மத்திய உள்துறை மற்றும் கூட்டுறவு துறை அமைச்சர் திரு அமித் ஷா இன்று புதுதில்லியில் நடைபெற்ற வேளாண்மை மற்றும் ஊரக வளர்ச்சி வங்கிகளின் தேசிய மாநாட்டில் தலைமை விருந்தினராக கலந்து கொண்டார். இந்நிகழ்ச்சியில், மத்திய கூட்டுறவு மற்றும் வடகிழக்கு விவகாரங்களுக்கான இணை அமைச்சர் திரு.பி.எல். வர்மா, கூட்டுறவு அமைச்சகத்தின் செயலாளர், என்சியுஐ தலைவர் இப்கோ தலைவர், சர்வதேச கூட்டுறவு கூட்டணியின் ஆசிய-பசிபிக் பிராந்தியத்தின் தலைவர் கிரிப்கோ தலைவர் உள்ளிட்ட முக்கிய விருந்தினர்கள் கலந்து கொண்டனர்.

இந்நிகழ்ச்சியில் உரையாற்றிய  நாட்டின் முதல் மத்திய கூட்டுறவு அமைச்சரான திரு அமித் ஷா, விவசாய வளர்ச்சிக்கு கூட்டுறவின் பரிமாணம் மிகவும் முக்கியமானது என்றும், இது இல்லாமல் விவசாயிகளின் வருவாயை இரட்டிப்பாக்கும் பிரதமர் நரேந்திர மோடியின் தொலைநோக்குப் பார்வையை நிறைவேற்ற முடியாது என்றும் கூறினார். இந்தியாவில் விவசாயம் மற்றும் ஊரக வளர்ச்சி வங்கிகளின் வரலாறு கிட்டத்தட்ட ஒன்பது தசாப்தங்கள் பழமையானது. விவசாயக் கடன் குறுகிய கால மற்றும் நீண்ட கால என இரண்டு தூண்களைக் கொண்டுள்ளது. 1920 க்கு முன், விவசாயத் துறை முற்றிலும் வான்வழி விவசாயத்தை அடிப்படையாகக் கொண்டிருந்தது, மழை வந்தபோது, நல்ல அறுவடை இருந்தது. 1920 களில், விவசாயிக்கு நீண்ட கால கடன்கள் அறிமுகப்படுத்தப்பட்டது, இது தனது பண்ணையில் விவசாயத்திற்கான உள்கட்டமைப்பை உருவாக்கும் விவசாயியின் கனவை நனவாக்க வழிவகுத்தது. விவசாயம் மற்றும் ஊரக வளர்ச்சி வங்கிகள் மட்டுமே நாட்டின் விவசாயத்தை அதிர்ஷ்டத்தின் அடிப்படையில் இருந்து தொழிலாளர் அடிப்படையிலானதாக மாற்றுவதற்கு வேலை செய்தன. அந்த நேரத்தில், கூட்டுறவுத் துறையின் இந்த பரிமாணம் விவசாயியை தன்னிறைவு அடையச் செய்யும் திசையில் ஒரு பெரிய தொடக்கத்தை ஏற்படுத்தியது. கடந்த 90 ஆண்டுகால இந்தப் பயணத்தைப் பார்த்தால், விவசாயம் மற்றும் விவசாய முறையின் மிகக் கீழ்மட்டத்தை நம்மால் அடைய முடியவில்லை என்பதை நாம் காண்கிறோம் என்று கூறினார். ஆனால் நீண்ட கால நிதியுதவியை அதிகரிக்காத வரை, பிரதமரின் தொலைநோக்கு பார்வையின்படி விவசாய வளர்ச்சி சாத்தியமில்லை என்றார். வங்கிகள் வீழ்ச்சியடைந்த பல பெரிய மாநிலங்கள் உள்ளன, இந்த அம்சத்தையும் கருத்தில் கொள்ள வேண்டும். உபரி நிதியை விவசாயம் அல்லாத பயன்பாட்டிற்கு திருப்புவது நோக்கத்தை நிறைவேற்றாது. நபார்டு வங்கியின் நோக்கங்கள் அனைத்தும் கிராமப்புற வளர்ச்சி மற்றும் விவசாயத்திற்கு செலவிடப்படும் போது மட்டுமே நிறைவேறும். ஆனால் விவசாயத்தில் நீண்ட கால நிதி, உள்கட்டமைப்பு மற்றும் நுண்ணீர் பாசனத்தை ஊக்குவிக்கும் வரை இது சாத்தியமில்லை  என்று அவர் கூறினார்.

விவசாயம் மற்றும் ஊரக வளர்ச்சி வங்கிகளின் பணி நிதியளிப்பது மட்டுமல்ல, செயல்பாடுகளை விரிவுபடுத்துவதும் ஆகும் என்று திரு அமித் ஷா கூறினார். பணி விரிவாக்கத்தில் என்ன தடைகள் இருந்தாலும், அதற்கான வழிகளைக் கண்டுபிடித்து, விவசாய வளர்ச்சியின் இலக்கை அடைய முடியும். வங்கிகளை மட்டும் நடத்தாமல் வங்கியின் நோக்கங்களை நிறைவேற்றும் வகையில் செயல்பட முயற்சிக்க வேண்டும் என்றார் அவர். நீண்டகால நிதி நோக்கத்தை அடைய கூட்டுறவு நிறுவனங்கள் அமைக்கப்பட்டன. புதிய கூட்டுறவு சங்கங்களை உருவாக்கி, விவசாயிகளுக்கு நடுத்தர மற்றும் நீண்ட கால கடன் வழங்க வேண்டும் என்று அவர் கேட்டுக்கொண்டார். 

மத்திய உள்துறை மற்றும் கூட்டுறவு அமைச்சர், கடனை திரும்பப் பெறுவது போல் விரைவான கடன்களும் வழங்கப்பட வேண்டும் என்றார். சேவைகள் விரிவுபடுத்தப்பட வேண்டும், நீர்ப்பாசன நிலத்தின் சதவீதத்தை அதிகரிக்கவும், விளைச்சல், உற்பத்தியை அதிகரிக்கவும், விவசாயிகளை செழிக்கச் செய்யவும், விவசாயிகளிடையே விழிப்புணர்வை ஏற்படுத்தவும் பேச்சுவார்த்தை நடத்தப்பட வேண்டும். கூட்டுறவு நிறுவனங்களில் பதவி வகித்தால் மட்டும் போதாது, 1924-ம் ஆண்டு முதல் இந்த சேவைகள் தொடங்கப்பட்ட நோக்கத்தை அடைய, ஒருவரின் பதவிக்காலத்தில் என்ன செய்ய முடியும் என்று கவலைப்பட வேண்டியது அவசியம் என்றார் அவர். வங்கிகள் மூன்று லட்சத்திற்கும் அதிகமான டிராக்டர்களுக்கு நிதியளித்துள்ளன, ஆனால் நாட்டில் 8 கோடிக்கும் அதிகமான டிராக்டர்கள் உள்ளன. 13 கோடி விவசாயிகளில் 5.2 லட்சம் விவசாயிகளுக்கு நடுத்தர மற்றும் நீண்ட கால நிதியுதவி அளித்துள்ளோம். வங்கிகளால் பல புதிய சீர்திருத்தங்கள் மேற்கொள்ளப்பட்டுள்ளன, அவை வரவேற்கத்தக்கவை, ஆனால் சீர்திருத்தங்கள் வங்கி சார்ந்ததாக இருக்கக்கூடாது, அவை முழுத் துறைக்கும் இருக்க வேண்டும். ஒரு வங்கி நன்றாக வேலை செய்தால், இதை அனைத்து வங்கிகளுக்கும் தெரிவித்து, அதை முன்னெடுத்துச் செல்வதுதான் கூட்டமைப்பின் வேலை. வங்கி குறிப்பிட்ட சீர்திருத்தங்கள் துறையை மாற்ற முடியாது, ஆனால் துறையில் சீர்திருத்தங்கள் நடந்தால், அந்த துறை தானாகவே மாறும், துறை மாறினால், கூட்டுறவு மிகவும் வலுவாக மாறும். கிணறுகள், பம்ப்செட்கள், டிராக்டர்கள், நில மேம்பாடு, தோட்டக்கலை, கோழிப்பண்ணை, மீன்வளம் போன்ற பல பகுதிகள் கூட்டுறவு சங்கங்கள் மேற்கொள்ளும் பணிகளில் அடங்கும், ஆனால் அவற்றை விரிவுபடுத்துவது நமது பொறுப்பு, அவற்றை நாம் முன்னோக்கி கொண்டு செல்ல வேண்டும், பின்னர்  கூட்டுறவு அலகு அதன் நோக்கத்தை அடைய வேண்டும் என்பதற்காக நிறுவப்பட்டது. இன்று இந்த மாநாட்டில் கலந்து கொள்ளும் அனைத்து வங்கிகளின் உறுப்பினர்களும், இத்துறையின் சிறந்த நடைமுறைகளைப் பற்றி விவாதிக்க வேண்டும், வங்கித் துறையில் புதிய பல்வகைப்படுத்தலைக் கொண்டுவர ஏதேனும் சீர்திருத்தங்கள் மாற்றங்கள் தேவைப்பட்டால், கூட்டுறவு அமைச்சகத்தின் கதவுகள் உங்களுக்காக எப்போதும்  திறந்திருக்கும் என்று அமைச்சர் கூறினார்.

1929 ஆம் ஆண்டு நிறுவப்பட்டு, 9 தசாப்தங்களுக்கும் மேலாக கிராமப்புறங்களில் தொடர்ச்சியான சேவை புரிந்து வரும்  தமிழ்நாடு கூட்டுறவு மாநில வேளாண்மை மற்றும் ஊரக வளர்ச்சி வங்கியை மத்திய உள்துறை மற்றும் கூட்டுறவு துறை அமைச்சர் திரு அமித் ஷா நிகழ்ச்சியில் பாராட்டினார்.

கூட்டுறவுத் துறையை அரசு விரிவுபடுத்த முடியாது, ஆனால் கூட்டுறவு நிறுவனங்களால் மட்டுமே துறையை விரிவுபடுத்த முடியும் என்று மத்திய கூட்டுறவு அமைச்சர் கூறினார். அரசாங்கத்தால் வசதிகளை வழங்க முடியும், ஆனால் கூட்டுறவுகளின் உணர்வை புதுப்பிக்கவும், எதிர்காலத்தில் இந்த உணர்வை வளர்த்துக்கொள்ளவும், இதுபோன்ற கூட்டுறவுத் துறையை நிறுவுவது நமது பொறுப்பு. அரசாங்கம் எவ்வளவு பணம் வழங்கினாலும் கூட்டுறவுகள் வளர்ச்சியடையாது, ஆனால் கூட்டுறவு மனப்பான்மையை மீட்டெடுத்து, இலக்கை அடைய அர்ப்பணிப்புடன் செயல்பட்டால், இலக்குகளை அடைவதற்கான முயற்சிகளை மேற்கொண்டால், திரு நரேந்திர மோடியின் 5 டிரில்லியன் அமெரிக்க டாலர் பொருளாதாரம் என்னும் தொலைநோக்கை நிறைவேற்றுவதில் கூட்டுறவுகளுக்கு பெரிய பங்கு இருக்கும். நாட்டின் 70 கோடி ஏழைகளை உள்ளடக்கிய வளர்ச்சியில் பங்குதாரராக்கும் ஒரு துறையாக  கூட்டுறவுத் துறைதான் திகழ்கிறது என்றார் அவர்.

மேலும் விவரங்களுக்கு இந்த ஆங்கில செய்திக்குறிப்பை காணவும் https://www.pib.gov.in/PressReleasePage.aspx?PRID=1842030

***************