ভারত সরকারকনা ওগস্ত ১১ – ওগস্ত ১৫, ২০২২ ফাওবা হর ঘর তিরঙ্গা থৌরম পাঙথোক্লি। আজাদী কা অমৃত মহোৎসবকী চহি তাবা অসিগী মখাদা ভারত সরকারনা ইকাই খুম্নরবা প্রধান মন্ত্রী নরেন্দ্র মোদীগী লুচিং মখাদা লৈবাক শিনবা থুংবদা লৈরিবা মমিং লৈরবা মফম ৪০০দা থৌরমশিং পাঙথোক্লি।

ভারত সরকারগী ফিশরীজ, এনিমেল হসবেন্দরী অমসুং দাইরিয়িং মন্ত্রালয়না  তামিল নাদু রাজ্য সরকারগা চুংশিন্নদুনা ওগস্ত ১২, ২০২২দা তামিল নাদুগী তূতুকুরীদা লৈবা পাঞ্চালমকুরিচী ফোর্ত্তা হর ঘর তিরঙ্গা থৌরম পাঙথোকখ্রে।

ভারত সরকারগী ফিশরীজ, এনিমেল হসবেন্দরী অমসুং দাইরিয়িংগী কেন্দ্রগী রাজ্য মন্ত্রী দা. এল. মুরুগননা তোঙান-তোঙানবা দিগনিতরীশিং য়াওবা থৌরম অসিগী অথোইবা মীথুংলেন ওইনা লেংশিনখি। কেন্দ্রগী রাজ্য মন্ত্রীনা তামিল নাদুগী তূতুকুরীদা লৈবা পাঞ্চালমকুরিচী ফোর্ত্তা জাতিগী ফিরাল চীংখৎখি অমসুং থৱাইনা পোন্থা পীখ্রবশিং/নীংতম লান্মীশিংগী ইমুং মনুংগী মীওইশিং ওকখি। মন্ত্রীনা মীয়ামদা হর ঘর তিরঙ্গা কেম্পেন্দা থৱাই য়াওনা শরুক য়ানবসু মীয়ামদা হায়খি।

তামিল নাদু সরকারনা থৌরম অসি চাউনা মাইপাক্নবগীদমক এদমিনিস্ত্রেতিব অমসুং লোজিক্তিক্কী তেংবাং পুম্নমক পীখি।

****