উপ-রাস্ত্রপতিগী লোইশঙ
শ্রী জগদীপ ধনখরনা ১৪শুবা ভারতকী উপ রাস্ত্রপতি অমসুং রাজ্য সভাগী চিয়রমেন ওইনা ৱাশক লৌখ্রে
Posted On:
11 AUG 2022 1:53PM by PIB Imphal
শ্রী জগদীপ ধনখরনা ১৪শুবা ভারতকী উপ রাস্ত্রপতি অমসুং রাজ্য সভাগী চিয়রমেন ওইনা ঙসিদগী থৌ পুবা হৌখ্রে। ঙসি রাস্ত্রপতি ভবন্দা পাঙথোকখিবা ৱাশক লৌবগী থৌরম অমদা ভারতকী রাস্ত্রপতি, শ্রীমতি দ্রৌপদী মুর্মুনা মশক নাইরবা উকিল অমসুং নোংচুপ বেঙ্গলগী হান্নগী রাজ্যপাল, শ্রী ধনখরগী ওফিসকী থবক পাইবগী ৱাশক লৌখি।
ৱাশক লৌদ্রিঙৈ মমাংদা শ্রী ধনখরনা ঙসি অয়ুক রাজঘাত্তা চৎখি অমসুং মহাত্মা গান্ধীজীদা ইকাই খুম্নরবা উৎখি। “পুজ্য বাপুবু ইকায় খুম্নবা উৎপদা রাজঘাতজী ইং-চিক্লবা ফজবা অসিদা ভারতকী শেবা তৌনবা মতম পুম্নমক্তা শেম-শাদুনা লৈনবা থৌজাল ফংবা, ইথিল ফাওবা অমসুং ইনোৎ হাপ্পা ওইনা ফাওরি”, হায়না মহাক্না ত্বিত তৌখি
মখাদা শ্রী জগদীপ ধনখরগী শম্লপ্পা প্রোফাইল পীরি–
১. মহৈ-মশিং অমসুং শিনফমগী মতাংদা
শ্রী ধনখরনা অহৌবগী স্কুলিং অসি কিথানা খুঙ্গংদা লৈবা গভর্নমেন্ত প্রাইমরী স্কুলদগী হৌরকখি। মসিগী মতুংদা মহাক্না গভর্নমেন্ত মিদল স্কুল ঘর্ধানা অমসুং সাইনিক স্কুল, চিত্তোরগরদা তমখি। মহাক্কী কোলেজকী থাক্কী মহৈ তম্নবা স্রী ধনখরনা জয়পুরগী মহারাজা কোলেজতা তমখি অমসধং বি.এসসি (ওনর্স) ফিজিক্সতা গ্রেজ্যুৎ তৌখি। মসিগী মতুংদা মহাক্না য়ুনিভর্সিতী ওফ রাজস্থান্দা লো তমখি।
শ্রী জগদীও ধনখরনা উকিল অমা ওইনা মহাক্কী প্রোফেস্নেল কেরিয়র হৌখি অমসুং ফর্স্ত জেনরেসন প্রোফেস্নেল ওইজরবসু মহাক্না লৈবাক অসিগী মকোক থোংবা লিগেল এক্সপর্তশিংগী মনুংদা অমা ওইবা ঙমখি। ইং কুমজা ১৯৯০দা মহাক অসি রাজস্থানগী হায় কোর্ত ওফ জুদিকেচরগী সিনিয়র এদভোকেৎ ওইনা থৌ পুখি। মসিগী মতুংদগীদি শ্রী জগদীপ ধনখরনা সুপ্রিম কোর্ত্তা মপুং ওইনা প্রেক্তিস তৌখি অমসুং মহাক্কী লিতিগেসনগী ফোকস এরিয়া অসি অতোপ্পা কয়াগী মরক্তা স্তীল, কোল, মাইনিং অমসুং ইন্তর্নেস্নেল কম্মর্সিএল অর্বিত্রেসন্না ওইখি। মহাক্না লৈবাক অসিগী হায় কোর্ত কয়াদা এপীয়র তৌখি অমসুং ইং কুমজা ২০১৯গী জুলাই ৩০দা নোংচুপ বেঙ্গলগী রাজ্যপালগী থৌ পুবা ফাওবা মহাক অসি রাজ্য অদুগী খ্বাইদগী মকোক থোংবা সিনিয়র এদভোকেৎকী থৌ পুখিবা ওইখি। মহাক্কী লিগেল কেরিয়রগী মনুংদা শ্রী ধনখর অসি ইং কুমজা ১৯৮৭দা রাজস্থান হায় কোর্ত বার এসোসিএসন, জয়পুরগী প্রসিদেন্ত ওইনা খনখিবা খ্বাইদগী নহা ওইবা মীশক ওইখি। চহি অমগী মতুংদা মহাক্না ইং কুমজা ১৯৮৮দা রাজস্থান বার কাউন্সিলগী মেম্বরসু ওইখি।
২. পার্লিয়ামেন্তরী অমসুং পব্লিক লাইফ
শ্রী জগদীপ ধনখর অসি ঝুনঝুনু পার্লিয়ামেন্তরী কন্সতিত্যুন্সীদগী ভারতকী পার্লিয়ামেন্তদা মীহুৎ ওইনা কাখি। মসিগী মতুংদা মহাক্না ইং কুমজা ১৯৯০দা পার্লিয়ামেন্তরী এফিয়র্সকী রাজ্য মন্ত্রী ওইখি। ইং কুমজা ১৯৯৩দা মহাক্না অজমের জিলাদগী কিসানঘর কেন্দ্রদগী রাজস্থান বিধান সভাদা কারকখি। লেজিস্লচর ওইনা শ্রী ধনখরনা লোক সভা অমসুং রাজস্থান লেজিস্লেতিব এসেমব্লীদা মরু ওইবা সম্মিতিগী মেম্বর ওইনা থৌ পুখি। কেন্দ্রগী মন্ত্রী অমা ওইনা মহাক অসি পার্লিয়ামেন্তরী গ্রুপ তু দি য়ুরোপিয়ন পার্লিয়ামেন্তগী দিপুতী লীদর ওইনা দেলিগেসনগী মেম্বরসু ওইখি।
ইং কুমজা ২০১৯গী জুলাইদা শ্রী ধনখরবু নোংচুপ বেঙ্গলগী রাজ্যপাল ওইনা খনখি।
৩. লনাইগী ওইবা অকুপ্পা ৱারোল
মমিং : শ্রী জগদীও ধনখর
মপাগী মমিং : লৈখিদ্রবা শ্রী গোকল চন্দ
মমাগী মমিং : লৈখিদ্রবী শ্রীমতি কেসারি দেবি
পোকপগী তাং : ইং কুমজা ১৯৫১গী মে ১৮
পোক্নফম লমদম : কিথানা খুঙ্গং, ঝুনঝুনু জিলা, রাজস্থান
মেরিতেল স্তেতস : লুহোংলে (ইং কুমজা ১৯৭৯)
লোইনবীগী মমিং : দা. সুদেশ ধনখর
অঙাংশিং : মচানুপী অমা (শ্রীমতি কামনা)
লাইরিক পাবা য়াম্না পামজবা মীশক অমা ওইনা শ্রী ধনখর অসি স্পোর্তস পামজবা মীশক অমসু ওইরি অমসুং মহাক অসি রাজস্থান ওলিম্পিক এসোসিএসন অমসুং রাজস্থান তেনিস এসোসিএসনগী প্রসিদেন্তসু ওইরমখি ঈশৈ তাবা অমসুং লমকোইবা অসি মহাক্কী অতোপ্পা হৈনবীশিংনি। মহাক্না য়ু.এস., কনাদা, য়ু.কে., ইতালী, স্বিতজরলেন্দ, জর্মনী, ওস্ত্রেলিয়া, ন্যু জীলেন্দ, চিনা, হোং কোং, সিঙ্গাপুর অসিনচিংবা য়াওনা লৈবাক কয়ামরুমদা চৎলুরে।
*****
(Release ID: 1851006)
Visitor Counter : 161