سڑک نقل و حمل اور شاہراہوں کے مرکز ی وزیر جناب نتن گڈ کری نے سلسلے وار ٹوئیٹس میں کہا کہ ایک اور عالمی ریکارڈ کی حصولیابی   ! ناگپور میں طویل ترین دو منزلہ وایا ڈکٹ  (3.14 کلو میٹر) کے ساتھ ساتھ سنگل کالم ستونوں کی مدد سے ہائی وے فلائی اوور اور میٹرو ریل کی تعمیر کرکے عالمی ریکارڈ کی حصولیابی پر ٹیم مہاراشٹر میٹرو اور ٹیم این ایچ آئی اے کو انتہائی دلی مبارکباد ۔

وزیر موصوف نے کہا کہ  ناگپور میں دو منزلہ وایا ڈکٹ پر  زیادہ سے زیادہ تعداد میں  میٹرو اسٹیشنز (3 میٹرو اسٹیشن) کی تعمیر کا ایشیا بک آف ریکارڈس اور انڈیا بک آف ریکارڈس کے ذریعہ اعتراف کیا گیا ہے ۔یہ پورے ملک کے لئے اعزاز و افتخار کا موقع ہے ۔

جناب گڈ کری نے اپنے بے پناہ صلاحیت حامل انجینئروں ،افسران اور کام کرنے والوں کا شکریہ ادا کیا جنہوں نے یہ کارنامہ انجام دینے میں دن رات زبردست محنت کی۔انہوں نے کہا کہ اس طرح وزیر اعظم جناب نریندر مودی کے اس عہد کو پورا کیا گیا ہے جو انہوں نے نئے ہندوستان میں عالمی معیار کا بنیادی ڈھانچہ تعمیر کرنے کے لئے کیا تھا۔

***********

ش ح ۔ س ب ۔ م ش

U. No.7439