নেস্নেল হেল্থ ওথোরিতী (এন.ঐচ.এ.)না ‘অয়ুশমান ভারত দিজিতেল মিসন হেক্কাথোন সেরিজ’কী মখাদা মহাস্ত্রাগী পুনেদা লৈবা স্মার্ত সিতী ওপরেসন সেন্তরদা খ্বাইদগী অহানবা হেক্কাথোনবু হাইব্রিদ ওইনা জুলাই ১৪-১৭, ২০২২দা শীন-লাঙখ্রে। হেক্কাথোন অসি অয়ুশমান ভারত দিজিতেল মিসন (এ.বি.দি.এম.)গী মখাদা পুনে ম্যুনিসিপাল কোর্পোরেসন (পি.এম.সি.) অমসুং পুনে স্মার্ত সিতী দিভেলপমেন্ত কোর্পোরেসন লিমিতেদ (পি.এস.সি.দি.সি.এল.)গা খুৎশম্ননা শীন-লাঙবনি। ইন্নোভেতর, দিভেলপর অমসুং দেতা এক্সপর্ত কয়া মনুং চনবা তোঙানবা তীম কয়ানা ইন্নোভেতিব ওইবা সোল্যুসন কয়াদা তেংবাংননবা অমসুং শেম-শানবগীদমক্তা মখোয় মশামক অমসুং ভর্চুএল ওইনা য়াওনরকখ্রে।

হেক্কাথোন অসিবু এন.ঐচ.এ.গী চীফ একজেক্যুতিব ওফিসর, দাঃ আর.এস. শর্মনা হৌদোকখি। মাহারাস্ত্রা সরকারগী মেদিকেল এজুকেসন অমসুং দ্রগস দিপার্তমেন্তকী সেক্রেতরী, শ্রী সৌরব বিজয়, এন.ঐচ.এ.গী এদিস্নেল সি.ই.ও., দাঃ প্রবীন গেদম, পি.এম.সি.গী কম্মিস্নর, শ্রী বিক্রম কুমার, হেল্থ সর্ভিসকী কম্মিস্নর অমসুং মিসন দাইরেক্তর, দাঃ এন. রামাস্বামী, এন.ঐচ.এ.গী দাইরেক্তর, শ্রী কিরন গোপাল ভাস্কা, প্পি.এস.সি.দি.সি.এল.গী সি.ই.ও., দাঃ সঞ্জয় কোলতে, সি-দেক পুনেগী এসোসিএত দাইরেক্তর, দাঃ গাউর সুন্দর, পি.এম.সি. এদিস্নেল কম্মিস্নর, শ্রী রবিন্দ্র ভিনৱাদে অমসুং পি.এম.সি.গী এদিস্নেল কম্মিস্নর, দাঃ কুনাল খেম্নারনা হৌদোকপগী থৌরমদা শরুক য়াখি।

এন.ঐচ.এ.গী সি.ই.ও., দাঃ আর.এস. শর্মনা হৌদোকপগী থৌরমদা ৱা ঙাঙবদা হায়খি, “য়ু.পি.আই.না লৌবা থৌদাংগা মান্ননা, য়ুনিফাইদ হেল্থ ইন্তর্ফেসনা মার্কেত ইনেব্লর ওইনা থৌ পুগনি অমসুং তোঙানবা হেল্থ সর্ভিস কয়া পীগনি। মসিদি হেল্থকেয়র পীরিবশিংগী মরক্তা ইন্তর-ওপরেবিলিতী লৈহন্নবা হোৎনবগী তোঙানবা থৌওং অমনি অমসুং ক্বালিতী হেল্থকেয়রবু মীপুম খুদিংনা লায়না অমসুং শেল চঙদনা ফংহনবদা মতিক চানা তেংবাংবা ঙম্লিবা হেল্থকেয়র দেতাশিংবু লান্নবদা তেংবাংগনি”।

হেক্কাথোনগী মতাংদা দাঃ শর্মনা মখা তারদুনা হায়খি, “হেক্কাথোন অসিনা ঐখোয়না পাংথোক্নবা থৌরাং তৌরিবা পরিং অসিগী খ্বাইদগী অহানবনি। মসিনা লৈবাক্কী নহা ওইরিবা তেলেন্তশিংগী মফমদা ঐখোয়গী দিজিতেল হেল্থকেয়র ইকোসীস্তেমগী বিলদিং ব্লোক হেন্না ফগৎহন্নবা অমসুং লৈবাক অমদি মালেমগী ইন্নোভেতিব ওইবা সোল্যুসন কয়া শেম্নবা পুক্নিং থৌগৎকনি”।

য়ুনিফাইদ হেল্থ ইন্তর্ফেস (য়ু.ঐচ.আই.)কী মথক্তা, হেক্কাথোন অসিনা ইন্নোভেতিব ওইবা সোল্যুসন পুরক্নবগীদমক্তা মীওই কয়া অমসুং লুপ কয়াবু অমত্তা ওইনা পুরক্তুনা ভারতকী হেল্থ স্তার্ত-অপ ইকোসীস্তেম্বু শিজিন্ননবা অহেনবা মিৎয়েংসু চঙলি। ‘রাউন্দ ১- য়ু.ঐচ.আই. হৌদোকপা’ অসিগী ওইবা য়াবা প্রাইজকী শেনফমদি লুপা ৬০,০০,০০০নি। মখোয়গী সোল্যুসনশিংবু মনীংতম্বা জ্যুরী অমনা য়েংগনি। হায়রিবা প্রাইজ অসি মরু ওইবা তীম অনিগী চেলেঞ্জ ত্রেক অমমমদা খ্বাইদগী নীংথিনা পাংথোকপশিংদা পীগনি। থীম অনি অদু মখাদা পীরিঃ

• ইন্নোভেসন ত্রেকঃ তেলিকন্সলতেসন, এম্ব্যুলেন্স বুকিং, লেব তেস্ত, ফিজিকেল কন্সলতেসন বুকিং, লেব তেস্ত বুকিংগুম্বা তোঙানবা কান্নবা কেস কয়াগী ওপন নেতৱর্ক অমদা দিজিতেল হেল্থপু মপাঙ্গল হাপকদবা ইন্নোভেতিব ওইবা ৱারোইশিন পীরকপগী চেলেঞ্জ।
• ইন্তিগ্রেসন ত্রেকঃ য়ু.ঐচ.আই.গা চুনবা এপ্লিকেসন শাবগী থৌওং য়াঙখৎহনবা অমসুং য়ু.ঐচ.আই. নেতৱর্ক্তা দিজিতেল হেল্থ ত্রাঞ্জেক্সন য়াহন্নবগীদমক্তা এপ্লিকেসনশিং অসিবু অতোপ্পা পার্তিসিপেন্তশিংনা শাবা এপ্লিকেসনশিংগা পুন্সিন্নবগী চেলেঞ্জ।  

এ.বি.দি.এম. হেক্কাথোনগী অহেনবা অকুপ্পা মরোলশিং https://abdm.gov.in/register দা ফংগনি।

য়ুনিফাইদ হেল্থ ইন্তর্ফেস (য়ু.ঐচ.আই.)গী অহেনবা মরোলশিং https://uhi.abdm.gov.in/ দা ফংগনি।

****