হকশেল অমসুং য়াইফ-য়ুম্বাল মন্ত্রালয়

দাঃ মনশুখ মন্দাবিয়ানা লুচিংদুনা লেদী হার্দিং মেদিকেল কোলেজতা দোক্তর্স দে সেলেব্রেসন পাংথোকখ্রে


নীংতম্বগী অমৃত মহোৎসবকী শরুক অমা ওইনা চহি ৭৫গী মথক্তা লৈবা দাক্তরশিংবু মখোয়গী মশক থোকপা শেবা অমসুং খোঙফম চেৎপগীদমক্তা ইকায় খুম্নবা উৎখ্রে

মেদিকেল প্রোফেস্নেলশিংনা মশাগী ওইবা থীদনা থবক কয়া পাংথোক্তুনা ঐখোয়গী লৈবাক্কী চৎনবী ওইরিবা ‘সেবা ভাব’ অমসুং ‘সেবা প্রমো ধর্মা’গী তুং ইন্দুনা চৎলিঃ দাঃ মনশুখ মন্দাবিয়া

“ঐখোয়না মতিক চাবা দাক্তর অমসুং এদমিনিস্ত্রেস্তর ওইরম্বা দাঃ বি.সি. রোইদগী ইথিল লৌগদবনি; ঐখোয়গী প্রধান মন্ত্রীগী পামজরিবা ঐখোয়গী লৈবাক্কী হকশেলবু খ্বাইদগী অহানবদা থম্বা হায়বসিনা ঐখোয়গী শেংলবা থৌদাং ওইগদবনি”: দাঃ মনশুখ মন্দাবিয়া

অনাবশিংগী সেবাগা লোয়ননা, ঐখোয়না স্বস্থ অমসুং সুদ্রধ ভারতকী মাইকৈদা খোঙদারিঃ দাঃ ভারতী প্রবিন পৱার

Posted On: 01 JUL 2022 4:36PM by PIB Imphal

কেন্দ্রগী হকশেল অমসুং য়াইফ য়ুম্বাল মন্ত্রী, দাঃ মনশুখ মন্দাবিয়ানা লুচিংদুনা লেদী হার্দিং মেদিকেল কোলেজ (এল.ঐচ.এম.সি.)দা হকশেল অমসুং য়াইফ য়ুম্বালগী কেন্দ্রগী রাজ্য মন্ত্রী, দাঃ ভারতী প্রবিন পৱার অমসুং কেন্দ্রগী হকশেল সেক্রেতরী, শ্রী রাজেশ ভুশন য়াওনা দোক্তর্স দে সেলেব্রেসন পাংথোকখ্রে।

 “মশাগী ওইজবা থীদনা থবক কন্না পাংথোকপগীদমক্তা মেদিকেল ফ্রেতর্নিতীবু থাগৎলদুনা, দাঃ মনশুখ মন্দাবিয়ানা হায়খি, “ঐখোয়গী ফিজিসিয়ন অমসুং মেদিকেল প্রোফেস্নেলশিংনা ঐখোয়গী পুন্সিদা য়াম্না মরু ওইবা থৌদাং অমা লৌবীরি। চহি খুদিংগী জুলাই ১দা নেস্নেল দোক্তর্স দে পাংথোক্লিবা অসি মখোয়গী থৌদাংবু শকখঙনবা হোৎনবগী থৌওং অমনি। নুমিৎ অসি নীংতম্বা ভারতকী মেদিকেল প্রোফেসনগী লমজিং মৈরা অমসুং নীংথিনা খঙ-হৈরবা ফিজিসিয়ন অমা ওইরিবা, শক্নাইরবা দাঃ বিধান চন্দ্র রোইগী মপোক কুমওনসু ওইরিবনি”।

 “হন্দক্কী চহিনা ঐখোয়গী নীংতম্বগী ৭৫শুবা চহি ওইবা অমসুং হৌজিক চত্থরিবা নীংতম্বগী অমৃত মহোৎসব অসিগা লোয়ননা, ঐখোয়না চহি ৭৫গী মথক্তা লৈবা মেদিকেল ফ্রেতর্নিতীগী শক্নাইরবা মীওইশিংবু মখোয়না দাক্তর অমা ওইনা মীওইবা খুন্নাই অমসুং লৈবাক্কীদমক্তা মশক থোকপা শেবা অমসুং খোঙফম চেৎপগীদমক্তা ইকায় খুম্নবসু উৎলি”, হায়না মহাক্না মখা তাখি।

দাঃ মনশুখ মন্দাবিয়ানা হায়খি, “ঐখোয়না মতিক চাবা দাক্তর অমসুং এদমিনিস্ত্রেস্তর ওইরম্বা দাঃ বি.সি. রোইদগী ইথিল লৌগদবনি; ঐখোয়গী প্রধান মন্ত্রীগী পামজরিবা ঐখোয়গী লৈবাক্কী হকশেলবু খ্বাইদগী অহানবদা থম্বা হায়বসিনা ঐখোয়গী শেংলবা থৌদাং ওইগদবনি”। মেদিকেল ৱর্কফোর্সকী হোৎনজমনশিংবু ইকায় খুম্নবা উৎলদুনা, দাঃ মন্দাবিয়ানা হায়খি, “ঐখোয়গী লৈবাক্তা হকশেলবু সেবা ওইনা উন্নৈ অমসুং ঐখোয়গী মেদিকেল প্রোফেস্নেলশিংনা মশাগী ওইবা থীদনা থবক কয়া পাংথোক্তুনা ঐখোয়গী লৈবাক্কী চৎনবী ওইরিবা ‘সেবা ভাব’ অমসুং ‘সেবা প্রমো ধর্মা’গী তুং ইন্দুনা চৎলি। মসিগী অমত্তা ঙাইরবা মরম অসিদগী ঐখোয়গী কোবিদ লান্মীশিংনা শিংনবশিং মাইয়োক্নবা থোক্লকখিবা অসুং মশাগী ওইজবা থীদনা মশাগী থৌদাং নীংথিনা পাংথোকখ্রিবনি”। ঐখোয়না হোৎনরিবা খুদিংমক লৈবাক্কী চাউখৎপগী মাইকৈদা ওইগদবনি; লৈবাক্না মতম পুম্বদা খ্বাইদগী অহানবা ওইগদবনি হায়না মহাক্না মখা তানা ফোংদোকখি। ঐখোয়গী সেবা লেপ্তনা পাংথোক্কদবনি, মদুদতা ঐখোয়না হকশেল ফবা ভারত অমা শেম্বা ঙমগনি অমসুং পুম্নমক অসিনা সাম্রুধ রাস্ত্রা ওইগদৌরিবনি।

মহাক্না তি.বি., কেতারেক্ত, লেপ্রোসীনচিংবা খ্বাইদগী নৌবা শিংনবশিংদা মিৎয়েং চঙলদুনা মেদিকেল প্রোফেস্নেল অমসুং স্তেকহোলদর পুম্নমক্না তি.বি. লৈতবা ভারত অমসুং লৈবাক অসিদগী লেপ্রোসীবু মরু ফংনা মুত্থৎপগী পান্দম ফংবা ঙম্নবা কত্থোকপা অমসুং পুক্নিং চেৎনা থৌদাং পাংথোকসি হায়খি।

দাঃ মন্দাবিয়ানা মীয়াম পুম্ববু হকশেল ফহনবা হায়বা সরকারগী ৱাশকশিংদা খোঙফম চেৎপগী মতৌ তাক্লদুনা লৈবাক অসিদা হেল্থ সেক্তর দাইনামিক্সনা খোঙজেল য়াঙনা হোংলক্লি অমসুং ঐখোয়গী ইকায় খুম্ননীংঙাই ওইরবা প্রধান মন্ত্রীগী মিৎয়েং শানবা লুচিং মখাদা ঐখোয়গী সরকারনা স্তেকহোলদরশিংগা খুৎশম্নদুনা লোং-তর্ম সিনর্জী অমা শেমদুনা শেল চঙদবা, মতম পুম্বদা ফংবা, ফংবদা লায়বা অমসুং মগুন লৈবা হেল্থ সর্ভিস অমগী মপুং ওইবা পান্দমগা লোয়ননা হোলিস্তিক হেল্থ ইকোসীস্তেম অমা শেম্নবা থবক পায়খৎলি।

হকশেল অমসুং য়াইফ য়ুম্বালগী কেন্দ্রগী রাজ্য মন্ত্রী, দাঃ ভারতী প্রবিন পৱারনা মেদিকেল প্রোফেস্নেলশিংবু নীংহন্নবা লৈতনা হোৎনবা অমসুং কোবিদ শেন্নবগী হীরমদা ভারতপু মায় পাকপা লৈবাক অমা ওইহনবগীদমক্তা থাগৎপা ফোংদোকখি। মহাক্না “অনাবশিংগী সেবাগা লোয়ননা, ঐখোয়না স্বস্থ অমসুং সুদ্রধ ভারতকী মাইকৈদা খোঙদারি” হায়খি। সরকারনা হেল্থ সেক্তরদা মতমগী তেক্নোলোজী কয়া পুশিল্লক্তুনা লৈবাক্কী খ্বাইদগী মনুং হঞ্জিনবা মফমশিংদা তেলিমেদিসিন সর্ভিসকুম্বা তোঙানবা খোঙথাং কয়াবু মিসন মোদতা য়ৌহল্লি হায়না মহাক্না পাউদমখি। “অসিগুম্বা থৌওংশিং অসি খক্তনা ঐখোয়না আত্মানির্ভর ভারত অমা শেম্বা ঙমগনি”, হায়না মহাক্না মখা তাখি।

মহাক্না মেদিকেল প্রোফেস্নেলশিংগী হোৎনজমনশিংবু থাগৎলদুনা ঐখোয়গী থাইনগী মতমগী মতিক লৈবা তেংবাং কয়াদগী ইথিল লৌসি হায়না ফোংদোকখি। “চরক, সুশ্রুতা, পতাঞ্জলী, জীবক, ধনবন্তরী, অগ্নিবেশ, চ্যাবনগুম্বা মেদিকেলগী থবক তৌরম্বশিংনা মশক থোকপা মতেং কয়া পাংলমখি অমসুং ঐখোয়না মেদিকেলগী লমদা মান্নবা শরুক তমগদবনি”।

কেন্দ্রগী হকশেল সেক্রেতরী, শ্রী রাজেশ ভুশন্না থৌরমসিদা শরুক য়ারিবশিংবু মখোয়গী কলচরেল পরফোর্মেন্সকীদমক্তা থাগৎপা ফোংদোকখি অমসুং ঙসিগী থৌরম অসিদি ঐখোয়গী মায় পাকপশিং খঙজদুনা নুংঙাইবা ফোংদোকপগী, অখন্ননা, মমাংগী চহি ২গী লাইচৎকী মতমশিংদা মায় পাকখিবশিং, মতম্নি হায়না ফোংদোকখি। সেবা, সমর্পন অমসুং বিস্বাসকী ইশাগী খন্দবা সেবাগী মতাংদা অমুক হন্না পল্লদুনা, মহাক্না দোক্তর্স দে হায়বসিদি মসিগুম্বা ভেল্যুগী নুমিৎনি অমসুং ঐখোয়গী চৎনবীনা সেবা অসিদা কত্থোক্তুনা লৈয়ু হায়না ঐখোয়দা তাকপী হায়না ফোংদোকখি। ঐখোয়গী নহারোলশিংনা থৌদাং অসিবু থৱাই-হকচাং য়াওনা পাংথোক্কনি হায়বগী কেন্দ্রগী হকশেল সেক্রতরীনা থাজবা থমখি।

দাইরেক্তর জেনেরেল হেল্থ সর্ভিস, দাঃ অতুল গোইল; লেদী হার্দিং মেদিকেল কোলেজকী দাইরেক্তর, দাঃ রাম চন্দর; সফদর্জং হোস্পিতালগী এম.এস., দাঃ আর্য়া; আর.এম.এল.গী এম.এস., দাঃ শের্ৱাল; মন্ত্রালয়গী সেনিয়র ওফিসিএল, ইন্সতিত্যুসন অসিগী শক্নাইরবা ফেকলতী মেম্বর, স্তাফ অমসুং মহৈরোইশিংনা থৌরম অসিদা শরুক য়াখি।

****



(Release ID: 1838738) Visitor Counter : 150