মথৌ পাংথোকপা ঙমহন্দ্রবা হোল-ভিরিওন ভেক্সিন অমা ওইরিবা কোভেক্সিন্না এস.এ.আর.এস.-কোব-২ অমসুং মিৎয়েং চঙবা য়াবা ভেরিএন্তশিংদা মসিবু কাপ্লবা থা ৬ ফাওবা চাউরবা ইম্ম্যুন মেমোরী লৈহল্লি অমসুং ভেরিএন্তশিংগী মাইয়োক্তা মপাঙ্গল চাউনা থেংনবা ঙম্বা মেমোরী তি. সেল লৈহল্লি হায়বা সাইন্তিস্তশিংনা খঙবা ঙম্লে। মসিনা ভাইরস লোদ লাকশিনবদা তেংবাংবা ঙমগনি অমসুং লাইনা অসিগী হকচিংবগী চাং হন্থহনগনি।

বি.বি.ভি.১৫২/কোভেক্সিন ভেক্সিন অসি এ.এস.পি.৬১৪গি.এল.ৱাই. ভেরিএন্ততা য়ুম্ফম ওইবনি অমসুং এলমদা চুপশিনবা তোলগা মান্নবা রিসেপ্তর (তি.এল.আর.) ৭/৮ এগোনিস্ত মোলিক্যুল (আইমিদাজোকুইনোলিন)গা লোয়ননা শেম্বনি। মসিনা ভারত্তা শাবা অমসুং অয়াম্বা মীশিংদা শিজিন্ননবগীদমক্তা দবল্যু.ঐচ.ও.দগী খুদক্কী ওইবা ফিভমদা শিজিন্নবগী অয়াবা ফংলবা এলম-আইমিদাজোকুইনোলিন এদজুভেন্ত তৌরবা খ্বাইদগী অহানবা ভেক্সিন্নি। ভেক্সিন অসিগী মথৌ নীংথিনা পাংথোকপগী ক্লিনিকেল ত্রাইএলগী দেতা লৈরবসু, অখন্নবা ওইনা, খুদমদা য়ুম্ফম ওইবা পোলিসী শেম্বগী মরী লৈনবা ৱাহং কয়াগী মরু ওইবা পাউখুমদি পীদনা লৈরি। মসিগী মনুংদা ভেক্সিন অসিনা ইম্ম্যুন মেমোরী লৈহনবরা, ভেক্সিন্না লৈহল্লিবা ইম্ম্যুন মেমোরী অসি কয়াম কুইনা লৈবগে, অমসুং হায়রিবা মেমোরীশিং অসিনা এস.এ.আর.এস.-কোব-২ ভেরিএন্তশিংগী মাইয়োক্তা থেংনবা ঙম্বরা হায়বা ৱাহংশিং য়াওরি।

স্কিম ১: মথৌ পাংথকহন্দ্রবা এস.এ.আর.এস.-কোব-২ ভেক্সিন, কোভেক্সিন^®গী ইম্ম্যুন ওইবগী চাং য়েংথোক্নবা স্তদী দিজাইন তাকপা স্কিম

ফরিদাবাদকী তি.ঐচ.এস.তি.আই., নই দিল্লীগী এমস, ফরিদাবাদকী ই.এস.আই.সি. মেদিকেল কোলেজ, নই দিল্লীগী এল.এন.জে.পি. হোস্পিতাল, লা জোল্লাগী এল.জে.আই., দাঃ নিমেশ গুপ্তা অমসুং নই দিল্লীগী নেস্নেল ইন্সতিত্যুত ওফ ইম্ম্যুনোলোজী (এন.আই.আই.)গুম্বা তোঙানবা ইন্সতিত্যুসনশিংগা তেংবাংনদুনা থবক তৌমিন্নবদা ভেক্সিনগী অনিশুবা দোজ কাপ্পগী থা ৬কী মতমগী মনুংদা লৈরিবা এস.এ.আর.এস.-কোব-২ চঙদ্রিবা মীওই ৯৭তা থিজিন-হুমজিনবগী থৌওং চত্থখি। ভেক্সিন্না লৈহনবা রেস্পোন্সকা কোবিদ-১৯ পংকন-কন্দনা নাবদগী ফগৎলবা মীওই ৯৯গী ইম্ম্যুন মেমোরীগা চাংদম্নখি।

সাইন্স অমসুং তেক্নোলোজী বিভাগকী স্তেত্যুতরী বোদী অমা ওইরিবা, সাইন্স অমসুং ইঞ্জিনিয়রিং রিসর্চ বোর্দকী আই.আর.ঐচ.পি.এ.-কোবিদ-১৯গী অখন্নবা ৱারোলগী মখাদা তেংবাংবা স্তদীনা ভাইরসনা লাইনা শন্দোকপগী মতৌগা মান্ননা ভাইরস অসিগী স্পাইক, আর.বি.দি. অমসুং ন্যুক্লিওপ্রোতীনগী মাইয়োক্তা ভেক্সিন অসিনা এন্তিবোদী পুথোকই হায়বা খঙবা ঙমখি। অদুবু, বাইন্দিং অমসুং ন্যুত্রেলাইজিং এন্তিবোদীশিং অনিমক কুপ্না নৈনবা মতমদা, দেলতা (ভারত), বীতা (খা অফ্রিকা) অমসুং অলফা (য়ু.কে.)গুম্বা অহেনবা মিৎয়েং চঙফম থোকপা ভেরিএন্তশিংবু মশক খঙবগী চাং হন্থবগী ফিভম থেংনখি।

ভেক্সিন অসিনা মেমোরী বি. সেল পুথোকপা ঙম্মি হায়বসি স্তদী অসিনা উৎখি। এন্তিবোদীশিংনা মতমগী মতুং ইন্না মপাঙ্গল হন্থরবসু, মসিগী মেমোরী বি. সেলশিং অসিনা, তঙাই ফদবগী মতুং ইন্না, ভাইরস অসিগী মাইয়োক্তা এন্তিবোদীশিং নৌনা অমুক পুথোকপা ঙম্মি হায়বা তাকপসিনা স্তদী অসি কান্নৈ হায়না খন্নখি।

মথৌ পাংথোকহন্দ্রবা ভাইসর ভেক্সিন অমগী মহৈ ওইনা মীওইবদা ইম্ম্যুন মেমোরী পুথোকপগী অকুপ্পা থৌওংশিংগী খুদমদা য়ুম্ফম ওইবা খ্বাইদগী অহানবা ৱারোল স্তদী অসিনা পীখি।

স্কিম ২: কোভেকিন ^®গী অনিশুবা দোজ কাপ্লবা পার্তিসিপেন্তকী ব্লদ সেম্পলদা য়াওবা এস.এ.আর.এস.-কোব-২গী অখন্নবা মেমোরী বি. সেলগী চাং ওন্নবা চত্থবা থৌরাংবু স্কিম অসিনা তাক্লি

ভেক্সিন অসিনা এস.এ.আর.এস.-কোব-২গী অখন্নবা তি. সেল পুথোকপগী মতিক লৈ হায়বসু তীম অসিনা খঙদোকপা ঙমখি। মরু ওইবা ৱাফম অমনা, অতোপ্পা এন্তিবোদীশিংদগী তোঙানবা মতৌ অমা ওইনা, তি. সেলগী মথৌ তৌবগী মতিক অসি ভেরিএন্তশিংগী মাইয়োক্তা ঙাক-শেন্দুনা থমখি। মসিদা নত্তনা, ভাইরস অসিগী অখন্নবা তি. সেলশিং অসি সেন্ত্রেল মেমোরী কম্পার্তমেন্ততা য়াওই অমসুং মসিনা ভেক্সিন কাপ্লবা মতুং থা ৬ ফাওবা লৈ।

এস.এ.আর.এস.-কোব-২ ভেরিএন্তশিংনা ভেক্সিনশিংনা পুথোকপা এন্তিবোদী রেস্পোন্সতা চৈথেং পীবা য়াই, অদুবু ভেরিএন্তশিংগী মাইয়োক্তা মপাঙ্গল চাউনা থেংননবা তি.সেল রেস্পোন্স লৈগনি। নেচর মাইক্রোবাইওলোজী জর্নেলদা ফোঙবা স্তদী অসিনা তুংগী মতমদা কোভেক্সিন^® শিজিন্নবগী খুদমদা য়ুম্ফম ওইদুনা পোলিসী শেম্বগী মতাংদা মরু ওইবা লৌশিং কয়া পীরি।

চেফোঙগী লিঙ্ক: https://doi.org/10.1038/s41564-022-01161-5

*****