প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা হোস্পিতেলিতী অমসুং মরী লৈনবা সেক্তরশিংদা লৈরিবা এন্তর্প্রাইসশিংগীদমক অখন্ননা খাক্তুনা থম্বা অহেনবা শেনফমগা লোয়ননা ইমর্জেন্সী ক্রেদিৎ লাইন গরেন্তী স্কিম (ই.সি.এল.জি.এস.)গী লিমিৎ অসি লুপা করোর লাখ ৪ ওইরম্বদগী করোর ৫০,০০০ হেনগৎহন্দুনা লুপা করোর লাখ ৫ ওইহনবদা অয়াবা পীখ্রে। হোস্পিতেলিতী অমসুং মরী লৈনবা এন্তর্প্রাইসশিংদা কোবিদ-১৯ লাইচৎনা মরম ওইদুনা পীখিবা অচৌবা চৈথেংশিংনা মরম ওইরগা মসি হেনগৎহনখিবনি।

ইমপ্লিমেন্ত তৌনবগী মতম:

ই.সি.এল.জি.এস. অসি কন্তিন্যুইং স্কিম অমনি। স্কিম অসিগী ভেলিদিতী হায়বদি ৩১.৩.২০২৩ ফাওবদা হোস্পিতেলিতী অমসুং মরী লৈনবা সেক্তরশিংদা লৈরিবা এন্তর্প্রাইসশিংদা লুপা করোর ৫০,০০০গী অহেনবা শেনফম অসি শীজিন্নবা য়াগনি।

কান্নবা:

ই.সি.এল.জি.এস. অসি হান্নদগী পাইখৎলবা স্কিম অমনি অমসুং হোস্পিতেলিতী অমসুং মরী লৈনবা সেক্তরশিংদা কোবিদ ১৯ লাইচৎনা পীখিবা চৈথেংশিং য়েংলগা সেক্তরশিং অসিদা লৈরিবা এন্তর্প্রাইসশিংগীদমক লুপা করোর ৫০,০০০গী শেনফম অমা অখন্ননা খাক্তুনা সরকারনা থমখি। নফম হেনগৎহনবা অসিনা শেল চংদবা মওংদা লুপা করোর ৫০,০০ ফাওবগী অহেনবা ক্রেদিৎ ফংহন্দুনা লেন্দিং ইন্সতিত্যুসনশিং ইনসেন্তিবাইজ তৌদুনা সেক্তরশিং অসিদা লৈরিবা এন্তর্প্রাইসশিং অসিদা মখোয়না মথৌ তাবা তেংবাং অদু পীরগনি হায়না পানরি অসুম তৌবনা মসিগী বিজিনেস এন্তর্প্রাইসশিং অসিনা মখোয়গী ওপরেস্নেল লাইএবিলিতীশিং থুংহনবা ঙম্লগনি অমসুং মখোয়গী বিজিনেসশিং মখা চত্থবা ঙম্লগনি।

৫.৮.২০২২ ফাওবদা ই.সি.এল.জি.এস.কী মখাদা লুপা করোর লাখ ৩.৬৭ ওইগদবা লোনশিং পীথখ্রে।

মসিগী মরমদা:

হৌজিক মায়োক্নরিবা লাইচৎ অসিনা কন্তেক্ত-ইন্তেন্সিব সেক্তরশিংদা চাউনা চৈথেং পীখি মরু ওইনা হোস্পিতেলিতী অমসুং মরী লৈনবা সেক্তরশিংদা কা হেন্না শোকহনখি। অমরোমদা সেক্তরশিং অসিনা রিকবরীগী লম্বীদা য়াম্না থুংনা খুমাং চাউশিনখি, সেক্তরশিং অসিগী দিমান্দ অসি মতম শাংনা থুংহনবা ঙমদনা লাকখিবা অসিনা মখোয়গী সস্তেনেন্স অমসুং রিকবরীগীদমক চুনবা খোঙথাংশিং লৌখৎপীবা মথৌ তাই উৎখি। মখা তানা মখোয়গী চাউনা থবক পীবা ঙম্বগী মপাঙ্গল অমসুং মখোয়না অতোপ্পা সেক্তরশিংগা হকথেংননা অমসুং নাকোইননা মরী লৈনরিবশিং অসি য়েংলগা মখোয়গী রিভাইবেল অসি অপুনবা শেন্মীৎলোন অমুক হন্না ফগৎহন্নবগীদমক তঙাই ফদবা অমসু ওইখি। মসি খঙলদুনা কেন্দ্রগী বজেৎ ২০২২-২৩দা ই.সি.এল.জি.এস. অসি মার্চ ২০২৩ ফাওবা শাংদোক্নবা অমসুং ই.সি.এল.জি.এস.কী গরেন্তীদ কবর লিমিৎ অসি লুপা করোর ৫০,০০০ হেনগৎহন্দুনা পুন্না লুপা করোর লাখ ৫ কবর তৌহনখি লোয়ননা হোস্পিতেলিতী অমসুং মরী লৈনবা সেক্তরদা লৈরিবা এন্তর্প্রাইসশিংগীদমক অহেনবা শেনফম খাক্তনা থমখি।

ইম্ম্যুনাইজেসনগী চাং ৱাংবা, অথিংবশিং থম্লম্বা অদু তপ্না-তপ্না কোমথোরকপা অমসুং অপুনবা শেন্মীৎলোন্দা খুমাং চাউশিল্লকপগা লোয়ননা সেক্তরশিং অসিগী দিমান্দদা সস্তেন্দ গ্রোথকীদমক কন্দিসনশিং থমখি। অহেনবা গরেন্তী কবর অসিনা সেক্তরশিং অসিগী রিকবরীদা মতেং পাংলগনি পানরি।

*****