কমর্স অমসুং ইন্দস্ত্রী মন্ত্রালয়
মালেম্না ভারত অসি শেন্মিৎলোন চাউখৎনবগী ইঞ্জিন অমা ওইনা উরি: শ্রী পিয়ুস গোয়াল
হৌজিক চাউখৎলবা লৈবাকশিংনা ভারতকা লোয়ন্না ললোন-ইতিক পাংথোক্নবা খুৎয়েক পীনবা পাম্লে; ২০১৪গী মমাঙদা মখোয়দা চিংনবা লৈখি: শ্রী গোয়াল
ওথোরিতি অমনা হেক্তা নৈহৎপগী মায়োক্তা মখোয়গী খোল্লাউ লাউখিবা ললোনবশিং সরকারনা মপুংফানা শৌগৎকনি: শ্রী পিয়ুস গোয়াল
মীয়াম অমসুং ললোন-ইতিক্কী থবকশিংনা পাংথোকফম থোকপা থবকশিং পাংথোকপদা থেংনরিবা অৱাবা হন্থহন্নবা ললোনবশিংনা সরকারগা লোয়ন্না থবক তৌগদবনি, অদুবু মখোয়না ললোন-ইতিক্কী অচুম্বা কাংলোনশিং চেকশিন্না ঙাক্কদবনি: শ্রী গোয়াল
প্রধান মন্ত্রী মোদীগী য়াইফ-থৌরাংশিংনা লায়রবশিং কঞ্জুমরশিং ওইহনবদা মতেং পাংলে: শ্রী গোয়াল
প্রধান মন্ত্রী মোদীগী স্কিমশিংনা ভারতকী অপুনবা মীশিং অসি অচৌবা লন অমা ওইহল্লে: শ্রী গোয়াল
প্রধান মন্ত্রী মোদীগী য়াইফ-থৌরাংশিংগী কান্নবা ফংলবশিংনা পোৎ-চৈ কয়া লৈরিবা অসিগী কান্নবা ললোনবশিং অমসুং এম.এস.এম.ইশিংনা লৌগদবনি: শ্রী গোয়াল
Posted On:
09 AUG 2022 5:58PM by PIB Imphal
ঙসি কম্মর্স অমসুং ইন্দস্ত্রি, কঞ্জুমর এফেয়ার্স, ফুদ অমসুং পব্লিক দিস্ত্রিবিউসন অমসুং তেক্সতাইলগী য়ুনিয়ন মিনিস্তর শ্রী পিয়ুস গোয়ালনা ঙসি হায়খ্রে মদুদি হৌজিক মালেম্না ভারত অসি শেন্মিৎলোন চাউখৎনবগী ইঞ্জিন অমা ওইনা উরে। ঙসি নিউ দিল্লিদা পাংথোকপদা ব্যাপারি উদ্যমি সম্মেলন্দা মহাক্না মীয়ামদা ৱা ঙাংখি।
শ্রী গোয়ালনা হায়খি মালেম্না থাজবা থম্বগী কান্নবা ঙসিদি ভারতনা ফংলে। হৌজিক চাউখৎলবা লৈবাকশিংনা ভারতকা লোয়ন্না ললোন-ইতিক্কী খুৎয়েক পীনবা পাম্লে। ২০১৪গী মমাঙদা ভারতকী শেন-থুমগী ফিবম মওং তাদে হায়না খন্নরমখি অমসুং ভারতকা লোয়ন্না ললোন-ইতিক পাংথোকপদা ইনভেস্তরশিংনা চিংনবা ফাওখি।
অরোন-অথুপ লৈহন্দবা অমসুং ললোন-ইতিক্কী থবকশিং লাইহনবগী তঙাইফদবা পল্লদুনা মিনিস্তরনা হায়খি ওথোরিতি অমনা হেক্তা নৈহৎপগী মায়োক্তা মখোয়গী খোল্লাউ লাউখিবা ললোনবশিং সরকারনা মপুংফানা শৌগৎকনি।
মহাক্না হায়খি মীয়াম অমসুং ললোন-ইতিক্কী থবকশিংনা পাংথোকফম থোকপা থবকশিং পাংথোকপদা থেংনরিবা অৱাবা হন্থহন্নবা ললোনবশিংনা সরকারগা লোয়ন্না থবক তৌগদবনি, অদুবু মখোয়না ললোন-ইতিক্কী অচুম্বা কাংলোনশিং চেকশিন্না ঙাক্কদবনি। ললোন-ইতিক্কী থবক লাইহন্নবা মথৌ তাদবা অমসুং কান্নবদা আইনশিং অমসুং চৎন-কাংলোনশিং মরু ফুদোক্কদবনি।
মহাক্না হায়খি ভারতনা পুথোক্লিবা পোৎ-চৈশিং অমসুং থবকশিং মগুন লৈহন্নবা ললোনবশিংনা পুক্নিং চংগদবনি। অনৌবা ৱাখল্লোনশিংগা লোয়ন্না ভারতকী চাউখৎপগী ৱারিদা শরুক য়ানবা নহারোলশিং থোরকপা অমসুং নহারোলশিংগী থৌনা পুথোকপা দরকার ওই। প্রধান মন্ত্রী শ্রী নরেন্দ্র মোদীগী ‘ভোকেল ফোর লোকেল’ অসি লৈবাক অসিগী নহারোলশিংনা থবক ওইনা পাংথোক্কদবনি। নুপী মশিং য়াম্না ললোনবীশিং অমসুং ওন্ত্রেপ্রেনিউয়রশিং ওইনবা ঐখোয়না পুক্নিং থৌগৎকদবনি।
প্রধান মন্ত্রীগী য়াইফ-থৌরাংশিং থাগৎলদুনা শ্রী গোয়ালনা হায়খি হায়রিবা থৌশিলশিং অসিনা লায়রবশিং কঞ্জুমরশিং ওইহনবদা মতেং পাংলে অমসুং মাইপাক্না ভারতকী অপুনবা মীশিং অসি লৈবাক অসিনা অচৌবা থৌনা অমা ওন্থোক্লে। প্রধান মন্ত্রীনা চোকথবা নাইদনা হোৎনবদগী লৈবাক অসিগী য়ুমথোং খুদিংমক চাক থোংনবা গ্যাস, থক্নবা ঈশিং, ইলেক্ত্রিসিতি অমসুং তোইলেত ফংলে অমসুং খুঙ্গং খুদিংমক ইন্তরনেত ফংলে। সরকারগী থৌশিলশিং অসিনা ভারতমচা খুদিংমক থাজবা লৈবা মীওই অমা ওইনবা অমসুং ওন্ত্রেপ্রেনিউয়রশিং ওইনবগী থৌনা পীরে।
মিনিস্তরনা হায়খি প্রধান মন্ত্রী মোদীগী য়াইফ-থৌরাংশিংগী কান্নবা ফংলবশিংনা পোৎ-চৈ কয়া লৈরিবা অসিগী কান্নবা ললোনবশিং অমসুং এম.এস.এম.ইশিংনা লৌগদবনি। ভারতকী পোৎথোকশিং হেন্না পুথোক্তুনা মশাগী ওক্নবা পুথোকপা ভারত অমগী মঙলান মঙফাওনবা ঙম্নবা মাঙলোমদা চৎখৎনবা ললোনবশিং, ওন্ত্রেপ্রেনিউয়রশিং, অপীকপা অমসুং অচৌবা ললোন-ইতিক অনিমক্তা মহাক্না তকশিনখি।
***
(Release ID: 1850339)
Visitor Counter : 101