প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমসুং ফিলিপিন্সকী রাস্ত্রপতি ফর্দিনান্দ মার্কোস জুনিয়র অনিগী মরক্তা তেলিফোন্দা ৱারি শানখ্রে
प्रविष्टि तिथि:
05 AUG 2022 2:59PM by PIB Imphal
ঙসি প্রধান মন্ত্রী শ্রী নরেন্দ্র মোদীনা ফোন্দা ফিলিপিন্সকী রাস্ত্রপতি ফর্দিনান্দ মার্কোস জুনিয়রগা ৱারি শানখ্রে।
মহাক ফিলিপিন্সকী ১৭শুবা রাস্ত্রপতি ওইনা খল্লকপদা প্রধান মন্ত্রীনা মার্কোস জুনিয়ার থাগৎখি।
লুচিংবা অনিনা লৈবাক অনিগী মরক্তা পায়খৎলিবা তোঙান-তোঙানবা থবকশিং হন্না য়েংশিনখি অমসুং চহি খর অসিদা লৈবাক অনিগী মরক্তা মতেং পাংনবা য়াংনা হেনগৎলকপদা অপেনবা ফোঙদোকখি।
ভারতকী এক্ত ইস্ত পোলিসি অমসুং মসিগী ইন্দো-পেসিফিক পান্দম অসিদা ফিলিপিন্সনা লৌরিবা মরুওইবা থৌদাং অদু প্রধান মন্ত্রীনা অমুক হন্না থমখি অমসুং নাকল অনিগী মরীশিং মখা তানা পাকথোক-চাউথোকহন্নবগী অপাম্বা ফোঙদোকখি।
ফিলিপিন্স চাউখৎনবা মহাক্কী থৌরাংশিং অমসুং প্রোজেকশিংদা ভারতনা মপুংফানা শৌগৎকনি হায়না প্রধান মন্ত্রীনা রাস্ত্রপতি ফর্দিনান্দ মার্কোসতা থাজবা পীখি।
*****
(रिलीज़ आईडी: 1848747)
आगंतुक पटल : 201
इस विज्ञप्ति को इन भाषाओं में पढ़ें:
Bengali
,
English
,
Urdu
,
Marathi
,
हिन्दी
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam