দা. মনসুখ মন্দাবিয়ানা রাজ্যশিংদা মখোয়গী য়ুমশিং, অকোইবা অমসুং লৈবাকশিংদা কাং লৈহনদনবা প্রজাশিং অমসুং কম্ম্যুনিতীশিংনা থৌদাং লৌনবা অমসুং থবক পাইখৎনবা লোগ ভাগীদারীগা লোয়ননা জন অভিয়ান হৌদোক্নবা অকনবা ৱাফম থমখ্রে। ভেক্তর লাকশিন্নবা অমসুং মুত্থৎনবগীদমক জন অভিয়ান হৌদোকপদা “লোগ ভাগীদারী” মরু ওই। ঐখোয় পুম্নমক্না ঐখোয়গী য়ুমলোন্নরিবশিংদা ভেক্তর মচা পোক্তনবা ঐখোয়গী য়ুমশিং অমসুং কম্ম্যুনিতীশিংদগী হৌরসি। কেন্দ্রগী হকশেল মন্ত্রীনা ঙসি ভিদিও কনফরেন্সকী খুত্থাংদা নোংজু থাগী মাংওইননা বর্দন ওইবা রাজ্য ১৩গা (উত্তর প্রদেশ, বিহার, ৱেস্ত বেঙ্গল, ঝার্খন্দ, মহারাস্ত্র, পঞ্জাব, রাজস্থান, ত্রিপুরা, দিল্লী, গুজরাত, মধ্য প্রদেশ, ওরিশা অমসুং তামিল নাদু) লোয়ননা ভেক্তর বোর্ন দিজিজ ঙাকথোক্নবা অমসুং লাকশিন্নবা শেম-শারিবা অদু য়েংশিনখি। ভর্চুএল ওইনা পাঙথোকখিবা য়েংশিন মীফম অদুদা দিল্লীগী উপ মুখ্য মন্ত্রী, শ্রী মনিশ সিসোদিয়া, বিহারগী হকশেল মন্ত্রী, শ্রী মঙ্গল পান্দে, তামিল নাদুগী হকশেল মন্ত্রী, তিরু মা সুব্রহ্মনিয়ন অমসুং ঝার্খন্দগী হকশেল মন্ত্রী শ্রী বাননা গুপ্তানা শরুক য়াখি।

ভেক্তর লাকশিনবা অমসুং মুত্থৎনবা সমস্যা অসি ক্রোস-কত্তিংনি অমসুং মসিদা অতোপ্পা বিভাগ কয়ামুরমগা লোয়ননা চুংশিন্নবা মথৌ তারি হায়না ফোঙদোক্লদুনা দা. মন্দাবিয়ানা হায়খি রাজ্যশিংনা ত্রাইবেল ৱেল্ফিয়র, অর্বান দিবেলপমেন্ত (সিভিক লোশিং এনফোর্সেমেন্ত তৌনবা), রুরেল দিবেলপমেন্ত (পি.এম.এ.ৱাই.-জি.গী মখাদা পক্কা য়ুমশিং শানবগী), ৱাতর অমসুং সেনিতেসন, এনিমেল হসবেন্দরী অসিগুম্বা অতোপ্পা মরী লৈনবা বিভাগশিংগা লোয়ননা ইন্তর-সেক্তোরেল কোওর্দিনেসন অমসুং পুন্না থবক তৌনবা হায়খি। রাজ্যশিংনা দ্রাই দে, পর্সনেল প্রোতেক্তিবকী খোঙথাং অসিনচিংবা পালন তৌনবা কেসশিংগী নোতিফিকেসন, কেস মেনেজমেন্তগীদমক অমসুং আই.ই.সি./সোসিএল মোবিলাইজেসন কেম্পেনগী খুত্থাংদা কম্ম্যুনিতী এঙ্গজেসমেন্তগীদমক আয়ুশ্মান ভারত – হেল্থ এন্দ ৱেলনেস সেন্তরশিংদা শরুক য়ানবা পাউতাক পীখি। তিল হীদাকশিং, ফোগ্গিং মেছিনশিং অসিনচিংবা মতম চানা ফংহন্নবা অমসুং দ্রগ/দাইগনোস্তিক্স নীংথিনা য়েন্থোক্নবা মখোয়দা খঙহনখি। রাজ্যশিংনা লাইনা শন্দোকপা কোকহন্নবা রেপিদ রেস্পোন্স তীমশিং (আর.আর.তি.শিং) শেম্নবা মখোয়না মীৎয়েং চংবা মথৌ তাই।

কেন্দ্রগী হকশেল মন্ত্রীনা তাইম-বাউন্দ আউতকমশিংগা লোয়ননা মাইক্রো-প্লানশিংগী কুত্থাংদা এন.জি.ও.শিং. সি.এস.ও., সপ্পোর্ত এজেন্সীশিংগা লোয়ননা চুংশিন্নদুনা থবক তৌনবা হায়খি। “ঐখোয়না এৱের্নেস হেনগৎহন্নবা, কম্ম্যুনিতী মোবিলাইজেসন তৌনবা অমসুং কিতশিং, হীদাক-লাংথকশিং য়েন্থোক্নবা অমসুং অতোপ্পা সর্ভিসশিং ফংহন্নবা দোর-তু-দোর কেম্পেনশিংগীদমক আশাশিং অমসুং অঙ্গনৱাদী ৱার্করশিংগা ঐখোয়না থবক তৌমিন্নরসি”, হায়না মহাক্না ফোঙদোকখি। মহাক্না হায়খি রাজ্য অমসুং কেন্দ্র সরকারগী অপুনবা খোঙথাংশিংনা লৈবাক শিনবা থুংবদা ভেক্তর বোর্ন দিজিজ (ভি.বি.দি.শিং)গী পোৎলুম হন্থহনবা অমসুং মুত্থৎনবা মাইকৈদা মরু ওইবা থৌদাং লৈ। “নীংথিনা য়েংশিন্দুনা খুঙ্গং, ব্লোক, জিলা, রাজ্য অমসুং জাতিগী থাকশিংদা মাইক্রো-লেবেল প্লানশিং নীংথিনা শেম্বা অসিনা তার্গেৎশিং ফংহনবা হোৎনবদা চাউনা কান্নরগনি” হায়না মহাক্না ফোঙদোকখি।

তোঙান-তোঙানবা রাজ্যশিংনা জিলা কয়াদা মসিগী পোৎলুম হন্থহনবা অমসুং মুত্থৎনবা লৌখৎখিবা শীংথানীংঙাই ওইবা খোঙথাংশিং অসিবু হকশেল মন্ত্রীনা থাগৎখি। মখা তারদুনা মহাক্না রাজ্যশিংদা অতোপ্পশিংনা মখোয়গী খ্বাইদগী ফবা প্রেক্তিসশিং অমসুং অখন্নবা কেম্পেনশিং অসি মথৌ তমনবা শিয়র তৌনবা হায়খি। রাজ্যশিংনা কম্ম্যুনিতী মোবিলাইজেসন অমসুং পার্তিসিপেসন, মাস এৱের্নেস, মতম চানা সর্ভিলিয়েন্স অমসুং লায়েংবগী অখন্নবা কেম্পেনশিং অমসুং থৌশিলশিংগী খুদমশিং শিয়র তৌখি।

রাজ্যশিংদা মলেরিয়া, দেঙ্গী, চিকনগুনিয়া, জে.ই. লিম্ফেতিক ফিলারিয়সিস অমসুং কালা-আজর অসিগুম্বা তোঙান-তোঙানবা ভেক্তর বোর্ন দিজিজশিং অসিগী পোৎলুম পুরিবা অসিগী মতাংদা রাজ্য-রাজ্যগী ওইনা খঙহনখি। রাজ্য কয়াদা থা-থাগী সিজনেলিতীগা লোয়ননা প্রিভলেন্সকী লেবেল ৱাংবা অদু প্রজেন্ত তৌখি। ভারত সরকারনা ২০৩০ ফাওবদা মলেরিয়া, ২০৩০ ফাওবদা লিম্ফেতিক ফিলারিয়সিস অমসুং ২০২৩ ফাওবদা কালা-আজার লায়নাশিং অসি লাকশিন্নবা অমসুং মুত্থৎনবা পান্দম থুংহন্নবা হোৎনরি। সরকারনা রাজ্য ১০দা গাইদলাইনশিং, এদভাইজরিশিং, লাইচৎ লাকশিনবগী ইপিদেমিওলোজিকেল রিপোর্তশিংগী গী খুত্থাংদা তেক্নিকেল সপ্পোর্ত পীরি, এন.ঐচ.এম.গী মখাদা বজেৎকী খুত্থাংদা শেলগী তেংবাং পীরি, মোনিতরিং অমসুং সুপরবিজন, আই.ই.সি. কেম্পেনশিংগী খুত্থাংদা এৱের্নেস পীরি, গ্লোবেল ফন্দ তু ফাইৎ এদস, ত্যুবরক্যুলোসিস এন্দ মলেরিয়া (জি.এফ.তি.এ.এম.)গী খুত্থাংদা অহেনবা মতেং পীরি।

মহৌশানা নোংজু অমসুং নোংজু মতুংদা লাইচৎ শন্দোকপা অসি লিম্ফেতিক ফিলারিয়াসিস নত্তনা ভি.বি.দি.শিং অসি পন্থা নাই অমসুং আউতব্রেক প্রোন ওই। নেস্নেল সেন্তর ফোর ভেক্তর বোর্ন দিজিজ কন্ত্রোল (এন.সি.ভি.বি.দি.সি.)না  ভি.বি.সি. তরুক ( মলেরিয়া, দেঙ্গী, চিকনগুনিয়া, জে.ই. লিম্ফেতিক ফিলারিয়সিস অমসুং কালা-আজর ) ঙাকথোক্নবা অমসুং লাকশিন্নবগীদমক পোলিসীশিং/গাইদলাইনশিং শেম্মি অমসুং রাজ্যশিং/য়ু.তি.শিংদা তেক্নিকেল, ফাইনান্সিএল এসিস্তেন্স (নেস্নেল হেল্থ মিসনগী কাংলোনশিংগী মতুং ইন্না) পীরি।

রাজ্যশিং/য়ু.তি.শিংগী মিসন দিরেক্তরশিং অমসুং অতোপ্পা মকোক থোংবা ওফিসিএলশিংগা লোয়ননা ভর্চুএল ওইনা য়েংশিন মীফম অসিদা এ.এস. অমসুং এম,দি. কুমারি রোলি সিংহ, জে.এস. (এম.ও.ঐচ.এফ.দবল্যু.) দা. হর্মীৎ সিংহ, দিরেক্তর জেনরেল হেল্থ সর্ভিসেস (দি.জি.ঐচ.এস.) দা. অতুল গোএল অমসুং কেন্দ্রগী হকশেল  মন্ত্রালয়গী অতোপ্পা মকোক থোংবা ওফিসিএলশিংনা শরুক য়াখি।

*****