কম্মর্স অমসুং ইন্দস্ত্রী মন্ত্রালয়গী মখাদা লৈবা লৌউশিংউগী পোত্থোকশিংগী এক্সপোর্ত বোদী অমা ওইরিবা এপেদানা শেনবা চহি ২০২২-২৩গী ওইনা এগ্রো এক্সপোর্ততা থম্লিবা য়ু.এস.দি. ২৩.৫৬ বিলিয়নগী পান্দম অসি হেন্না ফগৎনবগীদমক আউৎরিচ স্ত্রেতেজী অমা য়াৎখ্রে।

চীঞ্জাক্কী পোত্থোকশিং মপান্দা থাদোকপদা মরুওইবা খুদোংচাদবা অমা ওইরিবা মরুওইবা চাউখৎলবা লৈবাকশিংদা থেংনরিবা লৈবাকশিংগী মরক্তা লল্লোন ইতীক তৌবদা তেক্নিকেলগী ওইবা পল অমা ওইনা শীজিন্নরিবা সেনিতরী অমসুং ফাইতোসেনিতরীগী ওইবা খোঙথাংশিং অসি য়েংদুনা এপেদানা চীঞ্জাক এক্সপোর্ত তৌরিবা স্তেকহোল্দরশিংগী মরক্তা মসিনা মীওইবা পুন্সিদা পীরিবা শাফুগী মতাংদা পুথোক্তুনা সোসিএল মীদিয়া প্লেৎফোর্ম য়াওনা ওনলাইন প্লেৎফোর্মশিংদা ভাপ তাহন্নবা থৌরাং তৌরি।

পুথোরক্লিবা আউৎরিচ স্ত্রেতেজী অসিগী মতুং ইন্না, মসিনা মপান্দা থাদোক্লিবশিং, লৌমী, এগ্রিপ্রিন্যুর, ফুদ প্রোসেসর, লোজিস্তিক্স প্রোভাইদর, ফোরেন এক্সচেঞ্জ মেনেজমেন্ত কম্পেনীশিং অসিনচিংবশিংগা মরুওইবা পব্লিকেসন অমসুং ইলেক্ত্রোনিক চেন্নেলশিংগা অমসুং মশক খঙনরবা সোসিএল মীদিয়া প্লেৎফোর্মশিংগী মতেংনা মপান্দা থাদোকপদা কান্নগদবা পোত্থোকশিংগী লিস্তশিং পুথোক্তুনা অকনবা অমসুং চাং নাইবা মরী শাগৎনবা হোৎনরি।

তোঙান-তোঙানবা সোসিএল মীদিয়া প্লেৎফোর্মশিংদা শক্তি লৈবা মার্কেৎশিংগী লিস্তসু থোক্কনি। মসিগী নাকন্দা, লৈবাক লৈবাক্কী ওইনা অমসুং পোত্থোক-পোত্থোক্কী ওইনা চঙবা ভারতকী এক্সপোর্তকী পোতেন্সিএল লৈবা পোত্থোকশিংগী তঙাইফদবশিং অদু এক্সপোর্তরশিংগীদমক এপেদাগী পোর্তেলদা উৎকনি।

মসিগা লোইননা, ইম্পোর্ত তৌরিবা লৈবাকশিংগী তঙাইফদবশিং অদুসু খুদক্তা অথুবদা স্তেকহোল্দরশিংগী মরক্তা চাইথোক্কনি অমসুং ভারতকী এক্সপোর্তশিংনা মখোয়না পাম্বা মপাং ওইবা লৈবাকশিংদা পীরিবা পোত্থোক-পোত্থোক্কী ওইবা কান্নবশিং অসিসু মপাং ওইরিবা লৈবাক অদুদা হেন্না খুদোংচাবা লৌবা য়ানবগীদমক উৎকনি।

অহেনবা এক্সপোর্তরশিং হেন্না পুক্নিং চিংশিন্নবগীদমক, এপেদাগী এক্সপোর্ত প্রদ্যুসরশিংসু তোঙান-তোঙানবা প্লেৎফোর্মশিংদা মরুওইনা ইলেক্ত্রোনিক মীদিয়া চাইথোক্কনি অমসুং এক্সপোর্তকী থৌওংশিংগী লমাই অমত্তমক ওইবা পাউসু মখোঙদগী হৌদুনা অমসুং খুঙ্গংগী থাক্তা মাগী কান্নবশিংগা লোইননা চাইথোক্কনি।

প্রধান মন্ত্রী শ্রী নরেন্দ্র মোদীনা ইরোমদোম লেপচবা ভারত অমা ওইনবা লাওরিবা খোলাউ অসিগা চুন্ননা, হৌরক্লিবা এগ্রিপ্রিন্যুরশিংবু প্রেক্তিকেল অমসুং তেক্নিকেল ত্রেনিংগী খুত্থাংদা শেমগৎপা অমসুং মখোয়বু লৌউশিংউগী পোত্থোক মপান্দা থাদোকপবু পাম্নবা পুন্সিগী লম্বী অমা ওইনা খন্ননবা ইনোৎ পীবদা পান্দম থম্লি। কম্মর্স অমসুং ইন্দস্ত্রী মন্ত্রালয়গী মরুওইবা এক্সপোর্ত প্রোমোসন বোদী অসিনা ভারত্তা লৈরিবা তোঙান-তোঙানবা এগ্রো ক্লাইমেতিক জোনশিং অসিদগী লৌবা য়াবা এক্সপোর্তকী খুদোংচাবশিং লৌনবা এগ্রিপ্রিন্যুরশিংগী থৌরম অমা শীল্লি।

লৌমী, মহৈরোই, ওফিসিএলশিংনচিংবা এগ্রী সপ্লাই চেন্দা য়াওরিবা স্তেকহোলদরশিংদা  লৌউশিংউগী পোথোকশিং থাদোকপগী থৌওংশিং, চৎনপথাপশিং, এগ্রী সপ্লাই চেন্দা সরকারদগী পীবা য়াবা ফিস্কাল অমসুং ফাইনান্সিএল ইন্সেন্তিভশিং, সপ্লাই চেন্দা লৈরিবা সেনিতরী অমুং ফাইতো-সেনিতরী ইসুশিং খুদম ওইনা রেসিদ্যুশিং, খ্বাইদগী য়াম্বা রেসিদ্যুগী লিমিৎশিং, ত্রেসিএবিলিতী, অসিনচিংশিং অসিগী মতাংদা ৱাখল তাহল্লগনি।

ভারত্তা থেরাপ্যুতিক্স অমসুং হকশেলগী কান্নবশিংনা মরম ওইদুনা জিওগ্রাফিকেল ইন্দিকেসন (জি.আই.) তেগ তৌরবা পোথোকশিং থাদোক্ননবা অফবা পোতেন্সিএল লৈবা অসিনা অৱাং নোংপোক লমদম (এন.ই.আর.)দা লৈরিবা স্তেকহোলদরশিংগী মরক্তা জি.আই. পোথোকশিংগী এৱেরনেস শেমগৎনবা ওরিএন্তেসন পোগ্রামশিংনা প্লান তৌখ্রে।

 ভারত্তা, জি.আই. রেজিস্তর তৌরবা লৌউশিংউগী পোথোক ১৪০দগী হেন্না লৈরি অমসুং মদুগী মরক্তা, লৌউশিংউগী পোথোক ১২৩দি এ.পি.ই.দি.এ.গী স্কেদ্যুল তৌরবা পোথোকশিংনি। ভারত্তা লৈরিবা বাইওদাইভর্সিতী অসিবু য়েংলগা, য়ুনিভর্সিতিশিং, ওর্গনাইজেসনশিং, এন.জি.ও.শিং, অসিনা জাতি অমসুং অন্তরজাতিগী থাক্তা নোলেজ পার্তনরশিং ওইবীদুনা জি.আই. পোথোকশিংবু মালেম শিনবা থুংনা থাদোকহনখিনবা জাতিগী অমসুং অন্তরজাতিগী একজিবিসন অমসুং ৱর্কশোপ কয়া পাংথোক্ননবা প্লান তৌখ্রে।

আউতরিচ স্ত্রেতেজীগী মতুং ইন্না, মসি হেন্না ফবা কোওর্দিনেসন লৈহন্ননবা জি.আই. রেজিস্ত্রী মপুশিংগী এসোসিএসন অমা শেম্নবা অমসুং জি.আই. স্তেকহোলদরশিং অমসুং সরকারগী মরক্তা লৈনরিবা মরি  অদুবু শেমগৎননবা হৌদোকখি। জি.আই. পোথোকশিংগী রেজিস্তর তৌননবা ওর্গনাইজেসন অমা লৈবনা মরম ওইদুনা খোঙথাং অসিনা জি.আই. পোথোকশিংগী অফবা অমসুং শেংবা শেংদবগী চাং অদুবু ঙাক্ননবা পান্দম তৌরি, অদুবু মসিগী শেংবা শেংদবা অদু চুম্মি হায়না তাক্ননবা এজেন্সী অমত্তাদি লৈতে।  

আউতরিচ স্ত্রেতেজী অসিগী মখাদা পাংথোক্কদৌরিবা পনখ্রিবা প্রোগ্রামশিং অসিনা ভারত্তা এক্সপোর্ত্তা য়ুম্ফম ওইবা এগ্রী সপ্লাই চেননা, এগ্রী সপ্লাই চেনগী ওতোমেসন অমসুং মেকানাইজেসন তৌবা, লৌউ শিংউ অমসুং ফুদ প্রোসেসিংদা অনৌবা তেক্নোলোজীশিং মাই পাক্না শিজিন্নবা, এগ্রী এক্সপোর্ত পোলিসি, জিলা অমা অমসুং পোথোক অমা, এস.পি.এস. অমসুং গ্লোবেল জি.এ.পি.গা লোয়নদুনা হারভেস্ত তৌদ্রিঙৈ অমসুং তৌরবা মতুংগী থবকশিং মান্ননা লৈবা, অপুনবা কোলদ চেন মেনেজমেন্তগীদমক্তা তঙাই ফদবা লোজিস্তিক্স অমসুং ইনফ্রাস্ত্রকচর অমসুং সেফ রেসিদ্যু জোনশিং মপুং ওইনা পেস্তিসাইদ অমসুং তৌক্সিন রেসিদ্যুশিংগী ওনবদা থেংনরিবা খুদোংচদবশিংদা মিৎয়েং থমগনি।

মসি মাই পাকখ্রবা এক্সপোর্তরশিংগী ৱারিশিংগী মরমদা ভিদিও অমসুং ইনফো-গ্রাফিক্স কন্তেন শেম্নবা অমসুং মদুবু সোসিএল মেদিয়া প্লেতফোর্মশিংদা চাং নাইনা থাগৎননবগীদমক শেমখিবনি। এগ্রো এক্সপোর্ত প্রোমোসন বোদীনসু লৌমীশিং, স্তার্ত-অপশিং, এক্সপোর্তরশিং অসিনচিংবা কয়াগী মাই পাকপগী পুক্নিং থৌগৎনিঙাই ওইরবা ৱারিশিংবু প্রিন্ত অমসুং সোসিএল মেদিয়া কয়াদা ফোংবীনবা হৌদোকখ্রে।

***************