‘আজাদী কা অমৃত মহোৎসব’কী শরুক ওইনা শ্রাম শক্তি ভবন্দা ঙসি কোবিদ-১৯গী লেম্না প্রিকোসন দোজ কাপ্নবা ভেক্সিনেসন দ্রাইব লেবর অমসুং এমপ্লোইমেন্ত মন্ত্রালয়না পাঙথোকখ্রে। লেবর অমসুং এমপ্লোইমেন্ত, এনভাইর্নমেন্ত, ফোরেস্ত অমসুং ক্লাইমেৎ চেঞ্জকী মন্ত্রী শ্রী ভুপেন্দ্র য়াদনা বুস্তর দোজ কাপতুনা ভেক্সিনেসন দ্রাইব অসি হৌখি। লেবর অমসুং এমপ্লোইমেন্তগী সেক্রেতরী শ্রী সুনিল বর্থৱালনসু কোবিদ-১৯গী প্রিকোসন ভেক্সিন কাপখি।

কোবিদ-১৯গী প্রিকোসন দোজ লেম্না কাপ্পগী দ্রাইব হৌদোকপগী থৌরমদা মহাক্কী ৱারোল পীবদা মন্ত্রীনা ইলিজিবল ওইবা মীওই খুদিংমক্না তীকা থাদোক্নবা হায়খি। মহাক্না হায়খি মদুদি ইশাবু শাফনা থম্বনা খুন্নাই অমসুং লৈবাক অসিবু কোবিদ-১৯ লাইচৎতগী শাফনা থম্বা ঙমগনি। মহাক্না মখা তানা হায়খি মদুদি লেবর অমসুং এমপ্লোইমেন্ত মন্ত্রালয়গী মখাদা লৈবা স্তাফ পুম্নমক অমসুং ভারত শিনবা থুংবদা লৈরিবা মাগী সংস্থানশিংনা ই.এস.আই.সি.গী দোক্তরশিং/পেরা-মেদিকেলশিংগী মতেংগা লোয়ননা মথংগী নুমিৎ ৭৫দা ভেক্সিন কাপথোক্কদবনি। থৌরম অসিদা মীওই ১৫০ হেন্না কোবিদ-১৯গী প্রিকোসন দোজ কাপখি।

ভারত সরকারনা ইলিজিবল ওইবা মীওইশিংদা সরকারগী ভেক্সিনেসন সেন্তরশিংদা কোবিদ-১৯গী প্রিকোসন দোজ লেম্না কাপ্নবগীদমক লৈবাক শিনবা থুংবদা দ্রাইব অসি হৌখি। লেম্না প্রিকোসন দোজ কাপ্পগী খুদোংচাবা অসি ই.এস.আই.সি. হোস্পিতাল অমা হেক্তদা ফংগনি। নীংতম্বগী চহি ৭৫ শুবগী পালন তৌবা ওইনা ভেক্সিনেসন দ্রাইব অসি ঙসিদগী হৌখি অমসুং মথংগী নুমিৎ ৭৫ ফাওবা চত্থগনি।

*****