وزیر اعظم جناب نریندر مودی 29 جولائی 2022 کو، ہندوستان کے پہلے بین الاقوامی مالیاتی خدمات مرکز (آئی ایف ایس سی) ، گجرات انٹرنیشنل فنانس ٹیک سٹی (گفٹ سٹی)، کا دورہ کریں گے۔

اس موقع پر گجرات کے وزیر اعلی جناب بھوپیندر پٹیل، مرکزی وزیر داخلہ اور تعاون کے وزیر جناب امت شاہ، مرکزی وزیر خزانہ اور کارپوریٹ امور شریمتی نرملا سیتارامن، خزانہ کےمرکزی وزیر مملکت جناب پنکج چودھری اور ڈاکٹر بھاگوت کشن راؤ کراد بھی شرکت کریں گے۔

وزیراعظم اپنے دورے کے دوران انٹرنیشنل فنانشل سروسز سینٹرز اتھارٹی (آئی ایف ایس سی اے) کے ہیڈ کوارٹر کی عمارت کا سنگ بنیاد رکھیں گے، جو کہ ہندوستان میں، بین الاقوامی مالیاتی خدمات کے مراکز میں مالیاتی مصنوعات، مالیاتی خدمات اور مالیاتی اداروں (آئی ایف ایس سی ایز) کی ترقی اور ضابطے کے لیے متحد ریگولیٹر ہے۔  آئی ایف ایس سی اے کے ہیڈ کوارٹر کی عمارت کو ایک شاندار ڈھانچے کے طور پر تصور کیا گیا ہے، جو کہ جی آئی ایف ٹی-آئی ایف ایس سی کی ایک سرکردہ بین الاقوامی مالیاتی مرکز کے طور پر بڑھتی ہوئی اہمیت اور قد کا عکاس ہے۔

وزیر اعظم انڈیا انٹرنیشنل بلین ایکسچینج(آئی آئی بی ایکس) کا آغاز کریں گے، جی آئی ایف ٹی-آئی ایف ایس سی میں ہندوستان کا پہلا بین الاقوامی بلین ایکسچینج۔ آئی آئی بی ایکس ہندوستان میں سونے کے مالیاتی عمل کو تحریک دینے کے علاوہ ذمہ دارانہ سورسنگ اور معیار کی یقین دہانی کے ساتھ موثر قیمت کی دریافت میں سہولت فراہم کرے گا۔ یہ ہندوستان کو عالمی بلین مارکیٹ میں اپنا صحیح مقام حاصل کرنے اور دیانتداری اور معیار کے ساتھ عالمی ویلیو چین کی خدمت کرنے کا اختیار دے گا۔ اس سے حکومت ہند کے اس عزم کو بھی تقویت ملتی ہے کہ وہ ہندوستان کو ایک اہم صارف کے طور پر عالمی بلین کی قیمتوں پر اثر انداز ہونے کے قابل بنائے۔

وزیر اعظم ایم ایس ای آئیایف سی ای –ایس جی ایکس کنیکٹ کا بھی آغاز کریں گے۔ اس کنیکٹ کے تحت، سنگاپور ایکسچینج  لمیٹڈ(ایس جی ایکس)کے ممبران کے ذریعے نفٹی ڈیریویٹیوز پر تمام آرڈرز این ایس ای-آئی ایف ایس ای آرڈر میچنگ اور ٹریڈنگ پلیٹ فارم پر بھیجے جائیں گے اور ان کا میچ کیا جائے گا۔ مذکورہ کنیکٹ جی آئی ایف ٹی-آئی ایف ایس سی میں ڈیریویٹیو مارکیٹس میں لیکویڈیٹی کو گہرا کرے گا، جس سے مزید بین الاقوامی شرکاء شامل ہوں گے اور جی آئی ایف ٹی-آئی ایف ایس سی میں مالیاتی ماحولیاتی نظام پر مثبت اثرات مرتب ہوں گے۔ ہندوستان اور تمام بین الاقوامی دائرہ اختیار کے بروکر ڈیلرز سے کنیکٹ کے ذریعے مشتقات کی تجارت کے لیے بڑی تعداد میں شرکت کی توقع ہے۔

وزیراعظم کے دورے کے دوران کئی دیگر اہم اعلانات بھی کیے جائیں گے۔

*****

U.No.8094

(ش ح - اع - ر ا)