ہندوستان کی منفرد شناخت سے متعلق اتھاریٹی (یو آئی ڈی اے آئی) نے رواں مالی سال کے پہلے چار مہینوں (اپریل تا جولائی) کے دوران 0 سے 5 سال کی عمر کے 79 لاکھ سے زائد بچوں کا اندراج کیا ہے۔

یہ بال آدھار پہل کے تحت 0-5 سال کی عمر کے مزید بچوں تک پہنچنے اور والدین اور بچوں کو متعدد فوائد حاصل کرنے میں مدد کرنے کی ایک نئی کوشش کا حصہ ہے۔ جبکہ 0-5 سال کی عمر کے 2.64 کروڑ بچوں کے پاس 31 مارچ 2022 کے آخر تک بال آدھار تھا، یہ تعداد جولائی 2022 کے آخر تک بڑھ کر 3.43 کروڑ ہو گئی ہے۔

بال آدھار رجسٹریشن ملک بھر میں تیز رفتاری کے ساتھ بہتر انداز میں آگے بڑھ رہا ہے۔ ہماچل پردیش اور ہریانہ جیسی ریاستوں میں پہلے ہی مقرر کردہ عمر کے 70فیصد سے زیادہ 0-5سال کی عمر کے بچوں کے اندراج  کا ہدف حاصل کر لیا گیا ہے۔ جموں و کشمیر، میزورم، دہلی، آندھرا پردیش اور لکشدیپ سمیت کئی دیگر ریاستوں اور مرکز کے زیر انتظام خطوں میں بھی بچوں (0-5 سال کے بچوں) کے رجسٹریشن نے بھی بہت اچھا کام کیا ہے۔

مجموعی طور پر، اس وقت تقریباً 94فیصد آدھارمکمل ہو چکے ہیں۔ بالغوں میں تقریباً 100فیصد آدھار  مکمل ہو چکے ہیں ۔ آدھار اب زندگی میں آسانی اور کاروبار کرنے میں آسانی دونوں کے لیے کارگر ہے۔

یو آئی ڈی اے آئی اور اس کے علاقائی دفاتر رہائشیوں کو آگے آنے اور بال آدھار پہل کے تحت اپنے بچوں کو رجسٹر کرنے کے لیے مسلسل ترغیب دے رہے ہیں۔ بال آدھار کئی فلاحی فوائد حاصل کرنے میں ایک سہولت کار کے طور پر کام کرتا ہے اور پیدائش سے ہی بچوں کے لیے ڈیجیٹل تصویری شناخت کے طور پر بھی کام کرتا ہے۔

0-5 سال کی عمر کے بچوں کو بال آدھار جاری کیا جاتا ہے۔ بایومیٹرک (فنگر پرنٹ اور ایرس) کا مجموعہ آدھار جاری کرنے میں ایک کلیدی فیچر ہے کیونکہ ان بایو میٹرکس کی ڈی ڈپلیکیشن کی بنیاد پر انفرادیت قائم کرنے کے لیے اس کی ضرورت ہوتی ہے۔ تاہم، 0-5 سال کی عمر کے بچوں کے آدھار کے اندراج کے لیے، یہ بایومیٹرکس جمع نہیں کیے جاتے ہیں۔

0-5 سال کی عمر کے بچوں کے آدھارکا اندراج بچے کے چہرے کی تصویر، اور والدین/سرپرست کی بایو میٹرک کی تصدیق (ایک درست آدھار ہونا) کی بنیاد پر کیا جاتا ہے۔ بال آدھار کے لیے اندراج کے وقت رشتہ کا ثبوت (ترجیحی طور پر پیدائش کا سرٹیفکیٹ) جمع کیا جاتا ہے۔

بال آدھار کو عام آدھار سے الگ کرنے کے لیے، اسے نیلے رنگ میں جاری کیا جاتا ہے، اس تبصرہ کے ساتھ کہ یہ اس وقت تک درست ہے جب تک کہ بچہ 5 سال کا نہ ہو جائے۔ 5 سال کی عمر کو پہنچنے پر، بچے کو لازمی بایو میٹرک اپ ڈیٹ (ایم بی یو) کے عمل کو مکمل کرنے کے لیے آدھار سیوا کیندر میں اپنا بایومیٹرکس پیش کرنے کی ضرورت ہوتی ہے۔

ایم بی یو کا عمل ڈی ڈپلیکیشن کے عمل سے گزرتا ہے۔ اس عمل کی تکمیل کے بعد، بچے کو آدھار نمبر میں کسی تبدیلی کے بغیر ایک عام آدھار جاری کیا جاتا ہے۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ج ا  (

9168