হৌজিক চত্থরিবা দিজিতেল ইন্দিয়া ৱীক ২০২২গী শরুক অমা ওইনা ইন্দিয়া স্তেক নোলেজ এক্সচেঞ্জকী নুমিৎ হুম্নি চত্থগদবা ভর্চুএলগী থৌরমসু জুলাই ৭, ২০২২দগী হৌখ্রে। থৌরম অসিদি  ইন্দিয়া স্তেক - দিজিতেল মালেমদা ভারতকী খ্বাইদগী মশক থোকপা তেংবাং উৎপগী খুদোংচাবা অমনি অমসুং ইন্দিয়া স্তেক হায়বসি ভারতকী অপুনবা মীওই বিলিয়ন ১.৪বু দিজিতেলগী য়ুগতা পুরক্নবা অমত্তা ঙাইরবা সোফৱেয়র প্লেতফোর্ম অমনি। থৌরম অসিদা মালেম পুম্বগী পার্তিসিপেন্তশিংনা শরুক য়ারি। থৌরম অসিগী পান্দমদি ভারতকী দিজিতেল ত্রান্সফোর্মেসনবু শাফু পীরিবা ইন্দিয়া স্তেক্কী তঙাই ফদবা বিলদিং ব্লোকশিংগী মতাংদা নীংথিনা খঙহনবনি। ইকায় খুম্ননীংঙাই ওইরবা প্রধান মন্ত্রীনা জুলাই ৪, ২০২২দা হৌদোকখিবা ইন্দিয়াস্তেক.গ্লোবেল অসি ইন্দিয়া স্তেক্কা মরী লৈনবা মরু ওইবা প্রোজেক্তশিংগী রিপোজিতরীনি।

ভারত সরকারগী এম.ই.আই.তি.ৱাই.গী সেক্রেতরী, শ্রী অলকেশ কুমার শর্মনা থৌরম হৌদোকপগী সেসন্দা নুমিৎ হুম্নিগী থৌরম অসিগী অপুনবা ৱাখল্লোন ফোংদোক্লদুনা মমাংগী চহি ৮দা লৈবাক্কী দিজিতেল ত্রান্সফোর্মেসন্না শিংনবা কয়া থেংনখিবা অদুবু অপাম্বা মহৈ ফংখিবা খোঙচৎকী মতাংদা পাউদমখি। খোঙচৎ অসিনা দিজিতেল তেক্নোলোজীদা ভারতপু মকোক থোংবা ঙমহনখিবগা লোয়ননা দিজিতেল ত্রান্সফোর্মেসনবু য়াম্লবা মীয়ামদা চৎনহন্নবা হোৎনখিবদা এক্সপেরিএন্স কয়াসু থেংনহনখি। নেস্নেল ইনফোর্মেতিক্স সেন্তরগী দাইরেক্তর জেনেরেল, শ্রী রাজেশ গেরানা আধার অমসুং মোবাইলনা পুন্সি মহিং হিংবদা লাইথোকহন্নবা খুঙ্গং অসুং অর্বান মফমশিংদা অফবা লৈঙাক্কী থৌওংবু হেন্না ফগৎহন্দুনা পান্দম থম্লিবা এন্দ-য়ুজরদা য়ৌহনবদা তেংবাংখিবা সর্ভিস ওইনা মতৌ করম্না থবক পাংথোকখি হায়না শন্দোক্না পাউদমখি। নেস্নেল ই-গবর্নেন্স দিবিজনগী প্রসিদেন্ত অমসুং সি.ই.ও., শ্রী অভিসেক শিংহনা শক্নাইরবা ৱাঙাংলোইশিংবু তরাম্না ওকখি অমসুং ৱাঙাংলোই খুদিংমক অসি লৈবাক্কী য়াম্লবা মীশিং মরক্তা দিজিতেল ত্রান্সফোর্মেসন প্রোজেক্তপু চৎনহনখিবা লমজিংবা মীওই অমসুং তসেংবা থবক পাংথোকপা মীওইশিংনি হায়না মীয়ামদা নৌহৌননা নীংশিংহনখি।

অহানবা সেসন্না ইন্দিয়া স্তেক্কী খ্বাইদগী মরু ওইবা পোত্থোক, আধারগী মতাংদা পাংথোকখি। ‘বিলদিং আধার’ হায়না চুননা মিংথোনবা সেসন্দা য়ু.আই.দি.এ.আই.গী ফাউন্দিং সি.ই.ও., দাঃ আর.এস. শর্মা; য়ু.আই.দি.এ.আই.গী সি.ই.ও., দাঃ সৌরব গার্গ; য়ু.আই.দি.এ.আই.গী এক্স-চীফ আর্কিতেক্ত অমসুং এদভাইজর, দাঃ প্রমোদ ভর্মা; অমসুং প্রোতিএন ই.গোব তেক্নোলোজী লিমিতেদকী এম.দি. অমসুং সি.ই.ও., শ্রী সুরেশ সেথীগুম্বা শক্নাইরবা ৱাঙাংলোইনা শরুক য়াখি। সেসন অসিবু দাঃ সৌরব গার্গনা মোদরেত তৌখি। মসিনা মখল য়াম্বা মীশিংনা মরম ওইরগা থেংনখিবা তোঙান-তোঙানবা শিংনবশিংগী মরক্তা আধারনা ইভোল্ভ তৌবগী মতাংদা ৱাফম ফোংদোকখি অমসুং শিংনবশিং অসিবু মাইয়োক্নদুনা আধারনা মীয়ামগী পুন্সি মহিং হেন্না লাইথোকহনখি, অখন্নবা ওইনা, সবসিদী, কান্নবা অমসুং তোঙান-তোঙানবা স্তেত ৱেলফিয়র স্কিমগী মখাদা লৈবা অতোপ্পা সর্ভিস কয়াবু মওং মরিল নাইনা দেলিভরী তৌবগী খুত্থাংদা খুন্নাইগী তোখায়না তারবা অমসুং শোত্থরবা মীওইশিংগী পুন্সি মহিং লাইথোকহনখি। আধারনা বিলদিং ব্লোক কয়াগী য়ুম্ফমসু ওইখি। দিজিতেল আইদেন্তিতী, পেমেন্ত, দেতা ইম্পাৱর্মেন্ত অমসুং ওপন ইকোসীস্তেমগীদমক্তা পেন-ইন্দিয়াদা ত্রাঞ্জেক্সনেল স্তেক ১৭ হেন্না হৌদোকখি।

 ‘য়ু.পি.আই.: ভারতকী মকোক থোংবা দিজিতেল পেমেন্ত ইকোসীস্তেম’গী মতাংদা পাংথোকপা অনিশুবা সেসন্দা মৈতীগী এদিস্নেল সেক্রেতরী, শ্রী অমিত অগর্ৱালসু শরুক য়াখি অমসুং সেসন অসিবুসু মহাক্না মোদরেত তৌখি। প্রাইভেসী, কঞ্জ্যুমর প্রোতেক্সন অমসুং পোতেন্সিএল রিস্ক মেনেজমেন্তকী চেকশিন্নীংঙাই ওইবা হীরম কয়াবু খঙদুনা পোপ্যুলেসন স্কেলদা ইনক্লুসিব দিমোক্রেতাইজ সোল্যুসন শোইদনা লৈহল্লিবা দিজিতেল ইন্দিয়াগী খোঙথাং কয়াবুসু মহাক্না পনখি। এন.পি.সি.আই.গী এম.দি. অমসুং সি.ই.ও., শ্রী দিলিপ অসবে অমসুং আর.বি.আই.গী জেনেরেল মেনেজর, শ্রী সুধান্সু প্রসাদসু সেসন অসিদা শরুক য়াখি। শক্নাইরবা ৱাঙাংলোইশিংনা দিজিতেল পেমেন্তকী মতাংদা য়ু.পি.আই.না খ্বাইদগী চাউনা অহোংবা পুরকপা অনৌবা থৌওং মতৌ করম্না ওইখি হায়বগী মতাংদা অমসুং লৈবাক অসিদা মীওইশিংনা শেল পীবগী থৌওংবু ৱেলেতনা মতৌ করম্না অহোংবা পুরকখি হায়বগী মতাংদসু পাউদমখি। “ভারতকী পেমেন্ত লেন্দস্কেপ্না মমাংগী দিকেদতা ভোল্যুম (সি.এ.জি.আর. ৫০%) অমসুং ভেল্যু (সি.এ.জি.আর. ৬%)গা লোয়ননা দিজিতেল পেমেন্তকী মতাংদা খ্বাইদগী এদভান্স ঐবা পথাপ অমা ওইরকখি”, হায়না মহাক্না পনখি।

সেসন অসিগী তোঙানবা নাকলদা অতোপ্পা সেসন অমসু পাংথোকখি অসুং মসিনা শরুক য়ারিবশিংদা তেক্নোলোজী স্তেক্কী খুত্থাংদা ভারতনা এজুকেসন সেক্তরদা ফংখিবা মায় পাকপশিংগী মতাংদা তাকখি। সেসন অসিদা সেন্ত্রেল ইন্সতিত্যুত ওফ এজুকেস্নেল তেক্নোলোজীগী জোইন্ত দাইরেক্তর, দাঃ অমরেন্দ্র পি. বেহরা; স্কুল এজুকেসনগী দাইরেক্তর জেনেরেল, শ্রী বিজয় কিরন; দিপার্তমেন্ত ওগ স্কুল এজুকেসন অমসুং লিতরেসীগী দাইরেক্তর (দিজিতেল এজুকেসন), শ্রী রজনিশ কুমার অমসুং এন.সি.ই.আর.তি.গী এসিস্তেন্ত প্রোফেসর, দাঃ এঞ্জেল রত্নাভাইনা শরুক য়াখি। শ্রী রজনিশ কুমারনা মোদরেত তৌবা সেসন অসিনা ইনক্লুসিবিতী, প্রাইভেসী অমসুং সেক্যুরিতী বাই দিজাইনগী মতাংদা নেস্নেল দিজিতেল এজুকেসন আর্কিতেকচর (এন.দি.ই.এ.আর.)গী কান্নবশিং তাকখি। এন.দি.ই.এ.আর. অসি স্তেকহোলদর, মসিদা প্রাইভেত, পব্লিক প্লেয়র, মহৈরোই, ওজা, মমা-মপাশিংনা লর্নিং ত্রাজেক্তরীদা থৱাই য়াওনা শরুক য়াবা য়াহন্নবগীদমক্তা ইন্তর-ওপরেবল ওই। মসিদা নত্তনা, তুংগী মতমদা লর্নিংবু শিজিন্নবা য়াহন্নবগীদমক্তা লাইফতাইম রেকোর্দ লৈনবা মসিগী ফ্রেমৱর্ক অসিবু শেম শাখি। লর্নিং জর্নীদা আঙ্গনৱারী, স্কুল, স্কিল অমসুং হাইয়র এজুকেসন মনুং চনগনি, মখোয়না অমগা অমগা চুননা থবক তৌগনি অমসুং মসিনা মহৈরোই অমবু প্রি-স্কুলগী থাক্তগী গ্রেজুএসন ফাওবগী থাক্তা মওং-মরিল নাইনা চৎহনবা ঙমহনগনি।

খ্বাইদগী অরোইবা থীমেতিক সেসন অসিনা পেপর্লেস গবর্নেন্স অমসুং দেতা ইম্পাৱর্মেন্তকী মতাংদা ওইখি। সেসন অসিবু এন.ই.জি.দি.গী প্রসিদেন্ত অমসুং সি.ই.ও., শ্রী অভিসেক সিংহনা মোদরেত তৌখি। সেসন অসিগী ৱাঙাংলোইশিংগী মরক্তা এন.ই.জি.দি.গী এদিস্নেল দাইরেক্তর, শ্রী অমিত জেন; নিতি আয়োগকী সেনিয়র এদভাইজর, কুমারী অন্না রোই; দেপা ওপন সোর্স প্রোতোকোল দেপা.গ্লোবেলগী লীদ শ্রী সিধার্থ সেত্তী  অমসুং এমাজোন ৱেব সর্ভিসকী ইন্তর্প্রাইস সোল্যুসন আরকিতেক্ত, শ্রী অমিত সাৱন্তসু য়াওখি। দেতা ইম্পাৱর্মেন্ত অমসুং প্রোতেক্সন আর্কিতেকচর (দি.ই.পি.এ.)গী মশক থোকপা মগুনবু ভারতকী মীয়ামগী শেন্মিৎলোনগী হীরমদা য়াইফবা পুরক্নবগীদমক্তা দেতা ইম্পাৱর্মেন্ত তৌবগী মতিক চাবা থৌরাংনি হায়না তাকখি; মসিনা মরম ওইরগা, প্রধান মন্ত্রী জন ধন য়োজনা (পি.এম.জে.দি.ৱাই.)গী মখাদা একাউন্তশিং ওইনলাইন ওইহনখি অমসুং ইন্তরওপরেবিলিতীনা রুপে ডেবিট কার্দ নত্ত্রগা আধার ইনবল্দ সীস্তেম (এ.ই.পি.এস.)কী খুত্থাংদা ওইহনখি। হৌজিক্তি, কে.ৱাই.সি. অমসুং ই. কে.ৱাই.সি.গী থৌওংশিং য়াম্না লাইহল্লে। দি.ই.পি.এ.না দেতা প্রোতেক্সন, শ্যারিং, কন্সেন্ত অমসুং প্রাইভেসীগী খুদোংচাবা ফংহল্লে। মীয়াম্না মখোয়গী দেতাশিংবু মওং-মরিল চুম্না অমসুং তেক্ত-কায়দনা শিজিন্নবা য়ারে অমসুং অতোপ্পা থর্দ পার্তী ইন্সতিত্যুসনশিংগসু হায়রিবা মওং অসিদা শ্যার তৌবা য়ারে। অফবা দেতা গবর্নেন্সকী পান্দম লৈবা অমসুং ই-গবর্নেন্সকী অতোপ্পা এপ্লিকেসন অমসুং সীস্তেমশিংগা নুং-পান ফাওনা সোফৱেয়র ইন্তিগ্রেসন তৌবা য়াহল্লিবা এ.পি.আই. সেতুনা পেনেল অসিনা ইন্দিয়া স্তেক্কী হাইলাইত ওইখি।

ভর্চুএল থৌরম অসিগী অহানবা নুমিৎনা মশা-মশাগী হীরমদা লমজিংবা ওইরিবা শক্নাইরবা ৱাঙাংলোই ১৯না মখোয়গী খঙজবশিংবু লৈবাক ৫৩গী রেজিস্তর তৌরবা পার্তিসিপেন্ত ৫০০০ হেনবগী মফমদা তাক্তুনা লোইশিনখি। অনিশুবা নুমিত্তা হেল্থ স্তেক, এগ্রি স্তেক অমসুং তেক্নোলোজী স্তেক ফোর স্কিলিং অমসুং দিজিতেল ইনক্লুজন – কন্নেক্তিং দি অনকন্নেক্তেদ হায়বগী মতাংদা সেসন কয়া পাংথোক্কনি। সরকার, ইন্দস্ত্রী অমসুং একাদমিয়াগী হীরমদা থবক তৌরিবা লৈবাক অমসুং মালেমগী রেজিস্তর তৌরবা পার্তিসিপেন্ত ৫৬৫৪ হেনবা লৈদুনা, থৌরম অসিনা গ্লোবেল দিজিতেল পব্লিক গুদকী রিপোজিতরীদা শরুক তম্বগী মতাংদা ৱাফম থম্বা য়াহন্দুনা ভারতকী নোলেজ এক্সচেঞ্জ প্লেতফোর্ম অমা ওইনা থৌদাং য়ারি।

********