অকোইবগী ফিভম অমসুং ঊমংগী মন্ত্রালয়

সিঙ্গল য়ুজ প্লাস্তিক্তা অথীংবা থম্বা

Posted On: 21 JUL 2022 2:42PM by PIB Imphal

ইনভাইরনমেন্ত, ফোরেস্ত অমসুং ক্লাইমেন্ত চেঞ্জ মন্ত্রালয়না জুলাই ১, ২০২২দগী মখাদা পীরিবা মশক খঙদোক্লবা কান্নফম থোইদোক্না খঙদবা অদুবু মোৎহনবগী চাং য়াম্না ৱাংবা সিঙ্গল য়ুজ প্লাস্তিক শাবা, মীরমদগী পুশিল্লকপা, থমজিনবা, য়েন্থোকপা, য়োনবা অমসুং শিজিন্নবা থীংনবা প্লাস্তিক ৱেস্ত মেনেজমেন্ত এমেন্দমেন্ত রুল, ২০২১গী মতুং ইন্না ওগস্ত ১২, ২০২১দা নোতিস থোকখ্রবনি। মসিগী মনুং চনবা পোৎলমশিংদিঃ

১) প্লাস্তিক স্তিক য়াওবা ইয়র বদ, বেল্লুনগী প্লাস্তিক স্তিক, প্লাস্তিক ফিরাল, মীথাইগী চৈ, আইস ক্রীমগী চৈ, লৈতেংগী শিজিন্নবা পোলীস্তরিন (থর্মোকোল);

২) মাইক্রোন ১০০দগী তাবা প্লেত, কপ, গিলাস, ফোর্ক, চামচ, থাং, স্ত্রো, ত্রে, অথুম্বা য়োম্নবা প্লাস্তিক অপাবা, বার্তোন অমসুং চুরুপকী পেকেত, প্লাস্তিক নত্ত্রগা পি.ভি.সি. বেন্নর, ওৎনবা স্তিরর।

নোতিফিকেসন অসিনা মাইক্রোন ৭৫দগী তাবা প্লাস্তিক খাও শাবা, মীরমদগী লৈশিনবা, থমজিনবা, য়েন্থোকপা, য়োনবা অমসুং শিজিন্নবনা সেপ্তেম্বর ৩০, ২০২১দগী অমসুং মাইক্রোন ১২০দগী তানা পাবশিংনা দিসেম্বর ৩১, ২০২২দগী থিংবগী ৱারোল য়াওরি। মসিদা নত্তনা, রাজ্য/য়ু.তি. ৩৪না প্লাস্তিক ৱেস্ত মেনেজমেন্ত রুল, ২০১৬তা এমেন্দ তৌখিবগী মতুং ইন্না প্লাস্তিক কেরী বেগ অমসুং মশক খঙদোক্লবা সিঙ্গল য়ুজ প্লাস্তিক মপুং ওইনা নত্ত্রগা চাং খরা ফাওবা থিংবগী মরী লৈনবা ৱারোল তাকপা নোতিফিকেসন/ওর্দর থোকখ্রবনি।

মন্ত্রালয় অসিনা দ্রাফ নোতিস অসি থোক্লবা নুমিৎ ৬০গী মনুংদা স্তেকহোলদরশিংগী মাইকৈদগী য়েৎনীংবা নত্ত্রগা পাউতাক পীনবা দ্রাফ নোতিফিকেসন অমা ইন্দিয়া গেজেত্তা মার্চ ১১, ২০২১দা থোকখি। হায়রিবা নোতিস অসি মরী লৈনবা মন্ত্রালয়শিংগা খন্নরবা তুংদা থোকখিবনি। পাউতাক নত্ত্রগা মরী লৈনবা ৱারোল কয়া ফংলবা তুংদা ফাইনেল নোতিস থোকখি। মখা তাবা ওইনা, মশক খঙদোক্লবা সিঙ্গল য়ুজ প্লাস্তিক থিংবগা মরী লৈননা স্তেকহোলদরশিংগী ওইবা এৱিয়র্নেস প্রোগ্রাম অমসুং কেপাসিতী বিলদিং ৱর্কশোপ কয়াসু পাংথোকখ্রে।

মশক খঙদোক্লবা সিঙ্গল য়ুজ প্লাস্তিক থিংবগী নোতিস অসি প্লাস্তিক ৱেস্ত মেনেজমেন্ত এমেন্দমেন্ত রুল, ২০২১গী মখা পোন্না জুলাই ১, ২০২২দগী চৎনহন্নবা হায়দুনা ওগস্ত ১২, ২০২১দা থোকখিবনি। মাইক্রো, স্মোল অমসুং মেদিয়ম ইন্তর্প্রাইস মন্ত্রালয়না মসিগুম্বা সিঙ্গল য়ুজ প্লাস্তিক শাবগা মরী লৈনবা থবক তৌরম্বা য়ুনিৎশিংগী ওইনা মহুৎ শিনবা য়াবা অতোপ্পা পোত্থোক নত্ত্রগা ইনৌ নৌবা পোত্থোক্তা মায় ওনশিন্নবা হোৎনবদা তেংবাংবগী স্কিম কয়া পীরি। স্কিমশিং অসিগী গাইদলাইনগী মতুং ইন্না তেক্নোলোজী অপগ্রেদ তৌবা, এৱিয়র্নেস পীবা, মারকেতিং সপ্পোর্ত, ইনফ্রাস্ত্রকচর সপ্পোর্ত কয়া পীরি।

ৱাফম অসি ইনভাইরনমেন্ত, ফোরেস্ত অমসুং ক্লাইমেন্ত চেঞ্জকী রাজ্য মন্ত্রী, শ্রী অশ্বিনি কুমার চৌবেনা ঙসি রাজ্য সভাদা অইবা পাউখুম ওইনা পীখিবনি।

******



(Release ID: 1843756) Visitor Counter : 133