পোস্তকী দিপার্তমেন্তনা মখোয়গী মফম খুদিংমক্তা লৈরিবা পোস্ত ওফিস লাখ ১.৫গী নেতৱর্ককা লোয়ননা “হর ঘর তিরঙ্গা” হায়রিবা থৌরম অসি লৈবাক অসিগী নাগরিক খুদিংমক্তা য়ৌহনখ্রে। ইন্দিয়া পোস্তনা, য়াম্না তেল্লবা মতম, নুমিৎ ১০নিগী মনুংদা পোস্ত ওফিসাশিং অমসুং ওনলাইনগী খুথাংদা জাতিগী ফিরাল করোর ১ য়োনখ্রে। ফিরালশিং অসি য়াম্না হোংবা মমল লুপা ২৫/- খক্তদা য়োনখিবনি। ওনলাইন য়োনবগীদমক্তা দিপার্তমেন্ত অসিনা ফিরাল অসি ভারত অসিগী মফম খুদিংমক্তা য়ুম য়ৌনা থিনবগী খুদোংচাবা পীখি; নাগরিকশিংনা ইপোস্ত ওফিস ফেসিলিতীগী খুত্থাংদা ফিরাল লাখ ১.৭৫ হেন্না ওনলাইনগী খুত্থাংদা লৈখি।

পোস্ততা থবক তৌবা মীওই লাখ ৪.২না থৱায় য়াওনা লৈবাক অসিগী সিতীশিং, তাউন অমসুং খুঙ্গং, বোর্দরদা, এল.দব্ল্যু.ই. দিস্ত্রিক্তশিংদা, অমসুং চিং অমসুং ত্রাইবলনা তাবা খুদিংমক্তা “হর ঘর তিরঙ্গা”গী পাউজেলবু য়ৌহনখ্রে । ইন্দিয়া পোস্তনা প্রভাত ফেরি, বাইক রেলি অমসুং চৌপাল সভাশিংগী খুথাংদা সমাজকী মফম খুদিংমক্তা “হর ঘর তিরঙ্গা”গী পাউজেল অসি য়ৌহনখ্রে। ত্বীতর অমসুং ফেসবুকগুম্বা সোসিয়েল মীদিয়াগী খুথাংদসু দিজিতেলগী খুত্থাংদা খংনরিবা নাগরিকশিংগী মরক্তসু পাউজেল অসি যৌহন্নবগীদমক য়াম্না পাক চাওনা শিজিন্নখি।

জাতিগী ফিরাল অসি পোস্ত ওফিসশিংদা ২০২২গী ওগস্তকী তাং ১৫ ফাওবদা ফংগনি। নাগরিকশিংনা মখোয়গী খ্বাইদগী নকপা পোস্ত ওফিসতগী নত্রগা ইপোস্ত ওফিস (epostoffice.gov.in)দা চংলগা জাতিগী ফিরাল ফংগনি অমসুং “হর ঘর তিরঙ্গা” কম্পেনগী শরুক অমা ওইবা য়াগনি। সিতিজেনশিংনা তিরঙ্গাগা লোয়ননা সেল্ফি নম্মগা  www.harghartiranga.comদা থাগৎপা য়াগনি অমসুং অনৌবা ভারতকী খ্বাইদগী চাউবা কুমহৈ অসিদা শরুক য়ানবগীদমক রেজিস্তর তৌবা য়াগনি।

***