মরু ওইবা হাইলাইৎশিং:

• রাস্ত্রপতি, শ্রীমতি দ্রৌপদী মুর্মু অমসুং প্রধান মন্ত্রী শ্রী নরেন্দ্র মোদীনা মেদল লৌরকখ্রবশিংগী শীংথানীংঙাই ওইরবা পর্ফোরমেন্সকীদমক থাগৎপা ফোঙদোকখ্রে
• মেদল লৌরকখ্রবশিংবু থাগৎপা ফোঙদোক্লদুনা শ্রী অনুরাগ সিংহ থাকুরনা মসি পুৱারী ওইরবা নুমিৎ অমনি হায়না ফোঙদোকখি

ভারতনা কম্মনৱেল্থ গেমস ২০২২গী ৯নি চনবা নুমিৎতা গোল্দ মরি, সিলভর অহুম অমসুং ব্রোঞ্জ তরেৎ য়াওনা মেদল ১৪ লৌবা ঙমখি। বিনেশ ফোগাত, রবি দহিয়া অমসুং নবীননা রেস্তলিংদা অমসুং ভাবিনা পতেলনা পেরা তেবল তেনিস্তা গোল্দ মেদলশিং লৌখি। প্রিয়ঙ্কা গোস্বামী অমসুং অবিনাশ সাবলেনা এথলেতিক্স অমসুং নুপাগী লোন বোলস তীম (মেন্স ফোর)না সিলভর মেদল লৌবা ঙমখি। পুজা গহলোত, পুজা সিহাগ অমসুং দীপক নেহরানা রেস্তলিংদা, জৈস্মিন লম্বোরিয়া, রোহিত তোকস অমসুং মোহম্মদ হুসামুদ্দিন্না বোক্সিংদা অমসুং সোনলবেন মনুভাই পতেলনা পেরা তেবল তেনিস্তা ব্রোঞ্জ মেদলশিং লৌবা ঙমখি। ভারতকী মেদল তেল্লী অসি গোল্দ ১৩, সিলভর ১১ অমসুং ব্রোঞ্জ মেদল ১৬ লৌবা ঙমখিবগা লোয়ননা ৪০ শুখ্রে। রাস্ত্রপতি শ্রীমতি দ্রৌপদী মুর্মু, প্রধান মন্ত্রী শ্রী নরেন্দ্র মোদী, কেন্দ্রগী স্পোর্তস মন্ত্রী শ্রী অনুরাগ থাকুর অমসুং লৈবাক অসিগী কাচিন কোয়াদা লৈরিবা ভারত মচাশিংনা মেদল লৌরকখ্রবশিংবু মখোয়গী মাইপাকপা অসিগীদমক থাগৎপা ফোঙদোক্নরক্লি।

রাস্ত্রপতি শ্রীমতি দ্রৌপদী মুর্মুনা মেদল লৌরকখ্রবশিংবু থাগৎপা ফোঙদোকখি। রাস্ত্রপতিনা প্রিয়ঙ্কাবু থাগৎখি অমসুং ত্বিত তৌখি, “কম্মনৱেল্থ গেমসতা রেসৱাকিংদা সিলভর লৌরকখিবগীদমক প্রিয়ঙ্গা গোস্বামীবু থাগৎপা ফোঙদোকচরি। রেস ৱাকিংদা মেদল অমা লৌবা ঙমখিবা অহানবা ভারত নুপী ওইদুনা অদোম্না মাইপাকপগী অনৌবা পন্দুপ অমা হাংবা ঙমখ্রে। অদোমগী মাইপাকপা অসিনা মীওই কয়া, মরু ওইনা নুপীমচাশিংদা ইথিল পীরগনি।”

অতোপ্পা ত্বিত অমদা রাস্ত্রপতিনা হায়খি, “#CommonwealthGamesকী #Steeplechaseতা অবিনাশ সিলভর লৌরকপগীদমক থাগৎপা ফোঙদোকচরি। অদোম্না পর্ফোরমেন্সকী লেবেলদা লেপ্পা লৈতনা খুমাং চাউশিল্লি, মসি অদোমগী মাইপাক্নবগীদমক ইথিল অমসু ওইরি। অদোমগী তুংগী পুন্সিগীদমক য়াইফ-মঙ্গোল পীজরি।”

ভাবিনাবু থাগৎপা ফোঙদোক্লদুনা রাস্ত্রপতিনা ত্বিত তৌখি, “তোকিও পেরালিম্পিক্স ২০২০গী সিলভর মেদলিস্ত, ভাবিনা পতেলনা অমুক হন্না ভারতকী মীংচৎ পুরকখ্রে। #CommonwealthGamesতা পেরা তেবল তেনিসতা গোল্দ লৌরকপগীদমক ভাবিনাবু থাগৎপা ফোঙদোকচরি। অদোম্না খুদোংথিবা পুম্নমক মায়োক্নদুনা মাইপাকপা ঙম্মি হায়না তাক্লি। অদোমগী ফীদম্ননীংঙাই ওইরবা থৌনা অসিদগী মীওই খুদিংমক্না ইথিল লৌগদবনি।”

অতোপ্পা ত্বিত অমদা রাস্ত্রপতিনা হায়খি, “#CommonwealthGamesতা বোক্সিংদা ব্রোঞ্জ লৌরকপগীদমক রোহিত তোকসপু থাগৎচরি। অদোম্না অকনবা লম্বা তৌনবদা খোঙফম চেৎনা লেপতুনা অদোমগী অচেৎপা ফিরেপ অমসুং অখাং কনবা অদু উৎখি। অদোমগী ওইনা মসি য়াম্না শীংথানীংঙাই ওইবা পর্ফোরমেন্স অমনি।”

সোনলবেনবু থাগৎলদুনা রাস্ত্রপতিনা ত্বিত তৌখি, “#CommonwealthGamesতা পেরা তেবল তেনিস্তা ব্রোঞ্জ লৌরকপগীদমক সোনলবেন পতেলবু থাগৎচরি। অদোমগুম্বা শান্নরোয়না হকচাংদা মীমান্নদবনা মরম ওইরগা হনবা লৈত্রবা থৌনাবু মাইথিবা পীবা ঙমদে হায়না মীয়ামদা থাজহল্লি। অদোম্না মীপুম খুদিংমক্তা ইথিল পীরি।”

রাস্ত্রপতিনা ত্বিত তৌখি, “#CommonwealthGamesতা রেস্তলিংদা ব্রোঞ্জ মেদল লৌরকপগীদমক দীপক নেহরাবু থাগৎচরি। য়াম্না চহি নৌনা অদোম্না মাইপাকপগী অৱাংবা থাক য়ৌবা ঙমখি। অদোমগী ফজরবা দিব্যুত্তা য়ুম্ফম ওইরগা ভারতনা অদোম্না তুংদা মাইপাকপা কয়া পুরকপা ঙমগনি হায়না থাজবা থম্মি।”

কম্মনৱেল্থ গেমসকী বোক্সিংদা ব্রোঞ্জ লৌরকপগী মোহম্মদ হুসামুদ্দিনবু থাগৎলদুনা রাস্ত্রপতিনা ত্বিত তৌখি, “অদোম্না থংন-থংননা সি.দবল্যু.জি.দা মেদল লৌবা অসিনা অদোমগী অখাং কনবা অমসুং কত্থোকপা অদু ময়েক শেংনা উৎলি। অদোমগী মাইপাকপা অসিনা নহারোল কয়াদা ইথিল পীরগনি।”

কম্মনৱেল্থ গেমসকী বোক্সিংদা ব্রোঞ্জ লৌরকপগী পুজা সিহাগপু থাগৎলদুনা রাস্ত্রপতিনা ত্বিত তৌখি, “অদোম্না মালেমগী থাক্কী স্পোর্তিং এক্সিলেন্সকী থাক য়ৌরক্নবা হোৎনবদা অৱাবা কয়া মায়োক্নখি। অদোমগী থৌনা অমসুং অখাং কনবা অসিনা নুপী য়াওনা মীওই কয়াবু ইথিল পীরগনি।”

নবীনবু থাগৎলদুনা রাস্ত্রপতিনা ত্বিত তৌখি, “য়াম্না নহা ওইরিবা অমসুং য়াম্না হৈথোই-শীংথোইরবা নবীননা #CWG2022দা রেস্তলিংদা গোল্দ মেদল লৌরকপগীদমক থমোয় শেংনা থাগৎপা ফোঙদোকচরি। নহা ওইরিবা নুপা অসিনা মালেমগী ওইনা মাইপাকপগী অচৌবা শরুক য়াওরিবা অনৌবা ভারতকী থৌনা অদু তাক্লি। য়াম্না ফজখি, নবীন! অদোমগী তুংগী আশা য়াম্না লৈ অমসুং মাইপাকপা কয়া পুরকখিগনি।”

বিনেশপু থাগৎলদুনা রাস্ত্রপতিনা ত্বিত তৌখি, “বিনেশ ফোগাতপু য়াম্না থাগৎচরি। মহাক্না  #CWG2022দা রেস্তলিংদা থংন-থংননা গোল্দ অহুমরক লৌদুনা উৱারী শেম্বা ঙমখ্রে। বিনেশনা মাইপাকপা অসিগা লোয়ননা রেস্তলিংগী অথোইবশিংগা লোয়ননা হোল ওফ ফেম চংবা ঙমখ্রে। মহাক অসি নুপীমচাশিং য়াওনা মীওই কয়াগী ফীদম্নফম ওইরিবা মীশক অমনি।”

রবিবু থাগৎলদুনা রাস্ত্রপতিনা ত্বিত তৌখি, “#CommonwealthGamesতা রেস্তিংদা গোল্দ মেদল লৌরক্তুনা রবি কুমার দহিয়ানা শীংথানীংঙাই ওইরবা পর্ফোরমেন্সকীদমক থাগৎচরি। অদোমগী ফজরবা দিস্প্লে অমসুং পুৱারী ওইরবা মাইপাকপা অসি স্পোর্তস পামজবশিংনা নীংশিংদুনা লৈহৌরগনি। অদোম্না ভারতকী মীংচৎ পুরক্লি। থাগৎলি।”

পুজা গহলোতপু থাগৎলদুনা রাস্ত্রপতিনা ত্বিত তৌখি, “#CommonwealthGamesতা ব্রোঞ্জ মেদল লৌরকপগীদমক পুজা গহলোতপু থাগৎচরি। অদোম্না মালেমগী ওইবা কম্পিতিতিব স্পোর্তসতা মাইপাক্নবা অচৌবা খুদোংচাদবা কয়া মায়োক্নখি। ঐখোয়গী নহারোলশিং মরু ওইনা নুপীমচাশিংনা অদোমদগী ইথিল লৌরগনি।”

অতোপ্পা ত্বিত অমদা রাস্ত্রপতিনা হায়খি, “মহাক্কী দিব্যুত #CommonwealthGamesতা ব্রোঞ্জ মেদল লৌরকপগীদমক নহা ওইরিবা বোক্সর জৈস্মিন লম্বোরিয়াবু থাগৎচরি। অদোমগী ফজরবা ফাইত অমসুং অখাং কনবা অদুনা ভারতপু চাউথোকচবা পোকহনখি অমসুং ঐখোয়গী নহারোলশিং মরু ওইনা নুপীমচাশিংদা ইথিল পীরি।”

লোন লোলস তীমবু থাগৎলদুনা রাস্ত্রপতিনা ত্বিত তৌখি, “#CWG2022দা লোন বোলসতা সিলভর লৌরকপগীদমক তীম ইন্দিয়া - সুনিল বহাদুর, নবনীত সিংহ, চন্দন কুমার সিংহ অমসুং দিনেশ কুমারবু থাগৎচরি। নুপীগী তীমনা অখন্নবা পর্ফোরমেন্স উৎখিবগা লোয়ননা নখোয়গী ফজরবা তীমৱার্ক অমসুং মাইপাকপা অসিনা ঐখোয়গী নহা ওইরিবা শান্নরোয়শিংগীদমক অনৌবা হোরিজন অমা হাংদোকখি।”

প্রধান মন্ত্রী, শ্রী নরেন্দ্র মোদীনা মেদল লৌরকখিবশিংদা থাগৎপা ফোঙদোকখ্রে।ভাবিনাবু থাগৎলদুনা প্রধান মন্ত্রীনা হায়খি, “ফীদম্নফম ওইরবা @BhavinaOfficialনা ঐখোয়দা চাউথোকচবা পোক্নবা খুদোংচাবা অমগা পীবীরি! মহাক্না পেরা তেবল তেনিস্তকী ইকাই খুম্ননীংঙাই ওইরবা গোল্দ মেদল, মহাক্কী অহানবা সি.দবল্যু.জি. মেদল লৌবা ঙমখ্রে। মহাক্কী মাইপাকপা অসিনা ভারতকী নহারোলশিংনা তেবল তেনিস শান্ননীংবা পোক্নবা ইথিল পীবা ওইরসনু। মহাক্কী তুংগী পুন্সিগীদমক ভাবিনাবু য়াইফ-মঙ্গোল পীজরি।”

সোনলবু থাগৎলদুনা পি.এম.না ত্বিত তৌখি, "হৈহোই-শীংথোইবা, অখাং কনবা অমসুং ফিরেপ চেৎপা অসি পুনশিন্নরবা মতমদা ওইথোকপা ঙমদবা অমত্তা লৈতে। সোনল পতেলনা পেরা তেবল তেনিস্তা ব্রোঞ্জ মেদল অমা লৌদুনা মসি ময়েক শেংনা উৎপা ঙমখ্রে। মহাক্না তুংগী পুন্সিদা হেন্না মশক থোকপা মাইপাকপা পুরকপা ঙম্বা ওইরসনু হায়না থৌনিজরি।#Cheer4India"

মোহম্মদ হুসামুদ্দীন অসি স্পোর্তিং ইভেন্ত কয়াদা মাইপাকখ্রবা হৈথোই-শীংথোইরবা বোক্সর অমনি। ফজরবা তেক্নিকশিং অমসুং অখাং কনবগী থৌনানা পাঙ্গল ওইরিবা, আশা লৈবা এথলেৎ অসিনা বর্মিংহমদা নুপাগী কেজি ৫৭কী ইভেন্ততা ব্রোঞ্জ মেদল অমা লৌরকখি। মহাকপু থাগৎপা ফোঙদোকচরি। মহাকপু য়াইফ মঙ্গোল পীজরি।

রোহিত তোকসনা মাইপাকখিবদা নুংঙাইবা ফাওই। বোক্সিংদা ব্রোঞ্জ মেদল লৌরকপদা মহাকপু থাগৎপা ফোঙদোকচরি। মহাক্কী হোৎনবা কনবা অমসুং অখাং কনবা অসিনা অচৌবা ফলশিং ফংবা ঙমখি। তুংদা লাক্কদবা মতমশিংদা মহাক্না হেন্না মাইপাকপা ওইরসনু হায়না ঐহাক্না থৌনিজরি।

পুজা সিহাগনা মহাক মশাবু হৈথৌ-শীংথোইরবা রেস্তলর অমনি হায়না তাকপা ঙমজখ্রে। মহাক্কী হনবা লৈত্রবা থৌনা লিংজেল অসিনা মরম ওইরগা মহাক্না শীংনবা কয়া মায়োক য়াবা ঙমখি। মহাক্না তুংদসু ভারতপু চাউথোকচবা পোকহনগনি হায়না ঐহাক্না থাজবা থম্মি।

অতোপ্পা রেস্তলর অমনসু ভারতকী মীংচৎ পুরকপা ঙমখ্রে! দীপক নেহরানা সি.দবল্যু.জি.২২দা ফ্রীস্তাইল রেস্তলিং ইভেন্ততা ব্রোঞ্জ মেদল লৌরকপদা নুংঙাইবা পোকই। দীপকনা শীংথানীংঙাই ওইবা থৌনা লিংজেল উৎপা ঙমখি। মহাক্কী তুংগী পুন্সিদা মাইপাকপ্নবগীদমক ঐহাক্না য়াইফ-মঙ্গোল পীজরি।

বিনেশপু থাগৎলদুনা পি.এম.না ত্বিত তৌখি, “ঐখোয়গী লৈবাক্কী রেস ৱাকিং চেম্পিয়ন প্রিয়ঙ্কা গোস্বামীনা সিলভর মেদল লৌরকপদা থাগৎপা ফোঙদোকচরি। মেদল অসি লৌরকপনা মহাক্না স্পোর্তস অসি শান্ননীংবা পোক্নবা ভারত্তা লৈরিবা নহারোল কয়াদা ইথিল পীখি। মহাক্না তুংগী পুন্সিদা মাইপাকপগী অনৌবা পনখৈশিং য়ৌবা ঙম্বা ওইরসনু হায়না য়াইফ-মঙ্গোল পীজরি।”

পি.এম.না রবিবু থাগৎলদুনা ত্বিত তৌখি, “মহাক্না চেম্পিয়ন অমগুম্না শান্নখি অমসুং ঐখোয়গী লৈবাক্কীদমক অচৌবা মীংচৎ পুরকখি। অথোইবা @ravidahiya60 বু মহাক্না বর্মিংহম সি.দবল্যু.জি.দা গোল্দ লৌরকপগীদমক থাগৎচরি। মহাক্কী মাইপাকপা অসিনা করিগুম্বা মীশক অমনা থৱায় য়াওরবা অমসুং কত্থোক্লবদি মঙলান অমত্তা থুংবা ঙমলোইদবা লৈতে হায়না উৎলি।#Cheer4India”

অতোপ্পা ত্বিত অঞদা পি.এম.না হায়খি, “পুজা গহলোতনা রেস্তলিংদা ব্রোঞ্জ মেদল লৌরকপগীদমক থাগৎচরি। মহাক্না থৌনা লৈনা শান্নখি অমসুং গেমশিংগী খুত্থাংদা ফজরবা তেক্নিকেল সুপিরিওরিতী উৎখি। মহাক্কী তুংগী পুন্সিগীদমক য়াইফ-মঙ্গোল পীজরি।”

জৈস্মিনবু থাগৎলদুনা পি.এম.না ত্বিত তৌখি, “সি.দবল্যু.জি.দা ভারতকী এথলেৎশিংনা তোঙান-তোঙানবা মশান্নশিংদা মাইপাকপা ঙম্লি। জৈস্মিন লম্বোরিয়ানা বোক্সিংদা ব্রোঞ্জ মেদল লৌরকপদা নুংঙাইবা ফোঙদোকচরি। মহাক্কী স্পোর্তিংদা মাইপাকপা অসিনা ভারতকী বোক্সিংগী তুংলমচৎতা চাউনা শরুক তমগনি। মহাক্না তুংদা হেন্না মাইপাকপা ঙম্বা ওইরসনু।”

পি.এম.না অতোপ্পা ত্বিত অমদা হায়খি, “সুনিল বহাদুর, নবনীত সিংহ, চন্দন কুমার সিংহ অমসুং দিনেশ কুমারনা লোন বোলসতা সিলভর মেদল লৌরকখি। মখোয়গী তীমৱার্ক অমসুং থৌনা লৈবা মতৌ অসি শীংথানীংঙাই ওই। মখোয়গী তুংগী পুন্সিগীদমক য়াইফ মঙ্গোল পীজরি। ”

ঐখোয়গী রেস্তলরশিংনা মরম ওইদুনা মীংচৎ হেন্না পুরকপা ঙমলি। গোল্দ মেদল লৌরকপগীদমক নবীন কুমারবু থাগৎচরি। মহাক্কী শীংথানীংঙাই ওইরবা থৌনা অমসুং হৈহোই-শীংথোইরবা তেক্নিক অসি মপুং ফানা উৎপা ঙমখি। মহাক্কী তুংগী পুন্সিগীদমক য়াইফ-মঙ্গোল পীজরি। #Cheer4India

প্রিয়ঙ্কাবু থাগৎলদুনা, পি.এম.না ত্বিত তৌখি, “ঐখোয়গী লৈবাক্কী রেস ৱাকিং চেম্পিয়ন প্রিয়ঙ্কা গোস্বামীনা সিলভর মেদল লৌরকপদা থাগৎপা ফোঙদোকচরি। মেদল অসি লৌরকপনা মহাক্না স্পোর্তস অসি শান্ননীংবা পোক্নবা ভারত্তা লৈরিবা নহারোল কয়াদা ইথিল পীখি। মহাক্না তুংগী পুন্সিদা মাইপাকপগী অনৌবা পনখৈশিং য়ৌবা ঙম্বা ওইরসনু হায়না য়াইফ-মঙ্গোল পীজরি। #Cheer4India”

মেদল লৌরকখ্রবা পুম্নমকপু থাগৎপা ফোঙদোক্লদুনা কেন্দ্র মন্ত্রী অনুরাগ থাকুরনা ত্বিত তৌখি; “রবি দহিয়ানা লেপ্পা লৈতনা য়াম্না ফজবা মওংদা মতোল য়ৌবা ঙমখি!! মমাং চহিদা ওলিম্পিক্কী সিলভরগা লোয়ননা ২০২২দা সি.দবল্যু.জি.দা গোল্দ লৌদুনা অদোম্না খুমাং চাউশিল্লি। ঙসিগী গেম অসিদা শুপ্নগী গো অমদা পোইন্ত ৮ লৌদুনা অদোম্না মালেমগী ফম্পাক্তা অদোম্না অথোইবনি হায়বা উৎখ্রে। অদোমগীদমক চাউথোকচবা পোকই।”

বিনেশ ফোগাতপু থাগৎপা ফোঙদোক্লদুনা শ্রী থাকুরনা ত্বিত তৌখি, “মসি হেতত্রিক অমনি!!! বিনেশ ফোগাতনা থংন-থংননা সি.দবল্যু.জি.দা অহুমশুবা ওইনা গোল্দ লৌবা ঙমখি। মসি ভারতকী নুপী এথলেৎনা সি.দবল্যু.জিদা থংন-থংননা গোল্দ মেদল লৌখিবা অহানবনি। মসি ভারতকী ওইনা পুৱারী ওইরগদবা নুমিৎনি। লৈবাক পুম্বগী মহুৎ শিন্দুনা ঐহাক্না থাগৎপা ফোঙদোকচরি।”

অতোপ্পা ত্বিত অমদা শ্রী থাকুরনা হায়খি, “নবীন্না মাইপাকপা অসিনা #NewIndiaকী থৌনা-লিংজেল অদু তাক্লি। সি.দবল্যু.জি.গী দিব্যতেন্ত, চহি ১৯ শুরবা নবীন্না ভারতকীদমক গোল্দ অমা লৌনবা কন্না হোৎনখি। মহাক্না থৌনা লৈনা শান্নদুনা ভারতকী রেস্তিংদা অতোপ্পা মনি অমগা পুথোকপা ঙমখ্রে!”

পুজা সিহাগপু থাগৎলদুনা স্পোর্তস মন্ত্রীনা ত্বিত তৌখি, “#CWG2022দা অহানবা মেদল লৌরকপগীদমক পুজা সিহাগপু থাগৎচরি। ১১-০ ফংদুনা অদোম্না লায়না মাইপাকখিবা অদু তশেংনা শীংথানীংঙাই ওই। অদোম্না হন্দক্তা লনাইগী ওইবা খুদোংচাদবা কয়ামরুম মায়োক্নখি অদুবু ঙসি অদোম্না চেম্পিয়ন অমগী থৌনা লিংজেলগা লোয়ননা লম্বা তৌনদুনা লৈবাক অসিবু চাউথোকচবা পোকহনখি! “

অতোপ্পা ত্বিত অমদা শ্রী থাকুরনা হায়খি, “মাইপাকপগী চাং: চাদা ১০০!! দীপক নেহরানা ভারতকীদমক রেস্তলিংদা ১২শুবা মেদল ফংখ্রে। অদোমগী অহানবা সি.দবল্যু.জি.দা ব্রোঞ্জ অমা লৌরকপগীদমক দীপকপু নুংঙাইবা ফোংদোকচরি। মসিগা লোয়ননা ভারতনা #CWG2022দা রেস্তলিং কেতেগোরী খুদিংমক্তা মেদল অমা ফংবা ঙমলে। কন্তিঞ্জেন্ত পুম্নমক্কীদমক অচৌবা থাগত্পা ফোংদোকচরি!!”

তোকিও পেরালিম্পিক্স মেদলিস্ত ভাবিনা পতেলবু থাগৎলদুনা শ্রী থাকুরনা ত্বিত তৌখি, “ভারতকীদমক অতোপ্পা 🥇 অমা !! মহাক্না সুপর্লেতিব স্কিলগী গেম অমদা #CWG2022দা পারা তি.তি.দা ভারতকী অমত্তা ঙাইরবা গোল্দ মেদল লৌদুনা তোকিও পেরালিম্পিক্তা সিলভার মেদল ফংলবা ভাবিনা পতেলনা মহাক অখন্নৈ হায়বা অমুক্ হন্না উৎখ্রে। তোপস এথলেৎ অমা ওইনা মহাক্কী লেপ্পা লৈতনা পর্ফোরমেন্সশিং অসিনা মহাক্কী মশক অমা ওইদুনা লাক্লি।”

সোনল পতেলবু থাগৎপা ফোঙদোক্লদুনা শ্রী থাকুরনা ত্বিত তৌরকখি, “সোনল পতেলনা মহাক্কী অহানবা সি.দবল্যু.জি মেদল লৌরকপা অসি মহাক্কী মাইপাকপনি। মহাক্না লৈবাক অসিগীদমক লেপ্তনা মীংচৎ পুরক্তুনা লাক্লি অমসুং মসিগী ব্রোঞ্জ মেদল অসিগা লোয়ননা মহাক্না ভারতকী মকোক থোংবা পেরা তি.তি. গী শান্নরোয় ওইরি। য়াম্না ফজখি!!"

জৈস্মিনবু থাগৎপা ফোঙদোক্লদুনা স্পোর্তস মন্ত্রীনা ত্বিত তৌখি, “সি.দবল্যু.জি.দা অহানবা ওইনা শরুক য়ারিবা অমসুং মেদলশিং লৌরিবা ঐখোয়গী ভারতকী শান্নরোয়শিংগীদমক য়াম্না চাউথোকচৈ। বোক্সিংদা ভারতকীদমক ব্রোঞ্জ অমা মাইপাক্না লৌরবা অমসুং অপুনবা তেলিদা হাপচিল্লকপগীদমক্ জৈস্মিনবু নুংঙাইবা ফোঙদোকচরি।”

অতোপ্পা ত্বিত অমদা শ্রী থাকুরনা মখা তানা হায়খি, “মহাক ভোলিবোল শান্নরোই ওইরম্মি অদুবু ফোগাতকী মচেনা মহাকপু রেস্তলিং শান্ননবা ইথিল পীখি। মসি পুজা গহলোতপু স্পোর্তসতা মাইপাক্নবা ৱারেপ অমা ওইখি। #CWG2022দা মহাক্কী ব্রোঞ্জ মেদল লৌরকপগীদমক মহাকপু নুংঙাইবা ফোঙদোকচরি। মসি মাইপাকপা কয়াগী হৌরকফম্নি!”

লোন বোলস তীমবু থাগৎপা  ফোঙদোক্লদুনা শ্রী থাকুরনা ত্বিত তৌরকখি, “সি.দবল্যু.জি.২০২২দা অহানবা ওইনা ভারতনা অশুক য়াম্বা দিসিপ্লিন কয়াদা মেদল ঙম্বা অসিদা নুংঙাইবা ফাওই। নুপীগী লোন বোলস তীমনা মাংজিল থাখি অদুগা নুপাগী তীমনা মখোয়না সিলভর অমা লৌদুনা তুংইনখি!! সুনিল বহাদুর, নবনীত সিংহ, চন্দন কুমার সিংহ অমসুং দিনেশ কুমারবু থাগৎচরি।”

ত্বিত অমদা স্পোর্তস মন্ত্রীনা হায়খি, “কয়াদা অঙকপা রেস অমনো অবিনাস সাবলে! পর্সনেল্ বেস্ত তাইমিং অমসুং নেস্নেল রেকোর্দ অমগা লোয়ননা #CWG2022দা স্তিপলচেজদা সিলভর লৌবা অসি চাউথোকচনীংঙাই ওইবা ৱাফম্নি! ঐখোয়না অদোমগী ফজবা মাইপাকপা অদু মীৎয়ং তাখি অমসুং ফিনিস লাইন ফাওবা ঐখোয়না থৱাই খুপাক্তা হাপখি! থাগৎপা ফোঙদোকচরি!”

প্রিয়ঙ্কাবু থাগৎপা ফোঙদোক্লদুনা শ্রী থাকুরনা ত্বিত তৌরকখি, “চহি অসিগী হৌরকপদা রেস ৱাকিং ৱর্ল্দ চেম্পিয়নসিপতা ভারতনা মাই পাকখিবা অদু হৌজিকসু নীংশিংলি অমসুং সি.দবল্যু.জি.দা মহাক্কী অহানবা মেদল লৌরকখিবগা লোয়ননা প্রিয়ঙ্কা নুঙ্ঙাইবা ফোঙ্দোকচরি পরিয়াঙ্কানা দিসিপ্লিন অসিদা ভারতকী মীংচৎ পুরকখি। প্রিয়ঙ্কাবু থাগৎচরি!”

******