নেসনেল করিকুলম ফ্রেমৱার্ক(এন সি এফ) অমা শেমদুনা অফবা মগুন লৈবা লাইরিক তাকপী-তম্বীবগী থবকশিং পুথোক্নবা ভারত সরকারনা ২০২০গী জুলাই ২৯দা নেসনেল ইজুকেসন পোলিসি(এন ই পি) ২০২০ লাউথোকখি। দিস্ত্রিক কন্সলতেসন কমিতিশিং, স্তেৎ ফোকস গ্রুপশিং অমসুং স্তেৎ স্তরি কমিতি, নেসনেল ফোকস গ্রুপ অমসুং নেসনেল স্তরিং কমিতি শেমদুনা নেসনেল করিকুলম ফ্রেমৱার্ক শেম্নবগী থবক পায়খৎপা হৌরকখিবনি। পাকচাউনা অমসুং চে য়াওদবা মওং অমদা থবক পাংথোক্নবা ৱেবসাইদ অমসুং মোবাইল এপ্প য়াওবা তেক প্লেতফোর্ম অমা শেমগৎলে। স্কুল ইজুকেসনগী তুংগী ফিবম, অপীকপা অঙাংশিং লাইরিক তাকপীবা অমসুং শেন্নবা, ওজাশিংগী ত্রেনিং অমসুং অহলশিং লাইরিক তম্বগী মতাংদা মখোয়গী ওইবা ৱাখল্লোনশিং ফোংদোক্নবা অমসুং লৌশিন্নবা স্তেৎ ফোকস গ্রুপশিং অমসুং স্তেৎ স্তরিং কমিতিশিংগী খুৎথাংদা রাজ্যশিং অমসুং য়ু.তিশিংনা মরী লৈনবশিং হায়বদি মমা-মপাশিং, অঙ্গনৱাদি ৱার্করশিং, ওজাশিং, ওজাশিং ত্রেনিং পীরিবা ওজাশিং অমসুং মহৈরোয়শিংদা মোবাইল এপ্পকী শীজিন্নদুনা সর্ভে পাংথোকখি। মসি জিলা অমসুং রাজ্য থাক অনিমক্তা পাংথোকখি।

এন.সি.এফ শেম্নবগীদম মরুওইবা ৱাফমশিং খোমজিন্নবা জাতিগী থাক্তা নেসনেল ফোকস গ্রুপশিং অমসুং নেসনেল স্তরিং কমিতিশিংনা তোঙান-তোঙানবা মিনিস্ত্রিশিং, ওতোনোমস বোদিশিং, এন.জি.ওশিং, কোর্পোরেতশিং, ফিলানথ্রোপিক এজেন্সিশিংগা উনখি। থৌরাং অসিদা শরুক য়ারিবা মরী লৈনবশিং লমজিংনবা এন.সি.এফ শেম্নবা দোকুমেন্ত অমা পুথোক্লে।

লৈবাক অসিগী তোঙান-তোঙানবা শক্তম অসি য়েংলগা, মরী লৈনবা খুদিংমক খুদোংচাবা অমা পীনবা, মখোয় মমা-মপা অমা নত্ত্রগা ওজা অমা নত্ত্রগা মহৈরোই অমা ওইদবা য়াই অমসুং ভারতকী লাইরিক-লাইশুগী লমদা অওনবা অমা পুরকপা পাম্বশিং শরুক য়াবা য়ানবা লাইরিক-লাইশুগা মরী লৈনবা খুদিংমক্কী ৱাখল্লোন লৌবা অসি হৌজিক তঙাইফদবনি। অসিগুম্বা তোঙান-তোঙানবা ৱাখল্লোন অসিনা এন.ই.পি ২০২০ থবক ওইনা মপুংফানা পাংথোক্নবা লম্বী অমা তাকপা ঙম্লগনি।

হিরম অসিগী মতাংদা ভারত সরকারগী ইজুকেসন মিনিস্ত্রিগী স্কুল ইজুকেসন অমসুং লিতেরেসি দিপার্তমেন্তনা ওনলাইন পব্লিক কন্সলতেসন সর্ভে অমগী খুৎথাংদা তোঙান-তোঙানবা মরী লৈনবশিংগী ৱাখল্লোন লৌনবা থৌরাং তৌরে অমসুং মসিনা এন.সি.এফ শেম্বদা য়াম্না কানগনি অমসুং মতুং তারকপা থবকশিং হায়বদি সেলবস শেম্বা অমসুং তেক্সবুকশিং পুথোকপা অমসুং অতোপ্পা মচাকশিং শেম্বদা মতেং পাংগনি।

ঐখোয়গী সংবীধানগী ৮শুবা সেদুলদা য়াওরিবা লোনশিং য়াওনা লোন ২৩দা পাংথোক্কদৌরিবা ওনলাইন সর্ভে অসিদা ওজাশিং, হেদমাস্তরশিং, প্রিন্সিপালশিং, স্কুল ওজাশিং, মমা-মপাশিং,মহৈরোয়শিং, লৈকাইগী মীওইশিং, এন.জি.ওশিং, অখঙ-অহৈশিং, মীয়ামগী মীহুৎশিং, কলাকারশিং,লৌমীশিং, খুৎহৈবশিং অমসুং লাইরিক-লাইশুদা থৱায় য়াওবা খুদিংমক শরুক য়ানবা খঙহল্লি।

শরুক য়াবীয়ু অমসুং ওনলাইন সর্ভে অসিদা য়াওবীদুনা ভারত্তা লাইরিক-লাইশু তম্বগী থবক চাউখৎনবা মতেং পাংবীয়ু। ওনলাইন সর্ভে অসিগীদমক লিঙ্ক অসিদা চংবীয়ু : http://vsms.sms.gov.in/OMZhm8YvAQE

*****