তুরিজম মন্ত্রালয়

প্রধান মন্ত্রী শ্রী নরেন্দ্র মোদীনা মন কী বাতকী খ্বাইদগী নৌবা ইদিসন্দা এক ভারত শ্রেস্থ ভারতকী ৱাখল্লোন থৌগৎপদা য়েলহৌঙৈদগী পাঙথোক্তুনা লাক্লবা মেলাশিংগী মরু ওইবগী মতাংদা ফোঙদোকখ্রে


মেলাশিংনা মীয়াম অমসুং থমোয়শিংবু পুনশিল্লি: প্রধান মন্ত্রী

Posted On: 01 AUG 2022 5:59PM by PIB Imphal

প্রধান মন্ত্রী শ্রী নরেন্দ্র মোদীনা জুলাই ৩১, ২০২২দা শন্দোকখিবা ‘মন কী বাত’কী ৯১শুবা ইদিসন্দা য়ুনিতী ইন দাইভর্সিতী ‘এক ভারত শ্রেস্থ ভারত’কী ৱাখল্লোন থৌগৎপদা য়েলহৌঙৈদগী পাঙথোক্তুনা লাক্লবা মেলাশিংগী মরু ওইবা অদু ফোঙদোকখি। এক ভারত শ্রেস্থ ভারত অসি মন কী বাতকী ইদিসন কয়ামরুমদা প্রাইদ ওফ প্লেস একোর্দ তৌখি। ‘মন কী বাত’কী ৯১শুবা ইদিসন্দা প্রধান মন্ত্রীনা হন্দক্কী ‘মন কী বাত’ অসি য়াম্না অখন্নবা ওই। মসিগী মরমদি হন্দক্কী তানফম অসি নীংতম নুমিৎ ওইরি, ভারতনা নীংতম্বা ফংলকপগী চহি ৭৫ শুগদৌরি।

মন কী বাত্তা ৱা ঙাংবদা পি.এম.না হায়খি, “ঐহাক্না ‘মন কী বাত’ তাবীরিবা, হিমাচল প্রদেশতগী শ্রীমান আশিশ বহলজীদগী চিথী অমা ফংখি। মহাক্কী চিথী অদুদা চম্বাগী ‘মিঞ্জর মেলা’গী মরমদা ইবীরকখি। তশেংবদি চুজাক পাম্বীগী মপালবু মিঞ্জর হায়না খঙনৈ। চুজাক মপাল শারকপা মতমদা মিঞ্জর মেলা পাঙথোকই অমসুং মেলা অসিদা লৈবাক শিনবা থুংবদগী লাকপা লমকোইবশিংনা শরুক য়াই। মতাং চান্নরুবনা হৌজিক মিঞ্জর মেলা পাঙথোক্লি। করিগুম্বা অদোম্না হিমাচলদা চৎলবদি অদোম্না মেলা অসি য়েংনবা চম্বাদা চৎপীয়ু। “চম্বা এক দিন ওনা কনে মহীনা রৈনা” হায়বদি মীওইশিংনা চম্বাদা নোংমগী ওইনা লাক্লম্মি অদুবু মাগী ফজবা অসি য়েংনবগীদমক মখোয়না থা অমা মফম অসিদা লৈথৈ হায়বনি।

প্রধান মন্ত্রী মোদীনা ঐখোয়গী লৈবাক্তা মেলাশিংগী ওইনা নাৎকী ওইবা অচৌবা মগুন লৈজৈ। মেলানা মীয়াম অমসুং থমোয়শিংবু পুনশিন্নৈ। নোং চুখ্রবা মতুং নোংজুগী মহৈ-মরোং মুল্লকপা মতম, সেপ্তেম্বর থাদা হিমাচলগী শিমলা, মন্দী, কুল্লু অমসুং সোলনদা, সৈরী নত্ত্রগা সৈর পাঙথোকই। সেপ্তেম্বর থাদা জাগরাসু পাঙথোকই। জাগরা মেলাশিংদা মহাসু লৈরম্ববু খুরুমজরবা মতুংদা বীসুগী ঈশৈশিং শকই।  মহাসু লৈরম্বা য়কাইহননবা অসি হিমালগী শিমলা, কিন্নোর অমসুং সিরমোরদা পাঙথোকই, লোয়ননা উত্তরাখন্দদসু পাঙথোকই।

পি.এম.না ঐখোয়গী লৈবাক অসিদা লৈরিবা তোঙান-তোঙানবা রাজ্যশিংগী ত্রাইবেল ফুরুপশিংগী অরিবা মতমদগী পাঙথোক্তুনা লাকপা মেলা কয়া লৈ। মেলাশিং অসি খরদি ত্রাইবেলগী নাৎকা মরী লৈনৈ অদুগা খরা অমনা ত্রাইবেলগী পুৱারী অমসুং হেরিতেজকা মরী লৈনৈ। খুদম ওইনা করিগুম্বা অদোম্না খুদোংচাবা ফংলবদি তেলঙ্গানাগী মেদরমদা পাঙথোকপা নুমিৎ মরিনিগী সমক্কা-সরলম্মা জাতরা মেলা অসি চৎপীয়ু। মেলা অসি তেলঙ্গানাগী মহাকুম্ভ হায়না খঙনৈ। সরলম্মা জাতরা মেলা অসি ত্রাইবেলগী অথৌবী নুপী অনি – সমক্কা অমসুং সরলম্মাবু ইকাই খুম্নবা ওইনা পাঙথোকপনি। মসি তেলঙ্গানা খক নত্তনা ছত্তিসগর, মহারাস্ত্র অমসুং আন্ধ্র প্রদেশতা কোয়া ত্রাইবেল ফুরপকী ওইনা য়াম্না থাজবা থম্লিবা কুহ্মৈ অমনি। আন্ধ্র প্রদেশকী মারীদম্মা মেলা অসিসু ত্রাইবেল খুন্নাইনা থাজবা থম্লিবা অদুগা মরী লৈনবা অচৌবা মেলা অমনি। মারিদম্মা মেলা অসি কালেনগী থাসীদগী ইঙাগী থাসি ফাওবা পাঙথোকই অমসুং ত্রাইবেল খুন্নাইনা মসিবু শক্তি উপাসনা থৌনিজবগা মরী লৈনহল্লি। মফম অসিদা নোংপোক থংবা গোদাবরীদা লৈবা পেদ্ধাপুরমদা মারীদম্মা মন্দির অমসু লৈ। মসিগা চপ মান্ননা রাজস্থানগী গরসিয়া ফুরুপকী মীয়াম্না শজিবুগী পনখৎলকপগী মরিনি পানবদা ‘সিয়াৱা কা মেলা’ নত্ত্রগা ‘মনখান রো মেলা’ পাঙথোকই।

এক ভারত শ্রেস্থ ভারত অসি তোঙান-তোঙানবা রাজ্যশিং অমসুং য়ুনিয়ন তেরিতোরীশিংগী মীয়ামগী মরক্তা মখোয়গী দাইভর্সিতী শিয়র তৌদুনা অমসুং থাগৎন্দুনা মীয়ামগী মরক্তা ইন্তরেক্সন হেনগৎহন্নবা পান্দম থম্মিবা সরকারগী অখন্নবা থৌশিল অমনি; অমসুং মসিনা মখোয়গী মরক্তা ম্যুচুএল অন্দরস্তেন্দিংসু লৈহল্লি।

*****



(Release ID: 1847157) Visitor Counter : 131