"இந்தியா ஒரு வலிமையான மற்றும் நம்பிக்கையான தேசமாக மாறியுள்ளது, இது தனது மக்களை தீய நோக்கம் கொண்டு அத்துமீற  முயற்சிக்கும் எவரிடமிருந்தும் பாதுகாக்கும்’’ என்று  ஜம்முவில் நடந்த 'கார்கில் வெற்றி தினத்தையொட்டி'  ஏற்பாடு செய்யப்பட்ட நிகழ்ச்சியில் பாதுகாப்புத் துறை அமைச்சர் திரு  ராஜ்நாத் சிங் கூறியுள்ளார். நாடு சுதந்திரம் அடைந்ததில் இருந்து தேச சேவையில் தங்கள் இன்னுயிர்களை தியாகம் செய்த சுதந்திரப் போராட்ட வீரர்கள் மற்றும் ஆயுதப் படை வீரர்களுக்கு அஞ்சலி செலுத்திய திரு ராஜ்நாத் சிங், இந்தியாவின் ஒற்றுமையையும் ஒருமைப்பாட்டையும் பாதுகாத்த அவர்களை நினைவுகூருகையில் தேசப் பெருமித உணர்வு ஏற்படுவதாகக் கூறினார். பிரதமர் திரு நரேந்திர மோடி தலைமையிலான அரசாங்கத்தின் ஒரே நோக்கம் தேசத்தின் நலன்களைப் பாதுகாப்பதே என்றும், அனைத்து வகையான எதிர்காலப் போர்களிலும் போராட ஆயுதப் படைகளுக்கு ஆயுதங்கள் / உபகரணங்களைத் தயாரிக்கும் தற்சார்பு சுற்றுச்சூழலை உருவாக்குவதற்கான தொடர் நடவடிக்கைகளை அரசு மேற்கொண்டுள்ளதாகவும் அவர் கூறினார்.

“தேசத்தின் பாதுகாப்பு மற்றும் பாதுகாப்பிற்கான வலுவான பாதுகாப்பு கருவிகளை உருவாக்குவதில் தற்சார்பை அடைவதே எங்கள் முன்னுரிமை. இந்த தொலைநோக்கு பார்வையை நிறைவேற்ற, பாதுகாப்பு பட்ஜெட்டில் 68% உள்நாட்டு உற்பத்தி பாதுகாப்பு உபகரணங்களை வாங்குவதற்கு ஒதுக்கப்பட்டுள்ளது. பாதுகாப்பு தளவாடங்களை  இறக்குமதி செய்து வந்த நாம்,  இப்போது அவற்றை ஏற்றுமதி செய்யும் அளவுக்கு  மாறியுள்ளோம், இது நமது சொந்த தேவைகளைப் பூர்த்தி செய்வதுடன் மட்டுமல்லாமல், 'மேக் இன் இந்தியா, மேக் ஃபார் தி வேர்ல்ட்' என்ற தொலைநோக்குப் பார்வைக்கு ஏற்ப நமது நட்பு நாடுகளின் தேவைகளையும் பூர்த்தி செய்கிறது. அரசின் சமீபத்திய நடவடிக்கைகளின் காரணமாக, பாதுகாப்புப் பொருட்களை ஏற்றுமதி செய்யும் உலகின் முதல் 25 நாடுகளில் இந்தியாவும் இடம்பிடித்துள்ளது. 2025ஆம் ஆண்டுக்குள் ரூ.35,000 கோடி மதிப்பிலான ஏற்றுமதியை எட்ட இலக்கு நிர்ணயித்துள்ளோம், மேலும் வரும் காலங்களில் சிறந்த ஏற்றுமதியாளராக மாற வேண்டும். இந்தியாவை உலக வல்லரசாக மாற்றுவதே எங்கள் நோக்கம். வலிமையான, வளமான, தன்னம்பிக்கை மற்றும் வெற்றிகரமான இந்தியாவைக் கனவு காணும் போது, உயர்ந்த தியாகத்தைச் செய்த நமது மாவீரர்களுக்கு இது ஒரு பொருத்தமான அஞ்சலியாக இருக்கும், ”என்று பாதுகாப்பு அமைச்சர் கூறினார்.

சுதந்திரத்திற்குப் பிறகு இந்தியா எதிர்கொண்ட பல்வேறு சவால்கள் குறித்து தனது கருத்துக்களைப் பகிர்ந்து கொண்ட திரு ராஜ்நாத் சிங், 1948, 1962, 1965, 1971 மற்றும் 1999 ஆம் ஆண்டுகளில் ஜம்மு & காஷ்மீர் மற்றும் லடாக் முழுவதுமே 'முக்கிய போர் அரங்கமாக மாறியது. போர்கள், எதிரிகள் தீய நோக்கத்துடன் அத்துமீற  முயன்றபோது, அவர்களது திட்டங்களை துணிச்சலான இந்திய வீரர்கள் முறியடித்தனர் என்று கூறினார். போர்களில் தீரச்செயல்களைப் புரிந்த வீரர்களை அவர் நினைவு கூர்ந்தார்.

“1965 மற்றும் 1971 நேரடிப் போர்களில் தோல்வியை சுவைத்த பிறகு, பாகிஸ்தான் மறைமுகப் போரின் பாதையை ஏற்றுக்கொண்டது. இரண்டு தசாப்தங்களுக்கும் மேலாக, அது இந்தியா மீது மறைமுக யுத்தத்தை மேற்கொண்டது.  ஆனால், இந்தியாவின் ஒருமைப்பாடு மற்றும் இறையாண்மையை யாராலும் சீர்குலைக்க முடியாது என்பதை மீண்டும் மீண்டும், நமது துணிச்சலான வீரர்கள் நிரூபித்துள்ளனர்,” என்று அவர் மேலும் கூறினார்.

பல சவால்கள் மற்றும் சர்வதேச அழுத்தங்களுக்கு மத்தியிலும் கார்கில் போரின் போது ஆயுதப் படை வீரர்களுக்கு அப்போதைய பிரதமர் மறைந்த அடல் பிஹாரி வாஜ்பாயை  ஊக்கமளித்த அவரது தலைமைத்துவத்தை திரு ராஜ்நாத் சிங் நினைவு கூர்ந்தார். சோதனைக் காலங்களில் தேசத்தின் இறையாண்மை மற்றும் ஒருமைப்பாட்டைப் பாதுகாத்த அரசுடனான அவர்களின் ஒருங்கிணைப்பு மற்றும் முப்படைகளின் கூட்டுத்தன்மைக்கு இந்த வெற்றி ஒரு சிறந்த எடுத்துக்காட்டு என்று அவர் குறிப்பிட்டார்.

மேலும் விவரங்களுக்கு இந்த ஆங்கில செய்திக்குறிப்பைக் காணவும் https://www.pib.gov.in/PressReleasePage.aspx?PRID=1844389

 
***************