کمیشن نے 29 جون 2022 کو اپنے پریس نوٹ کے ذریعے چودھویں نائب صدارتی انتخابات کے شیڈول کا اعلان کیا تھا، جس میں دوسری باتوں کے ساتھ ساتھ 6 اگست 2022 کو پولنگ کی تاریخ اور گنتی کی تاریخ مقرر کی گئی تھی۔ شیڈول کے مطابق، رائے شماری 6 اگست 2022 کو نئی دہلی کے  پارلیمنٹ ہاؤس میں ہوئی۔ ووٹ دینے کے اہل کل 780 ووٹروں میں سے 725 ووٹروں نے اپنا حق رائے دہی استعمال کیا جن میں سے 15 بیلٹ پیپرز کو کالعدم قرار دیا گیا۔ مذکورہ الیکشن کے ریٹرننگ آفیسر، لوک سبھا کے سکریٹری جنرل نے ووٹوں کی گنتی ختم ہونے کے بعد، 6 اگست 2022 کو جناب جگدیپ دھنکڑ کے ہندوستان کے اگلے نائب صدر کے طور پر منتخب ہونے کا اعلان کیا۔ 5 جولائی 2022 گزٹ میں  پروگرام کے نوٹی فکیشن کی اشاعت کے ساتھ جو عمل شروع ہوا تھا اس کا اختتام آج  ہندوستان چیف الیکشن کمشنر   جناب راجیو کمار اور   الیشکن کمشنر جناب انوپ چندر پانڈے کے ذریعہ جمہوریہ ہند کے چودھویں نائب صدر طور پر جناب جگدیپ دھنکڑ کے منتخب ہونے کے سرٹیفیکیشن پر دستخط کئے جانے کے ساتھ ہوا۔  اس کے بعد، اس کی ایک دستخط شدہ کاپی سینئر ڈپٹی الیکشن کمشنر جناب دھرمیندر شرما،اور سینئر پرنسپل سکریٹری جناب نریندر این بٹولیانے مرکزی داخلہ سکریٹری کے سپرد کی جس کو  11 اگست 2022 کو ہندوستان کے نئے نائب صدر کی تقریب حلف برداری کے وقت پڑھ کر سنایا جائے گا۔

کمیشن نے ریٹرننگ آفیسر کی پوری ٹیم،  ای سی آئی مشاہدین، دہلی پولیس، سی آر پی ایف کی مذکورہ الیکشن کرانے میں ان کے شاندار  تعاون کے لیے اپنی ستائش درج کی۔

۔۔۔۔۔۔۔۔۔۔۔

ش ح۔ا گ ۔ن ا۔

                  U- 8826