ভারতকী সমুদ্রগা মরী লৈনবা নীংথিরবা পুৱারী লৈ। সমুদ্রগা মরী লৈনবা থবক-থৌরমশিংগী মতাংদা রিগবেদদা খ্বাইদগী অহানবদা পল্লম্মি অমসুং মহাসাগর, সমুদ্র অমসুং তুরেলগী মরীগী ৱাফম কয়া অমসু ভারতকী পুরানশিংদা ফংই। ভারতকী সোসিও-স্প্রিরিচুএল ত্রেদিসন, লিতরেচর, পোইত্রী, স্কল্পচর, পেন্তিং অমসুং আর্কিওলোজীদগী ফংবা তোঙান-তোঙানবা মখল কয়াগী খুদমশিংনা ভারতকী সমুদ্রগা মরী লৈনবা নীংথিরবা চৎনবীশিংগী ৱাফম তাক্লি।

ভারতকী কিলোমীতর ৭৫০০ হেনবা সমুদ্র তোর্বানগী মফমশিংনা ঐখোয়গী মহাসাগরগী চাউরবা রিসোর্স লৈ হায়বা তাক্লি। খ্বাইদগী মরু ওইবা ৱাফম অমদি ইন্দিয়ন মহাসাগর হায়বসি লৈবাক অমগী মমিং লৌদুনা মিংথোনবা, হায়বদি, ভারত, অমখক্তা ঙায়বা মহাসাগরনি।

মীওইবা খুন্নাইনা মহাসাগর অমসুং সমুদ্রগী মহৌশাগী লন-থুমদগী লেপ্তনা কান্নবা লৌদুনা লাক্লি। অদুবু, ইকুই কুইদ্রিবা মতমশিংদা, কংফালগী থবক-থৌরম, তুরিজম অমসুং ঙা ফাবগী থৌওংশিংদগী লাকপা প্লাস্তিকশিংনা তুরেল অমদি তোঙানবা ঈশিং লম্বীগী খুত্থাংদা চেন্থরক্তুনা সমুদ্র তোর্বান অমসুং সমুদ্রদা য়ৌরক্লে অমসুং মেরিন ইকোসীস্তেমদা অচৌবা খুদোংথীবা তাহল্লে। তোঙান-তোঙানবা হীরম, শম্না হায়রবদা সমুদ্র মপানগী ঈশিং, সেদিমেন্ত, বাইওতা অমসুং সমুদ্র মপান্দা ফংলিবা অমোৎ-অকায় অমসুং সাইন্তিফিক ওইবা দেতাশিং খোমজিন্নবা আর. অমসুং দি.গী থৌওং কয়া পাংথোক্লি।

 “ইন্তর্নেস্নেল কোস্তেল ক্লীনঅপ নুমিৎ” অসি মালেমগী ওইনা চহি খুদিংগী সেপ্তেম্বরগী অহুমশুবা থাংজ নুমিত্তা পাংথোকই।

ভারত সরকারনা অতোপ্পা ভলন্তরী ওর্গনাইজেসন অমসুং লোকেল সোসাইতীগা লোয়ননা হন্দক্কী চহিগী সেপ্তেম্বর ১৭, ২০২২দা ভারতকী ‘সমুদ্র তোর্বা’ পরিং পুম্বদা অমোৎ-অকায় শেংবগী কেম্পেন, “স্বচ্ছ সাগর, সুরক্ষিৎ সাগর” পাংথোক্কনি।

কেম্পেন অসিদা আর্থ সাইন্স মন্ত্রালয় (এম.ও.ই.এস.), ইনভাইরনমেন্ত, ফোরেস্ত অমসুং ক্লাইমেত চেঞ্জ মন্ত্রালয় (এম.ও.ই.এফ.সি.সি.), ইন্দিয়ন কোস্ত গার্দ, নেস্নেল দিজাজতর মেনেজমেন্ত ওথোরিতী (এন.দি.এম.এ.) অমসুং অতোপ্পা সোসিএল ওর্গনাইজেসন অমসুং এজুকেস্নেল ইন্সতিত্যুসনশিংনা শরুক য়াগনি।

কেম্পেন অসিদা মশিং য়াম্লবা মীয়াম্না মশমক য়াওদুনা অমসুং ভর্চুএলগী খুত্থাংদা য়াওদুনা শরুক য়াবগী মতৌ উবা ফংগনি, অমসুং থৌওং অসিগী মপুং ওইবা পান্দমদি সমুদ্রগা মরী লৈননা অমোৎ অকায় থোকহনবা হন্থহহনবা, প্লাস্তিক শিজিন্নবগী চাং য়াম্না হন্থহহনবা অমসুং ফত্ত-হৌদীগী হৌরকফমদা খাইদোকপা অমসুং শেন্নবগী এৱিয়র্নেস শন্দোকপনি।

মসিনা মীওই মশিং য়াম্বনা শরুক য়াদুনা শাংলবা সমুদ্র তোর্বান শেংদোকপগী মালেমগী ওইবা অমত্তা ঙাইবা থৌওং ওইগনি। মীচম মীয়াম্না শরুক য়াবনা সমুদ্র তোর্বানগী মফমশিং খক্তা নত্তনা লৈবাক্কী অতোপ্পা লমদমশিংগী নুংঙাই য়াইফবগীদমক্তা ‘স্বচ্ছ সাগর, সুরক্ষিৎ সাগর’গী ৱারোল শন্দোক্কনি।

হন্দক্কী চহিগী থৌরম অসিগা লৈবাক্কী নীংতম্বগী চহি ৭৫ মপুং ফাবগী নীংতম্বগী অমৃত মহোৎসবকা নুংঙাইবা ফোংদোক্লিবা অসিগা পুন্না তামিন্নগনি। সমুদ্র তোর্বান শেংবগী থৌওং অসি লৈবাক্কী সমুদ্র তোর্বান ৭৫দা পাংথোক্কনি। নুমিৎ ৭৫নি শাংবা কেম্পেন অমা “স্বচ্ছ সাগর, সুরক্ষিৎ সাগর’গী মতাংদা এৱিয়র্নেস শন্দোক্নবগীদমক্তা জুলাই ৩, ২০২২দা হৌদোক্তুনা সেপ্তেম্বর ১৭, ২০২২দা তাবা “সমুদ্র তোর্বান শেংদোকপগী মালেমগী নুমিত্তা” লোইশিনগনি।

কেম্পেন অসিবু মীয়ামদা খঙহন্নবা অমসুং সেপ্তেম্বর ১৭, ২০২২গী সমুদ্র তোর্বান শেংদোকপগী থবক-থৌরমশিংদা মীয়াম্না মশানা য়ানা শরুক য়ানবা রেজিস্তর তৌনবগীদমক্তা “ইকো মিত্রম” কৌবা মোবাইল এপ অমসু হৌদোকখ্রে।

প্লাস্তিক শিজিন্নবনা ঐখোয়গী সমুদ্রগা মরী লৈনবা পুন্সি কয়া মাঙহল্লি হায়বগী মতাংদা এৱিয়র্নেস শন্দোক্তুনা মীয়াম মরক্তা লিচৎ-শাজৎ হোংদোকপগী চাউরবা অহোংবা অমা কেম্পেন অসিগী খুত্থাংদা লাকহন্নবা পান্দম থম্লি।

 

*****

(Release ID: 1838850) Visitor Counter : 125