک بسوں  کا منصوبہ بنائیں، جو صرف 12گھنٹے میں ممبئی سے دہلی کا سفر کر سکے۔‘‘

ٹرانسپورٹ کے مرکزی وزیر جناب نتن گڈکری نے کہا کہ   ڈیزل جیسے دیگر ایندھن  کے مقابلے میں آٹوموبائل ایندھن کی شکل میں بجلی پر کم لاگت آتی ہے۔ انہوں نے کہا کہ خام تیل کی درآمد سرکا ر کے لئے ایک بڑا چیلنج ہے۔ سولر توانائی کے استعمال نے بجلی   کی لاگت کو کافی حد تک کم کردیا ہے۔

متبادل ایندھن کی شکل میں بجلی کی وکالت کرتے ہوئے مرکزی وزیر نے کہا کہ ملک میں 35فیصد آلودگی ڈیزل اور پیٹرول کی وجہ سے ہوتی ہے۔اس پس منظر میں وزیر موصوف نے درآمدات-متبادل لاگت کو متاثر کرنے والی، آلودگی سے آزاد اور سودیشی اشیا ء پر روشنی ڈالی۔انہوں نے کہا کہ ہندوستان کے لئے متبادل ایندھن جیسے بجلی، ایتھنول، میتھنول، بایوڈیزل، بایو –سی این جی، بایو –ایل این جی اور آٹوموبائل سیکٹر کے لئے سبز ہائیڈروجن کا استعمال کرنے کا وقت ہے۔

آٹو موبائل صنعت کے لئے اپنےمنصوبوں کو ساجھا کرتے ہوئے جناب گڈکری نے کہا کہ’’ میرا خواب آٹوموبائل صنعت کو2024 کے آخر تک اس کے موجودہ حجم7.5 لاکھ کروڑ روپے سے 15لاکھ کروڑ روپے تک لے جانا ہے۔‘‘ انہوں نے مزید کہا کہ یہ ایک ایسا ہدف ہے جو حاصل کیا جاسکتا ہے۔وزیر موصوف نے یہ بھی کہا کہ اس سیکٹر میں زیادہ سے زیادہ روزگار پیدا کرنے کی صلاحیت ہے اور یہ مرکز اور ریاستی سرکاروں کو زیادہ سے زیادہ ٹیکس دیتا ہے۔

سوئچ ای آئی وی کے بارے میں(اشوک لے لینڈ کے مطابق)

سوئچ الیکٹرک ڈبل ڈیکر بس میں سنگل ڈیکر بس کے مقابلے دو گنا مسافروں کی نشستیں ہوتی ہیں اور کرب ویٹ(مسافروں کے بغیر)میں محض 18فیصد کا ا ضافہ ہوتا ہے)

جدید ترین اسٹائل اور فیل گڈ اِنٹیریئر اور ایکسٹیریئر کے ساتھ ڈبل ڈیکر میں سامنے اور پیچھے کے چوڑے دروازے ، دو سیڑھیاں اور جدید ترین حفاظتی معیارات  والا ایک ایمرجنسی دروازہ بھی ہے۔ ہندوستان کے گرم موسم کی حالت میں اس کا اے سی بہترین ٹھنڈک فراہم کرتا ہے، جبکہ 65مسافروں کے لئے زیادہ سے زیادہ ایسی سیٹی ہیں ، جو فٹ پرنٹ کے ساتھ ہے۔

ہر سیٹ میں ہلکا سا کشن ہے اور سہولت کے اعتبار سے مسافر ایک انٹیریئرکار جیسی سہولت محسوس کرتا ہے۔ یہ انتہائی جدید الیکٹرک ڈبل ڈیکر شہری آمدو رفت کے لئے ایک آئیڈیل حل کے طورپر سامنے آئی ہے، کیونکہ سڑک، ٹرمنل اور ڈپو میں یہ کم جگہ گھیرتی ہے اور ہر دو سیٹوں کے درمیان اس میں اچھا خاصا فاصلہ بھی ہے۔

نیشنل الیکٹر ک موبلٹی مشن کے بارے میں معلومات یہاں انڈیا سائنس ٹی وی کے اس ویڈیو سے حاصل کی جاسکتی ہے۔

https://www.indiascience.in/videos/national-electric-mobility-mission-e-1

************

ش ح۔ج ق۔ن ع

(U: 9299)