ভারত সরকারকনা ওগস্ত ১১ – ওগস্ত ১৫, ২০২২ ফাওবা হর ঘর তিরঙ্গা থৌরম পাঙথোক্লি। আজাদী কা অমৃত মহোৎসবকী চহি তাবা অসিগী মখাদা ভারত সরকারনা ইকাই খুম্নরবা প্রধান মন্ত্রী নরেন্দ্র মোদীগী লুচিং মখাদা লৈবাক শিনবা থুংবদা লৈরিবা মমিং লৈরবা মফম ৪০০দা থৌরমশিং পাঙথোক্লি।

ভারত সরকারগী ফিশরীজ, এনিমেল হসবেন্দরী অমসুং দাইরিয়িং মন্ত্রালয়গী এনিমেল হসবেন্দরী অমসুং দাইরিয়িং বিভাগনা নেস্নেল দাইরী দিবেলপমেন্ত বোর্দ (এন.দি.দি.বি.), গুজরাত কোওপরেতিব মিল্ক মার্কেতিং ফেদরেসন (জি.সি.এম.এম.এফ.) অমসুং ভালসদ দিস্ত্রিক কো-ওপরেতিব মিল্ক প্রদ্যুসর্স য়ুনিয়ন লিমিতেদ (দুধসাগর দাইরী)না চুংশিন্নদুনা ওগস্ত ১২, ২০২২দা গুজরাতকী নবসারী, দান্দীদা লৈবা নেস্নেল সোল্ত সত্যাগ্রহ মেমোরিএলদা হর ঘর তিরঙ্গা থৌরম পাঙথোকখ্রে।

ভারত সরকারগী ফিশরীজ, এনিমেল হসবেন্দরী অমসুং দাইরিয়িং কেন্দ্র মন্ত্রী পুরুশোত্তম রুপালানা তোঙান-তোঙানবা দিগনিতরীশিং য়াওবা থৌরম অসিগী অথোইবা মীথুংলেন ওইনা লেংশিনখি। কেন্দ্রগী মন্ত্রীনা গুজরাতকী নবসারী, দান্দীদা লৈবা নেস্নেল সোল্ত সত্যাগ্রহ মেমোরিএলদা জাতিগী ফিরাল চীংখৎখি অমসুং থৱাইনা পোন্থা পীখ্রবশিং/নীংতম লান্মীশিংগী ইমুং মনুংগী মীওইশিং ওকখি। কেন্দ্রগী মন্ত্রীনা মীয়ামদা হর ঘর তিরঙ্গা কেম্পেন্দা থৱাই য়াওনা শরুক য়ানবসু মীয়ামদা হায়খি।

গুজরাত সরকারনা থৌরম অসি চাউনা মাইপাক্নবগীদমক এদমিনিস্ত্রেতিব অমসুং লোজিক্তিক্কী তেংবাং পুম্নমক পীখি।

***