প্রধান মন্ত্রী নরেন্দ্র মোদীনা হন্দক্তা ভারতকী স্পেস সেক্তর “অনলোকিং” তৌখিবদগী ইস্রোদা স্তার্ত-অপ ৬০রোমনা রেজিস্তর তৌখ্রে অমসুং মখোয় খরনা স্পেস দেব্রিস মেনেজমেন্তগা মরী লৈনবা প্রোজেক্তশিং পাইরি। অতোপ্পা স্তার্ত-অপ প্রপোজেলশিং অদুদা নেনো-সেতলাইৎ, লোঞ্চ ভেহিকল, গ্রাউন্দ সিস্তেমশিং, রিসর্চ অসিনচিংবা য়াওরি।

ৱাফম অসি সাইন্স এন্দ তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সেস রাজ্য মন্ত্রী (ইন্দিপেন্দেন্ত চার্জ); এম.ও.এস. পি.এম.ও., পর্সনেল, পব্লিক গ্রিভান্সেস, পেন্সনস, এতোমিক ইনর্জী এন্দ স্পেস, দা. জিতেন্দ্র সিংহনা ঙসি বেঙ্গলুরুগী ইস্রো কন্ত্রোল সেন্তরদা “ইস্রো সিস্তেম ফোর সেফ এন্দ সস্তেনেবল ওপরেসন” (আই.এস.৪.ও.এম.) শঙ্গারবা মতুংদা ৱা ঙাংবদা ফোঙদোকখি।

দা. জিতেন্দ্র সিংহনা মমাং থাদা খক্তা প্রধান মন্ত্রী নরেন্দ্র মোদীনা অহমদাবাদকী ইন-স্পেস হেদক্বাতর্স শঙ্গাবদা হায়খি মদুদি “সরকারগী স্পেস ইন্সতিত্যুসনশিংগী মপাঙ্গল অমসুং ভারতকী প্রাইবেৎ সেক্তরগী অনীংবশিংগা পুনবা মতমদা অতিয়াদগী হেন্না ৱাংনা পনখৈ লৈতনা কাবা ঙমগনি”।

মন্ত্রীনা প্রাইবেৎ প্লেয়রগী অনীংবা অমসুং ইনোভেসন স্তার্ত-অপশিং অসি স্পেস ত্রান্সপোর্তেসন, দেব্রিস মেনেজমেন্ত, ইনফ্রাস্ত্রকচর অমসুং এপ্লিকেসনশিংগী দোমেনশিংদা ওল-রাউন্দ কেপাবিলিতীশিং দিবেলপ তৌদুনা স্পেসতা লৈরিবা ভারতকী ইন্তরেস্ত অসি ঙাকশেন্নবগী দিপার্তমেন্ত ওফ স্পেসকী থৌদাং পাঙথোক্কনি।

দা. জিতেন্দ্র সিংহনা হায়খি, আই.এস.৪ও.এম. ফেসিলিতীনা য়ুজরশিংদা স্পেস এনভাইর্নমেন্তগী কমপ্রিহেন্সিব ওইবা অমসুং মতম চানা ই-পাউ পীদুনা এস.এস.এ. (স্পেস সিচুএস্নেল এৱের্নেস)গী পান্দমশিং থুংহনবদা ভারতকী মতেং ওইরগনি। মলতি-দোমেন এৱের্নেস প্লেৎফোর্মনা ওন-ওর্বিৎ কোলিসন, ফ্রেগমেন্তেসন, এতমোস্ফিরিক রি-এন্ত্রী রিস্ক, স্পেস বেজ স্ত্রেতেজিক ইনফোর্মেসন, খুদোংথিনীংঙাই ওইবা এস্তেরোইদস অমসুং স্পেস ৱেদর ফোর্কাস্তকী মতাংদা খুদক্কী, মরিক চুম্বা অমসুং অফবা ই-পাউ পীরগনি।

মন্ত্রীনা হায়খি ফেসিলিতী অসিনা নেস্নেল দিবেলপমেন্তগীদমক আউতর স্পেসকী সস্তেনেবল য়ুতিলাইজেসনগী কান্নবশিং লৌবগা লোয়ননা শাফবা অমসুং সস্তেনেবিলিতী ওইহন্নবা মাইকৈদা হোলিস্তিক এপ্রোচ অমা শেমখি।

দা. জিতেন্দ্র সিংহনা হায়খি, ইস্রোনা ওপরেস্নেল স্পেসক্রাফ অমসুং স্পেস দেব্রিস ওবজেক্তশীং য়াওনা স্পেস ওবজেক্তশিংগী তৌগে য়াওনা তৌরকপা অমসুং শোইবদগী নক্না চংশিল্লকপদগী মাগী স্পেস এসেৎ পুম্নমক ঙাকশেন্নবা তঙাই ফদবা খোঙথাংশিং পাইখৎলি। মহাক্না মখা তারদুনা হায়খি মদুদি অতোপ্পা ওপরেস্নেল স্পেসক্রাফনা নক্না চংশিল্লিকপা খঙদোকপা অমসুং য়েংশিনবা, ইন্দিয়ন রিজনদা ওভরপাস তৌখিবা, চীংননীংঙাই ওইবা মওংদা তৌগে য়াওনা থৌরাং তৌবা অমসুং ইন্দিয়ন রিজন্দা অমুক হন্না চংশিল্লকপা অসিগুম্বা স্পেস সিচুএস্নেল এৱের্নেস এক্তিবিতীশিংগী স্ত্রেতেজিক ইমপ্লিকেসনশিং লৈজৈ।

মন্ত্রীনা হায় আই.এস.৪ও.এম. ফেসিলিতীনা ভারতকী স্পেস এসেৎশিং ঙাকশেনবগী ওল রাউন্দ ওপরেসনশিং, স্পেসিফিক কোলিসন এভোইদেন্স মনওভর্শিংগী খুত্থাংদা স্পেস ওবজেক্তশিংনা থোমগাইনবগী অকিবা হন্থহনবা, স্পেস দেব্রিস অমসুং স্পেস সিচুএস্নেল এৱের্নেসকী স্ত্রেতেজিক পর্পোস অমসুং রিসর্চ এক্তিবিতীশিংগী মথৌ তাবা ই-পাউ অসি সপ্পোর্ত তৌগনি।

দা. জিতেন্দ্র সিংহনা হায়খি, স্পেস দেব্রিস য়াওনা স্পেস ওবজেক্তশিং ত্রেক তৌনবা মপুং ওইবা গ্রাউন্দ-বেজ ফেসিলিতীশিং ওইনা রাদরশিং অমসুং ওপতিকেল তেলিস্কোপশিংগী মরু ওইবা হাইলাইৎ তৌবা মথৌ তাই মরমদি গ্রাউন্দ-বেজ সেন্সরশিংদগী মরিক চুম্বা ওর্বিতেল ইনফোর্মেসন ফংবা হায়বা অসি অতোপ্পা ওবজেক্তশিংদগী ওপরেস্নেল স্পেস এসেৎশিংদা থোমগাইবা য়াবগী খুদোংথিবা হন্থহনবদা তঙাই ফদে। এস.এস.এ. সিস্তেমগী য়াংলেন শরূ অসি লৈবাক অদুনা অতোপ্পা স্পেসকী লমদা অথোই-অহেন তানরিবা লৈবাকশিংবু তুংওইননা থম্বা ঙম্লিবা ওবজর্বেস্নেল ফেসিলিতীশিংগী নেৎৱার্জনা ওইরি। মসি অফবা অমসুং ভেল্যু এদেস এস.এস.এ. দিবেলপমেন্ত অমসুং অলর্ত জেনরেসনগীদমক মথৌ তাবা ইন্দিয়ন ওবজর্বেস্নেল ফেসলিতীশিং লিংখৎপদা মরু ওই হায়না মন্ত্রীনা মখা তাখি।

দা. জিতেন্দ্র সিংহনা হায়খি, নুংতিগী পুন্সিদা স্পেস তেক্নোলোজীগী মফম খুদিংদা লৈরিবা এপ্লিকেসনশিং অসি য়েংলগা আউতর স্পেস এক্তিবিতীশিংগী লোং-তর্ম সস্তেনেবিলিতী (এল.তি.এস.) অসি আউতর স্পেস অসি মীওইবা জাতিগী তুংগী মীরোলশোংনা শীজিন্নবা য়ানবগীদমক য়াম্না মরু ওই। মহাক্না মখা তারদুনা হায়খি আউতর স্পেসতা শাফবা অমসুং সস্তেনেবল ওপরেসনশিংগী ইফেক্তিব মেনেজমেন্তদা স্পেস ওবজেক্তশিং অমসুং স্পেস এনভাইর্নমেন্তগী ওবজর্বেসন অমসুং মোনিতরিং, ওর্বিত দেতর্মিনেসনগী ওবজর্বেসনশিং, ওবজেক্ত করেক্তরাইজেসন অমসুং কেতলোগিং, স্পেস এনভাইর্নমেন্তগী ইভোল্যুসনগী এনলাইসিস, রিস্ক এসেসমেন্ত অমসুং মিতিগেসন, দেতা একচেঞ্জ অমসুং কোল্লাবোরেসনগা মরী লৈনবা লম কয়ামরুম য়াওবা হোলিস্তিক এপ্রোচ অমা তঙাই ফদে।

দিপার্তমেন্ত ওফ স্পেসকী সেক্রেতরীম এস. সোমানাথনা হায়খি স্পেস ৱেদর মোনিতরিং অমসুং ফোর্কাস্তকী ইনফ্রাস্ত্রকচরনা স্পেস বেজ লোয়ননা গ্রাউন্দ-বেজ ইনফ্রাস্ত্রকচরবু ক্রিতিজেল সোলর এক্তিবিতীশিংদগী ঙাকথোকপদা অচৌবা থৌদাং অমা লৌরি। চপ মান্ননা মীওইবগী য়াইফনবা এস্তেরোইদকী শাফুশিং খঙদোকপা অমসুং ঙাকথোকপা অসিবু তঙাই ফদে। স্পেস ৱেদর সর্ভিসশিং অমসুং প্লানেতরী দিফেন্স ইনিসিএতিবকী মরমদা লৈরিবা আই.এস.৪০.এম.গী বিজন অসি এস.এস.এ.গী মরু ওইবা লমশিং ওইরি।

ইন্দিয়ন স্পেস প্রোগ্রাম হেক হৌদোকখিবদগী হৌনা স্পেস-বেজ এসেৎশিংনা কম্ম্যুনিকেসন, ৱেদর অমসুং রিসোর্স মোনিতরিং, নেবিগেসন অসিনচিংবা লমদা মরু ওইবা সর্ভিসশিং পীদুনা লৈবাক শেমগৎপদা মরু ওইবা থৌদাং লৌখি। অদুম ওইনমক, ওপরেস্নেল সেতলাইৎশিং অমসুং ওর্বিতেল দেব্রিস য়াওনা হেনগৎলক্লিবা স্পেস ওবজেক্ত পোপুলেসন অমসুং মরী লৈনবা কোলিসনগী রিস্কশিংনা আউত স্পেসকী শাফবা অমসুং সস্তেনেবক য়ুজকী অচৌবা অকিবা পীরি। মহাক্না হায়খি, পৃথিবীগী ওর্বিতশিংগী কঞ্জেসন হেনগৎহনবা অসিনা কেসলর সিন্দ্রোম হায়না খঙনবা মখা তাবা কোলিসনশিংগী সেল্ফ-সস্তেনেবল কাসকেদিং প্রোসেস অমা লাকহনবা য়াবা অচৌবা দেব্রিসকী মরক্তা থোকপা য়াবা কোলিসনশিংগী অকিবা পীরি। মসিনা স্পেস দেব্রিস পোপুলেসনগী দেন্সিতীদা চাউনা হেনগৎহন্দুনা তুংগী মীরোলশিংগীদমক আউতর স্পেস ইনএক্সেসিবল ওইহনগনি।

ওর্বিত্তা ভারতকী সেতলাইৎশিং অমসুং অতোপ্পা ইক্বিপমেন্ত ঙাকশেন্নবা ইস্রোনা আউতর স্পেসকী লোং-তর্ম সস্তেনেবিলিতীগীদমক স্পেস দেব্রিজকী গ্রোথ লাকশিন্নবা মালেমগী থাক্তা হোৎনরিবা পুম্নমক্তা শরুক য়াদুনা লাকই হায়বা অসি নীংশিংবা য়াই। মহাক্না হায়খি ‌ইস্রোনা ইন্তর এজেন্সী স্পেস দেব্রিস কোওর্দিনেসন কম্মিতি (আই.দি.এ.সি.), আই.এ.এফ স্পেস দেব্রিস ৱার্কিং গ্রুপ, আই.এ.এ. স্পেস ত্রাফিক মেনেজমেন্ত ৱার্কিং গ্রুপ, আই.এস.ও. স্পেস দেব্রিস ৱার্কিং গ্রুপ অমসুং য়ু.এন.সি.ই.পি.য়ু.ও.এস. লোং তর্ম সস্তেনেবিলিতী ৱার্কিং গ্রুপ – অসিগুম্বা মালেমগী শংস্থানশিংনা স্পেস দেব্রিস স্তদীজ অমসুং স্পেস সিচুএস্নেল এৱের্নেসতা শরুক তম্লি।

<><><><><>