নহারোল অমসুং শান্ন-খোৎনবগী মন্ত্রালয়
সি.দবল্যু.জি. ২০২২গী ৭নি চনবা নুমিৎতা ভারতকী সুধিরনা পেরা পাৱরলিফতিংদা পুৱারী ওইরবা গোল্দ অমসুং শ্রীশঙ্করনা নুপাগী লোং জম্পতা সিলভর লৌরকখ্রে
Posted On:
05 AUG 2022 12:13PM by PIB Imphal
ভারতকী পেরা পাৱরলিফতিংদা সুধিরনা কম্মনৱেল্থ গেমস, ২০২২গী ৭নি শুবা নুমিৎতা নুপাগী হেভীৱেত ইভেন্ততা গোল্দ মেদল লৌরক্তুনা পুৱারী অমা শেম্বা ঙমখ্রে। পোলিকোংগ্রেতরনা মরম ওইসুনা অশোইবা লৈবা চহি ২৭শুরবা সুধিরনা ভারতকী পেরা স্পোর্তসকী মেদল একাউন্ত হাংবা ঙমখি। মুরালি শ্রীশঙ্করনা নুপাগী লোং জম্পতা সিলভর মেদল অমা লৌবা ঙমদুনা এথলেতিক্স কেতগোরীদা অনিশুবা মেদল লৌবা ঙমখি। ভারতকী মেদল তেল্লী অসি গোল্দ ৬, সিলভর ৭ অমসুং ব্রোঞ্জ মেদল ৭ লৌবা ঙমখিবগা লোয়ননা ২০ শুখ্রে। রাস্ত্রপতি শ্রীমতি দ্রৌপদী মুর্মু, প্রধান মন্ত্রী শ্রী নরেন্দ্র মোদী, কেন্দ্রগী স্পোর্তস মন্ত্রী শ্রী অনুরাগ থাকুর অমসুং লৈবাক অসিগী কাচিন কোয়াদা লৈরিবা ভারত মচাশিংনা মেদল লৌরকখ্রবশিংবু মখোয়গী মাইপাকপা অসিগীদমক থাগৎপা ফোঙদোক্নরক্লি।
রাস্ত্রপতি, শ্রীমতি দ্রৌপদী মুর্মুনা সি.দবল্যু.জি. ২০২২দা পেরা-পাৱরলিফতিংদা গোল্দ লৌরকপদা সুধিরবু থাগৎপা ফোঙদোকখি। রাস্ত্রপতিনা ত্বিত তৌখি, “#CommonwealthGamesতা পেরা-পাৱরলিফতিংদা গোল্দ লৌরক্তুনা মাগী পুৱারী ওইবা মাইপাকপা অসি ঙমখিবগীদমক সুধিরবু থাগৎচরি। অদোমগী থৌনা লৈবা পর্ফোরমেন্স অমসুং কত্থোকপা অদুনা মেদল লৌরকপা অমসুং ভারতকী মীংচৎ পুরকপা ঙমখিবনি। অদোমগী তুংগী পুন্সিদা মাইপাকপা ওইরসনু।”
এথলেতিক্স শ্রীশঙ্করবু থাগৎলদুনা রাস্ত্রপতিনা ত্বিত তৌখি, “কম্মনৱেল্থ গেমসতা লোং জম্পতা শ্রীশঙ্করনা সিলভর লৌরকপগীদমক থাগৎপা ফোঙদোকচরি। অদোমনা শাংনা চোংখিবা অদুনা কম্মনৱেল্থ গেমসতা ইভেন্ত অসিদা ভারতকী অহানবা মেদল লৌবা ঙমহনখি। মসিগী অনৌবা মাইপাকপা অসিনা মশিং লাকঙমদ্রবা ভারতমচাশিংবু, মরু ওইনা নহাশিংবু ইথিল পীবা ওইরসনু।”
প্রধান মন্ত্রী শ্রী নরেন্দ্র মোদীনা সুধিরবু কম্মনৱেল্থ গেমসকী নুপাগী হেভীৱেত ইভেন্তকী পেরা পাৱরলিফতিংদা গোল্দ মেদল লৌরকখিবগীদমক থাগৎপা ফোংদোকখ্রে। প্রধান মন্ত্রীনা ত্বিত তৌদুনা হায়খি, "সি.দব্ল্যু.জি. ২০২২ পেরা-স্পোর্ত মেদল কাউন্ততা সুধিরনা অচৌবা মফম অমা কন্দুনা হৌদোকখ্রে! মহাক্না মমল য়াম্লবা গোল্দ মেদল অমা ফংখ্রে অমসুং মহাক্কী কত্থোকপা অমসুং অচেৎপা ফিরেপ অদু অমুক হন্না উৎখ্রে। মশান্না অসিদা মহাক্না হনবা লৈতনা হোৎনরক্লি। মহাক্কী মফমদা হরাও তয়াম্বা ফোংদোক্লি অমসুং লাক্কদবশিংদসু য়াইফবতা ওইরসনু।"
প্রধান মন্ত্রীনা এম. শ্রীশঙ্করবু বর্মিংঙমদা পাঙথোকপা থাগৎপা ফোংদোকখি অমসুং ত্বিত তৌখি, "এম. শ্রীশঙ্করনা সি.দব্ল্যু.জি.দা লৌরক্লিবা লুপাগী তক্মান অসি য়াম্না অখন্নবা অমনি। চহি কয়াগী মতুংদা ভারতনা সি.দব্ল্যু.জি.দা নুপাগী লোং জম্পতা তক্মান অমা লৌবা হায়বসিনি হন্দক্কীসিনা ওইরগনি। মহাক্না উৎখিবা হৈথোই শিংথোইবনা ভারতকী এথলেতিক্সকী তুংলমচৎতা করিগুম্বা ইথিল অমা পীরগনি। মহাক্কী মফমদা হরাও নুংঙাইবা ফোংদোকচরি। মতুং তারকপদসু মসিদগী হেন্না মীথোই মীহেনবা ঙম্বা ওইরসনু।
শ্রী অনুরাগ থাকুরনা সুধিরবু থাগৎখি অমসুং ত্বিত তৌখি, “সি.দবল্যু.জি. ২০২২দা সুধিরনা সি.দবল্যু.জি. ২০২২দা সুধিরনা ভারতকী মেদল তেল্লী হাংদোকখি। অদোমগী অহানবা সি.দবল্যু.জি.দা মেদল লৌরকপদা নুংঙাইবা ফোঙদোকচরি। হরিয়ানাগী এথলেত অমনা অমুক হন্না মালেমগী ফম্পাক্তা মাইপাকপা ঙমখ্রে। ঙসি অদোম্না স্কিল অমসুং থৌনা উৎখিবগা লোয়ননা অদোম্না মালেম চেম্পিয়ন হায়বা অসি করিনো তাকপা ঙমখ্রে।”
এম. শ্রীশঙ্করবু থাগৎপা ফোঙদোক্লদুনা শ্রী থাকুরনা ত্বিত তৌখি, “সি.দবল্যু.জি. ২০২২দা এম. শ্রীশঙ্করনা মাইপাকপগীদমক থাগৎচরি। দিকেদ ৪গী মনতুংদা লোং জম্পতা মেদল লৌরকপা হায়বা অসি ভারতকী স্পোর্তসকী ওইনা পুৱারী ওইরগদবা নুমিৎ অমনি। মেদল অসিগা লোয়ননা অদোম্না এথলেতিক্সকী লমদা ভারতনা তপ্না-তপ্না খুমাং চাউশিল্লকল্লি হায়না তাকখ্রে। অদোম্না তুংদা মাইপাকপা কয়া অমা ফংনবগীদমক ঐহাক্না থৌনিজরি।”ৱ
মুরালি শ্রীশঙ্করগী মাইপাকখিবশিংগী য়েংনবা মসিদা নম্বীয়ু
সুধিরগী মাইপাকখিবশিং য়েংনবা মসিদা নম্বীয়ু
*****
(Release ID: 1848664)
Visitor Counter : 151