ঙাক-শেল মন্ত্রীনা ঙাক-শেল মন্ত্রালয়না নই দিল্লীদা শীন-লাঙদুনা জুলাই ১১, ২০২২দা পাংথোকপা খ্বাইদগী অহানবা ওইনা পাংথোকপা ‘এ.আই. ইন দিফেন্স’ (এ.আই.দি.ই.এফ.) সিম্পোজিয়ম অমসুং এগজিবিসন্দা আর্তিফিসিএল ইন্তেল্লিজেন্স (এ.আই.)কী পোত্থোক/তেক্নোলোজী ৭৫ লোঞ্চ তৌখ্রে। ‘নীংতম্বগী অমৃত মহোৎসব’কী নুংঙাইবা ফোংদোকপগী শরুক অমা ওইনা লোঞ্চ তৌখিবা পোত্থোকশিং অসি তোঙানবা দোমেনশিংগী মনুং চনবনি। মসিগী মনুং চনবশিংদি এ.আই. প্লেতফোর্ম ওতোমেসন; ওতোনোমস/অনমেন্দ/রোবোতিক্স সীস্তেম; ব্লক চেন্দা য়ুম্ফম ওইবা ওতোমেসন; কম্মান্দ, কন্ত্রোল, কম্ম্যুনিকেসন, কম্প্যুতর অমসুং ইন্তেল্লিজেন্স, সর্ভেলিএন্স অমসুং রিকোন্নৈসেন্স; সাইবর সেক্যুরিতী; হ্যুমেন বিহেভিওরেল এনালাইসীস; ইন্তেল্লিজেন্ত মোনিতরিং সীস্তেম; লেথাল ওতোনোমস ৱেপন সীস্তেম; লোজিস্তিক্স অমসুং সপ্লাই চেন মেনেজমেন্ত, ওপরেস্নেল দেতা এনালাইতিক্স; মেন্যুফেকচরিং অমসুং মেন্তেনেন্স; সাইম্যুলেতর/তেস্ত ইক্বিপমেন্ত অমসুং নেচরেল লেংগ্বেজ প্রোসেসিং শিজিন্নবা স্পীচ/ভোইস এনালাইসীসনি।

শিজিন্নফম অনি থোক্না লৈবা অমসুং মার্কেত্তা মীয়াম্না পাম্নবগী মতিক লৈবা দি.পি.এস.য়ু.না শাবা পোত্থোকশিং, মিং ওইনা পল্লবদা, ভারত ইলেক্ত্রোনিক্স লিমিতেদনা শাবা এ.আই. ইনেবল্দ ভোইস ত্রান্সক্রিপ্সন/এনালাইসীস সোফৱেয়র; ভারত আর্থ মুভর্স লিমিতেদনা শাবা দ্রাইভর ফেতিগ মোনিতরিং সীস্তেম অমসুং গার্দেন রীচ শিপবিলদর অমসুং ইঞ্জিনিয়র্সনা শাবা এ.আই. ইনেবল্দ এভালুএসন ওফ ৱেলদিং দিফেক্ত ইন এক্স-রে ওফ নন-দিস্ত্রক্তিব তেস্তিংবু থৌরম অসিদা স্ক্রীন তৌখি। পোত্থোকশিং অসিনা দিফেন্স পি.এস.য়ু.শিংগী কারবারগী অনৌবা খুদোংচাবা কয়া হাংদোক্কনি হায়বগী থম্নরি।

ঙাক-শেল মন্ত্রীনা পোত্থোক ৭৫ অসিগী অকুপ্পা মরোল য়াওবা ফিজিকেল অমসুং ই-বুক ভর্জনসু ফোঙখি অমসুং মসিদা সর্ভিসেস, দি.আর.দি.ও., দি.পি.এস.য়ু., আইদেক্স স্তার্ত-অপ অমসুং প্রাইভেত ইন্দস্ত্রীশিংনা এ.আই.গী মতাংদা মমাংগী চহি ৪দা হোৎনখিবগী ৱাফম কয়াসু পাউদম্লি। হোৎনজমনশিংবু থাগৎলদুনা, শ্রী রাজনাথ সিংহনা এ.আই. অসিদি মীওইবা খুন্নাইগী চাউখৎ-থৌরাংগী মাইকৈদা থাংজিনবা অওনবা পুরক্কদবা খোঙথাংনি অমসুং য়ুনিভর্স অসিদা মীওই জাতীনা খ্বাইদগী ইভোল্ভ ওইবা জীবনি হায়বগী খুদমসু মসিনা ওইরি হায়খি। মীওইবগী ৱাখলনা লৌশিং শেম্বতা নত্তনা লৌশিং পুথোকপা ঙম্বা ইন্তেল্লিজেন্সসু পুথোক্লিবা অসিদা অঙকপা ফোংদোকখি।

এ.আই.না দিফেন্স, হকশেল অমসুং হিদাক লাংথক, লৌউ-শিংউ, লল্লোন-ইতিক অমসুং ত্রান্সপোর্ত য়াওনা সেক্তর খুদিংগী মনুং য়ৌশিল্লে হায়না ফোংদোকখি। সেক্তর অসিদা অফবা মখলগী অহোংবা পুরক্নবগীদমক্তা মীওইবগী ৱাখল খনবগী মতিক্কা এ.আই.গী মপাঙ্গলগা পুনবগী থৌওংবু হেন্না খুমাং চাউশিলহন্নবা দিফেন্স স্তেকহোলদর খুদিংগী মফমদা হায়খ্রে। “লান কয়াদা মীওইবনা হকথেংননা শরুক য়ারিবা মতমসিদা এ.আই. এপ্লিকেসনগী মতেংদগী অনৌবা ওতোনোমস খুৎলায়/পথাপ কয়া পুথোক্লে। মীওইবা য়াওদনা মখোয়না য়েক্নবগী মফমদা লান্দাবা ঙম্লে। এ.আই.না চলায়বা মিলিতরীগী খুৎলায় কয়ানা চাউরবা দেতা কয়া নীংথিনা প্রোসেস তৌবা ঙম্লে। মসিনা লান্মীশিংগী ত্রেনিংদা য়াম্না কান্নবা মতেং পাংলি। লাক্কদৌরিবা মতমশিংদা, ওগমেন্তেদ অমসুং ভর্চুএল রিএলিতীসু য়াম্না কান্নবা মওংদা শিজিন্নরক্লগনি”, হায়না মহাক্না হায়খি।

এম.ও.দি., আর্ম্দ ফোর্স, দি.আর.দি.ও., দি.পি.এস.য়ু. অমসুং ইন্দস্ত্রীশিংনা ইন্নোভেতিব ওইবা অমসুং লমদমসিদা শাজবা এ.আই.গী সোল্যুসন কয়া দিফেন্সকীদমক্তা পীনবা কন্না হোৎনবা অমসুং তুংগী মতমগী তেক্নোলোজী শেমগৎলিবা অসিগীদমক্তা ঙাক-শেল মন্ত্রীনা থাগৎপা ফোংদোকখি। এ.আই.না চলায়বা অমসুং লমজিংবা এপ্লিকেসন কয়া পুথোক্তুনা খুন্নাইগী য়াইফনবা অমসুং নেস্নেল সেক্যুরিতী লৈহনবা অমসুং ভারতপু ‘এ.আই.গী গ্লোবেল হব’ অমা ওইহনবগী প্রধান মন্ত্রীগী মঙলানবু মহাক্না মীয়ামদা অমুক্কা হন্না তমখি। ভারতনা এ.আই.গী লমদা মকোক থোংবা লৈবাকশিংগী মনুংদা অথুবা মতমদা চল্লগনি হায়বগী থাজবা থম্মি হায়না মহাক্না ফোংদোকখি।

তুংগী মতমগী লাল্লোংদা এ.আই.না য়াগদবা মরু ওইবা থৌদাং কয়া কুপ্না খঙলবা তুংদা ৱেপন/সীস্তেম কয়া শেমগৎলি হায়না শ্রী রাজনাথ সিংহনা হায়খি। “ঐখোয়না এ.আই. এপ্লিকেসনবু রিমোত পাইলোত, অনমেন্দ এরিএল ভেহিকলনচিংবদা হাপ্পা হৌরে। ঐখোয়না ওতোনোমস ৱেপন সীস্তেম শেমগৎপা ঙম্নবগীদমক্তা মাইকৈ অসিদা মখা তানা চঙশিনবগী তঙাই ফদবা লোইরি। তেক্নোলোজীগী ইচেলদা ঐখোয়না মনিংদা লৈহৌদনবা অমসুং ঐখোয়গী সর্ভিসেস কয়াদা তেক্নোলোজীগী খ্বাইদগী হেনবা খুদোংচাবা লৌবা ঙম্নবগীদমক্তা দিফেন্স সেক্তরদা এ.আই. অমসুং বিগ দেতা মতম চানা শিজিন্নবা হৌবসি হৌজিক্কী মতমগী খ্বাইদগী তঙাই ফদবা থৌওং ওইরে”, হায়না মহাক্না মখা তাখি।

সর্ভিসেসতা এ.আই. এপ্লিকেসন শিজিন্নববু হেন্না য়াঙনা খুমাং চাউশিলহন্নবগীদমক্তা ইন্দস্ত্রীশিংগা লোয়ননা তোঙান-তোঙানবা এম.ও.য়ু. কয়াগী খুৎয়েক পীনখ্রে হায়না ঙাক-শেল মন্ত্রীনা হায়খি। ইন্নোভেসন ফোর দিফেন্স এক্সেলেন্স (আইদেক্স) খোঙথাংগী মখাদা এ.আই.গা মরী লৈনবা চেলেঞ্জ কয়া পীখ্রে। চেলেঞ্জশিং অসিদি তোঙানবা দোমেনগী মখাদা লৈবনি অমসুং মসিগী মনুং চনবশিংদি রেদিও ফ্রিক্বেন্সী স্পেক্ত্রম মেনেজমেন্ত, অন্দর্ৱাতর দোমেন এৱিয়র্নেস, সেতিলাইত ইমেজ এনালাইসীস অমসুং ফ্রেন্দ ওর ফো আইদেন্তিফিকেসন সীস্তেম্নি। মহাক্না ইন্দস্ত্রী অমসুং স্তার্ত-অপশিংনা অনৌবা হীরম কয়া ক্ষ্ণগদোক্নবা অমসুং এ.আই. তেক্নোলোজীগী লমদা মপুং ফানা মরোমদোম লেপচবা ঙম্নবগীদমক্তা সরকারগা খুৎশম্ননা চৎনবা হায়খ্রে।

“রসিয়া অসি তেক্নোলোজীদা য়াম্না চাউখৎপা লৈবাক্নি অমসুং মখোয়না সাইন্স অমসুং তেক্নোলোজীগী লমদা লেপ্তনা চাউখৎপা পুরক্লি। রসিয়াগী রাস্ত্রপতি, ভ্লাদিমির পুতিন্না এ.আই.গী মতাংদা অসুম্না হায়খি, “স্ফিয়র অসিদা মকোক থোংবা ঙম্বদুনা মালেমগী মপু ওইগনি”। ভারতনা ‘ভাসুদৈবা কুতুম্বাকম’ (মালেম অসি ইমুং অমনি)গী ৱাখল্লোন্দা থাজবা থম্লবসু মালেমগী মপু ওইবগী ৱাখলদি লৈতে, অতোপ্পা লৈবাক অমত্তনা ঐখোয়গী মপু ওইবা ঙমহন্দনবা ঐখোয়না ইশাগী এ.আই. তেক্নোলোজীগী মতিক হেনগৎহনবা তাবনি”, হায়না শ্রী রাজনাথ সিংহনা হায়খি।

দিফেন্স সেক্তরবু মপাঙ্গল হেন্না লৈহনবদা একাদমিয়ানা লৌবা ঙম্বা মরু ওইবা থৌদাংগী মতানফদা পল্লদুনা, ঙাক-শেল মন্ত্রীনা এম.ও.দি. রিসর্চ প্লেতফোর্ম, দি.আর.দি.ও. অমসুং দি.পি.এস.য়ু.না এ.আই.গী রিসর্চকী লমদা থাক ৱাংবা থবক তৌরিবা ইন্সতিত্যুতশিংদা পাংবা য়াবা মতেং পুম্নমক পাংলি হায়খি। তেক্নোলোজিকেল দিভেলপমেন্ত ফন্দ প্রোজেক্ত অমসুং ‘দেয়র তু দ্রীম কন্তেস্ত’কী খুত্থাংদা দি.আর.দি.ও.না এ.আই.গী লমদা খোঙজেল য়াঙনা মায় পাকপা কয়া পুরক্নবা কন্না হোৎনরি হায়না মহাক্না হায়খি। দিফেন্স-ইন্দস্ত্রী-একাদমিয়া সেন্তর ওফ এক্সেলেন্স কয়া অমা লৈবাক শিনবা থুংবদা লিংখৎখ্রে অমসুং মখোয়গী কয়াগী মরক্তা এ.আই.না মরু ওইবা ফমসু কল্লি হায়না মহাক্না হায়খি।

 “ঐখোয়গী লৈবাক অসি অনৌবা ৱাখল্লোন চেনবা অমসুং লৈবাক শেম্বদা মশাগী থৌদাং য়াজনীংবা সাইন্স অমসুং তেক্নোলোজীগী মতাংদা ত্রেনিং ফংলবা নহা কয়া অমা লৈ। অসিগুম্বা তাঞ্জা অসিদা, ঐখোয়না মতমগী মতুং ইন্না লৈরক্কদৌরিবা লৈবাক অমসুং মালেমগী তেক্নোলোজীগী তঙাই ফদবশিং পীবা ঙম্বগী মাইকৈদা খোঙদাগদবনি। এম.ও.দি.গী কাঙলোনগী মখা পোনবা থৌওংনা আর্ম্দ ফোর্সকীদমক্তা তুংগী মতমগী তেক্নোলোজী পুথোকপা ওইরবসু, মসিগী কান্নবা কয়া অমা মীচম মীয়াম্নসু ফংগনি”, হায়না শ্রী রাজনাথ সিংহনা হায়খি।

ইশাগী দিফেন্স অমসুং সেক্যুরিতীগা লোয়ননা মীওইবা খুন্নাই অমসুং মালেমগী শান্তিগীদমক্তা খনবগী মথৌসু তাই হায়না ঙাক-শেল মন্ত্রীনা হায়খি। “এ.আই.গী ইথিক্স অমসুং মসিনা ওইহল্লকপা য়াবা খুদোংথীবা কয়াগী মতাংদা অঙনবা মতমদগী খনবগী তঙাই ফদবা লৈ। অনৌবা তেক্নোলোজী অমা শক্তাকপা খুদিংদা খুন্নাইনা মদুবু য়াবদা মতম অদুমক চঙবনি। অসিগুম্বা ত্রাঞ্জিসনগী মতমসিদা, শিংনবা লৈবা মতম লাক্তবা নত্তে। এ.আই. হায়বা তেক্নোলোজী অসিনা অচৌবা অহোংবা পুরকপা মতৌ অমা ওইবনা, ঐখোয়না লিগেল, পোলিতিকেল অমসুং ইকোনোমিক চেলেঞ্জ কয়াগীদমক্তা মাংজৌননা শেম শাবা তাবনি। ঐখোয়না এ.আই.গী তুংদা ওইরক্কদবা মতমশিংদা পোজিতিব ওইবা এতিচুদ লৈরবসু, মসিগীদ্মক্তা শেম-শাদুনা লৈবগী মথৌসু তাই। ঐখোয়না তেক্নোলোজী অসিবু মীওইবা খুন্নাইবু চাউখৎহনবা অমসুং শান্তি লৈহন্নবগীদমক্তা শিজিন্নগদবনি। মসিগী দিমোক্রেতিক ওইবা মথৌ শোইদনা পাংথোকহন্নবা ঐখোয়না হোৎনবা তাবনি”, হায়না মহাক্না হায়খি।

দিফেন্স সেক্রেতরী, দাঃ অজয় কুমারনা তরাম্না ওকপগী ৱা ঙাঙবদা আর্ম্দ ফোর্সশিংদা স্তেত-ওফ-দি-আর্ত তেক্নোলোজী লৈহন্নবগীদমক্তা মাইকৈ অসিদা হোৎনগনি হায়না এম.ও.দি.না খোঙফম চেৎলিবা অসিবু মহাক্না নৌহৌননা নীংশিংহনখি। দিফেন্সতা এ.আই.বু স্ত্রেতজিক ওইনা মনুং চলহন্নবগীদমক্তা তাস্ক ফোর্স অমা ইং ২০১৮দা শেমখ্রবনি অমসুং মখোয়না থা অহুমগী মনুংদা মখকোয়গী রিকম্মেন্দেসনসু পীখ্রবনি হায়না মহাক্না ফোংদোকখি। রিকম্মেন্দেসনশিং অসি দিফেন্স এ.আই. ক্সুনিলগী খুত্থাংদা থবক পায়খৎখি, মসিবু ঙাক-শেল মন্ত্রীনা লুচিংখিবনি। দাঃ অজয় কুমারনা সর্ভিস অহুম, দি.আর.দি.ও., দি.পি.এস.য়ু. অমসুং ইন্দস্ত্রীনা পোত্থোক ৭৫ অসিবু পুথোকপদা থৱাই য়াওনা হোৎনখিবা অমসুং নেস্নেল সেক্যুরিতী মপাঙ্গল হেন্না লৈহনবদা শরুক তম্বগীদমক্তা থাগৎপা ফোংদোকখি। মসি নত্তবা অতোপ্পা প্রোজেক্ত ১০০সু হৌজিক শেম-শাবগী থাক্তা লৈরি হায়না মহাক্না মখা তাখি।

ঙাক-শেলগী রাজ্য মন্ত্রী, শ্রী অজয় ভত, নেভেল স্তাফকী চীফ এদমিরেল আর. হরি কুমার, আর্মী স্তাফ জেনেরেলগী চীফ জেনেরেল মনোজ পান্দে, দিফেন্স আর. অমসুং দি. বিভাগকী সেক্রেতরী, দি.আর.দি.ও.গী চেয়রমেন দাঃ জি. স্তিশ রেদ্দী, এয়র স্তাফকী ভাইস চীফ এয়র মার্শেল সন্দীপ সিংহ, এম.ও.দি.গী অতোপ্পা সেনিয়র সিভিল অমসুং মিলিতরী ওফিসিএল, মীরম লৈবাক্কী ইনভোই, রিসর্চ ইন্সতিত্যুত, একাদমিয়া অমসুং ইন্দস্ত্রীশিংগী মীহুত, মহৈরোইশিংনা থৌরমসিদা শরুক য়াখি।

ইং ২০২৫ ফাওবদা লুপা করোর ৩৫০০০গী দিফেন্স এক্সপোর্তকী পান্দম ফংবা হায়বা এম.ও.দি. ৱারেপকা লোয়ননা দোমেস্তিক ইন্দস্ত্রীদা শাফু পীবগী ৱারেপকা মরী লৈননা, হন্দক্কী চহি খরসিদা দিফেন্স এক্সপোর্ত য়াম্না ৱাংখিবগীদমক্তা পব্লিক সেক্তরগী ভারত ইলেক্ত্রোনিক্স লিমিতেদ অমসুং প্রাইভেত সেক্তরগী ইন্দো-এম.আই.এম.দা ‘রক্ষা নির্য়াত য়াত্রা’ মনা খুৎশিন্নখি।

ফ্যুচরিস্তিক এ.আই. সোল্যুসনগী মতাংদা খ্বাইদগী অনৌবা ৱাখল্লোন পুথোক্নবগীদমক্তা শীন-লাঙখিবা ‘জেন-নেক্স এ.আই.’ সোল্যুসন কম্পিতিসনগী মকোক থোংবা মহৈরোই অহুমসু ঙাক-শেল মন্ত্রীনা ইকায় খুম্নখি। দিফেন্সকী লমদা এ.আই. শিজিন্নবগী অনৌবা ৱাখল্লোন পুথোকপগীদমক্তা সর্ভিসেস, একাদমিয়া, মহৈরোই, রিসর্চ ওর্গনাইজেসন অমসুং ইন্দস্ত্রীনা শরুক য়াবা পেনেল দিস্কসন অহুমসু পাংথোকখি। ইন্নোভেতরশিংনা মখোয়গী তৌবা ঙম্বগী মতিক, পোত্থোক অমসুং মতমগা চুনবা তেক্নোলোজী কয়া উৎপগী খুদোংচাবা পীবা তোপ-তোপ্পা মখলগী একজিবিসন অমসু শীন-লাঙখি।

*****