आज सकाळी सात वाजेपर्यंत आलेल्या तात्पुरत्या अहवालानुसार, भारतातील कोविड प्रतिबंधक लसीकरण व्य़ाप्तीने 206.21 कोटीचा टप्पा पार केला आहे. 2,73,73,255 सत्रांमधून हे साध्य करण्यात आले आहे.

16 मार्च 2022 पासून 12 ते 14 वयोगटासाठी कोविड-19 प्रतिबंधक लसीकरण सुरू करण्यात आले. आतापर्यंत, 3.94  कोटीहून (3,94,89,966) अधिक किशोरांना कोविड-19 प्रतिबंधक लसीची पहिली मात्रा देण्यात आली. त्याचप्रमाणे, 18-59 वयोगटातील लोकांना कोविड-19 खबरदारीची लसमात्रा देण्यास 10 एप्रिल 2022 पासून सुरूवात झाली.

सकाळी सात वाजेपर्यंत आलेल्या तात्पुरत्या अहवालानुसार एकत्रित आकड्याचा तपशील खालीलप्रमाणे आहे.

भारतातील उपचाराधीन रूग्णांची संख्या सध्याच्या घडीला 1,34,933 इतकी आहे. तर उपचाराधीन रूग्णांचे प्रमाण एकूण रूग्णसंख्येच्या 0.31 टक्के इतके आहे.

परिणामस्वरूप, भारतातील कोविडमुक्त होण्याचा दर सध्याच्या घडीला 98.50 टक्के इतका आहे. गेल्या 24 तासात, 18,558 रूग्ण कोविडमुक्त झाले असून कोविडमुक्त रूग्णांची एकत्रित संख्या (कोविडची साथ सुरू झाल्यापासून) आता 4,34,84,110 इतकी आहे.

गेल्या 24 तासात, 18,738 नवीन रूग्णांची नोंद झाली आहे.

गेल्या 24 तासात, 3,72,910 कोविड-19  चाचण्या भारतात पार पडल्या असून  एकत्रित चाचण्यांची संख्य़ा आतापर्यंत 87.79 कोटी (87,79,24,743) इतकी आहे.

देशात साप्ताहिक पॉझिटिव्हिटी दर सध्या 4.63 टक्के इतका असून दैनंदिन पॉझिटिव्हीटी दर 5.02 टक्के आहे.

*****

SonalT/UmeshK/CYadav

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai