నేషనల్ సెక్యూరిటీ కౌన్సిల్ సెక్రటేరియట్, భారత ప్రభుత్వం ‘సైబర్ సెక్యూరిటీ సహకారం’పై బిమ్‌స్టెక్ నిపుణుల బృందం రెండు రోజుల సమావేశాన్ని 14-15 జూలై 2022న న్యూఢిల్లీలో నిర్వహిస్తోంది. మార్చి 2019లో బ్యాంకాక్‌లో జరిగిన బిమ్‌స్టెక్ జాతీయ భద్రతా అధికారుల సమావేశంలో చేసిన ఒప్పందం ప్రకారం బిమ్‌స్టెక్ ప్రాంతాలలో సైబర్ సెక్యూరిటీ సవాళ్లను ఎదుర్కోవడానికి బిమ్‌స్టెక్ నిపుణుల బృందం కార్యాచరణ ప్రణాళికను రూపొందిస్తుందని తీసుకున్న నిర్ణయం మేరకు ఈ సమావేశం జరిగింది.

నేషనల్ సైబర్ సెక్యూరిటీ కోఆర్డినేటర్ లెఫ్టినెంట్ జనరల్ రాజేష్ పంత్ నేతృత్వంలోని వ్యక్తిగత సమావేశానికి బంగ్లాదేశ్, భూటాన్, భారత్, మయన్మార్, నేపాల్, శ్రీలంక మరియు థాయ్‌లాండ్ నుండి ప్రతినిధులు హాజరుకానున్నారు. ప్రతినిధులందరూ వారి సంబంధిత ప్రభుత్వ సంస్థకు చెందిన సైబర్ సెక్యూరిటీలో నిపుణులు.

PIC Caption: జాతీయ భద్రతా మండలి సెక్రటేరియట్‌లో బిమ్‌స్టెక్ సైబర్ సెక్యూరిటీ నిపుణులు సమావేశం.

బిమ్‌స్టెక్ ఫోరమ్‌లో భద్రతా రంగానికి అగ్రగామిగా ఉన్న భారతదేశం సైబర్ సెక్యూరిటీ సహకారంపై ఈ సమావేశాన్ని  నిర్వహించడానికి, సైబర్ భద్రతపై కార్యాచరణ ప్రణాళికను రూపొందించడానికి చొరవ తీసుకుంది. బిమ్‌స్టెక్ సభ్య దేశాలకు సైబర్ భద్రత మరియు సంఘటన ప్రతిస్పందనతో వ్యవహరించే సంబంధిత ప్రభుత్వ సంస్థల సీనియర్ అధికారులు ప్రాతినిధ్యం వహిస్తున్నారు.

ఈ బిమ్‌స్టెక్ నిపుణుల బృందం సమావేశం యొక్క ప్రధాన లక్ష్యం ఇన్ఫర్మేషన్ కమ్యూనికేషన్ టెక్నాలజీల ఉపయోగంలో సైబర్ భద్రతను బలోపేతం చేయడానికి బిమ్‌స్టెక్ సభ్య దేశాల మధ్య సమన్వయం  మరియు సహకారాన్ని పెంపొందించే కార్యాచరణ ప్రణాళికను రూపొందించడం. ఈ యాక్షన్ ప్లాన్ సైబర్ సంబంధిత సమాచారం, సైబర్ నేరాలు, క్లిష్టమైన సమాచార మౌలిక సదుపాయాల రక్షణ, సైబర్ సంఘటనల ప్రతిస్పందన, సైబర్ నిబంధనలకు సంబంధించిన అంతర్జాతీయ పరిణామాల మార్పిడికి సంబంధించిన యంత్రాంగాలను పరిశీలిస్తుంది. యాక్షన్ ప్లాన్‌ను 5 సంవత్సరాల వ్యవధిలో అమలు చేయాలని ప్రతిపాదించబడింది. అనంతరం సైబర్ సెక్యూరిటీపై నిపుణుల బృందం కార్యాచరణ ప్రణాళికను సమీక్షిస్తుంది.

********