কম্মিসন্না জুন ২৯, ২০২২দা থোকপা প্রেস নোৎ অমদা উপ্প-রাস্ত্রপতি মীখলগী মতম লাউথোকখিবগা লোইননা ওগস্ত ৬, ২০২২বু পোল অমসুং কাউন্তিংগী তাংনি হায়না থোকখি। মতম লেপখিবগী মতুং ইন্না, মীখল অদু ওগস্ত ৬, ২০২২দা নই দিল্লীগী পার্লিয়ামেন্ত হাউজতা পাঙথোকখি। ভোৎ পীবা য়ারবা ইলেক্তর ৭৮০গী মনুংদা, ইলেক্তর ৭২৫না মখোয়গী ভোৎ পীখি, মসিগী মনুংদগী ১৫না ইনভেলিদনি হায়না লাউথোকখি। হায়রিবা মীখল অসিগী রিতর্নিং ওফিসর লোক সভাগী সেক্রেতরী জেনরেলনা ভোৎ মশীং থীবা লোইরবা মতুংদা শ্রী জগদীপ ধঙ্করবু ওগস্ত ৬, ২০২২দা ভারতকী মথংগী উপ্প-রাস্ত্রপতি ওইরে হায়না লাউথোকখি। জুলাই ৫, ২০২২দা গেজেতীদা প্রোগ্রাম নোতিফিকেসন থোকখিবগা লোইননা চত্থবা হৌখিবা থৌওং ওসি ঙসিদি শ্রী জগদীপ ধঙ্করবু শ্রী রজিব কুমার, চীফ ইলেক্সন কম্মিসনর ওব ইন্দিয়া অমসুং শ্রী অনুপ চন্দ্র পান্দে, ইলেক্সন কম্মিসনরনা রিপব্লিক ওব ইন্দিয়াগী তরামরিশুবা উপ্প-রাস্ত্রপতি ওইরে হায়না খুৎয়েক পীখিবগা লোইননা অরোইবা মীকুপ ওইখি। মসিগী মতুংদা, হায়রিবা অদুমক্কী খুৎয়েক পীরবা কোপী অমা কেন্দ্রগী গৃহ সেক্রেতরীদা শ্রী ধর্মেন্দ্র শর্ম, সেনিয়র দিপ্যুতী ইলেক্সন কম্মিসনর অমসুং শ্রী নরেন্দ্র এন. বুতোলিয়া, সেনিয়র প্রিন্সিপল সেক্রেতরীদা লানখৎখিবগা লোইননা ভারতকী অনৌবা উপ্প-রাস্ত্রপতি ওইনা ওগস্ত ১১, ২০২২দা ৱাশক লৌবগী থৌরমদা পাথোক্কনি।

রিতর্নিং ওফিসর, ই.সি.আই. ওবজর্বরশিং, দিল্লী পুলিস, সি.আর.পি.এফ.কী অপুনবা কাংবুবু মথক্তা পল্লিবা ইলেক্সন অসিবু নীংথিনা পাঙথোক্নবগীদমক অমত্তা ওইনা হোৎনখিবগীদমক কম্মিসন্না থম্মোই শেংনা থাগৎপা ফোংদোকচখি।

*****