কেন্দ্রনা স্পোন্সর্দ তৌবা প্রধান মন্ত্রী ফোর্মেলাইজেসন ওফ মাইক্রো ফুদ প্রোসেসিং এন্তর্প্রাইজেস (পি.এম.এফ.এম.ই.) স্কিম অসি আত্মনির্ভর ভারত অভিয়ানগী মখাদা ভারত সরকারগী ফুদ প্রোসেসিং ইন্দস্ত্রীজ মন্ত্রালয়না জুন ২৯, ২০২০দা হৌদোকখি। স্কিম অসি চহি অনি মপুং ফাখ্রে অমসুং অনওর্গনাইজ মাইক্রো এন্তর্প্রাইজশিংবু শক্তি পীনবা থৌনাগা লোয়ননা হৌদোকখিবা খোঙচৎ অসিনা ফুদ প্রোসেসিং সেক্তর ফোর্মেলাইজ তৌনবা পান্দম মখা তানা থুংহল্লি অমসুং শেন্মীৎলোনগী মাইকৈদা মখোয়না চাউনা মতেং পীরিবা অসি শীংথানীংঙাই ওরি অমদি মসিনা সেক্তর অসিগী অফবা ফলশিং পুরকপা ঙমহনখ্রে।

ফুদ প্রোসেসিং ইন্দস্ত্রীগী অনওর্গনাইজ সেগমেন্তদা লৈরিবা তোঙান-তোঙানবা মাইক্রো-এন্তর্প্রাইজশিং অসি ফগৎহন্নবা অমসুং সেক্তর অসি ফোর্মেলাইজেসন তৌনবা রাজ্য অমসুং য়ুনিয়ন তেরিতোরী ৩৫দা হৌজিক পি.এম.এফ.এম.ই. স্কিম ইমপ্লিমেন্ত তৌরি। স্কিম অসিগী মখাদা ক্রেদিৎ-লিঙ্ক সবসিদীগীদমক এপ্লাই তৌনবা এপ্লিকেসন থাজিনবগী সবমিসন প্রোসেস অসি ওনলাইন পোর্তেলগী (www.pmfme.mofpi.gov.in) খুত্থাংদা তৌরি। পোর্তেল অসিদা এপ্লিকেসন্ত ৫০,০০০গী ময়ানা রেজিস্তর তৌরকখি অমসুং হৌজিক ফাওবদা এপ্লিকেসন ২৫,০০০ হেন্না মাইপাক্না পীশিল্লকখ্রে।

ভারতকী দিজিতেল জি.আই.এস. ৱান দিস্ত্রিক্ত ৱান প্রদক্ত (ও.দি.ও.পি.) মেও অসি রাজ্য অমদি য়ু.তি. পুম্নমক্কী ও.দি.ও.পি.শিংগী অকুপ্পা মরোল পীশিল্লক্নবা দিবেলপ তৌখি। দিজিতেল মেপ অসিদা ত্রাইবেল, এস.সি., এস.ই., এস্পিরেস্নেল দিস্ত্রিক্তশিংগী ইন্দিকেতরশিং য়াওরি অমসুং পি.এম.এফ.এম.ই. স্কিমগী মখাদা ইনক্যুবেসন সেন্তরশিং অয়াবা পীখি। মসিনা স্তেকহোল্দরশিংদা মাগী ভেল্যু চেন দিবেলপমেন্তগীদমক মতিক চাবা খোঙথাং লৌখৎপা ঙমহনগনি।

ফুদ প্রোসেসিং ইন্দস্ত্রীজ মন্ত্রালয়না খুঙ্গং চাউখৎ-থৌরাং মন্ত্রালয়, ত্রাইবেল এফিয়র্স মন্ত্রালয় অমসুং হাউসিং এন্দ অর্বান এফিয়র্স মন্ত্রালয়গা লোয়ননা জোইন্ত লেত্তরশিং খুৎয়েক পীনখি অমসুং ইন্দিয়ন কাউন্সিল ওফ এগ্রিকলচর, নেস্নেল কোওপরেতিব দিবেলপমেন্ত কোর্পোরেসন, ত্রাইবেল কো-ওপরেতিব মার্কেতিং দিবেলপমেন্ত ফেদরেসন ওফ ইন্দিয়া, নেস্নেল এগ্রিকলচরেল কোওপরেতিব মার্কেতিং ফেদরেসন ওফ ইন্দিয়া, নেস্নেল সেক্যুল্দ কাস্তস ফাইনান্স এন্দ দিবেলপমেন্ত কোর্পোরেসন, নেস্নেল সেক্যুল্দ ত্রাইবস ফাইনান্স এন্দ দিবেলপমেন্ত কোর্পোরেসন, ফুদ সেক্যুরিতী এন্দ স্তেন্দর্দস ওথোরিতী ওফ ইন্দিয়া অমসুং এনিমেল হসবেন্দরী এন্দ দাইরিয়িং বিভাগকা লোয়ননা এম.ও.য়ু.শিং খুৎয়েক পীনখি। পি.এম.এফ.এম.ই. স্কিমগী নোদেল বেঙ্ক ওইনা য়ুনিয়ন বেঙ্ক ওফ ইন্দিয়াগা এগ্রীমেন্ত অমসুং অমসুং স্কিম অসিগী ওফিসিএল লেন্দিং পার্তনরশিং ওইবনা বেঙ্ক ১৫গা এম.ও.য়ু.শিং খুৎয়েক পীনখি।

স্কিম অসিগী কেপাসিতী বিল্দিং কম্পোনেন্তগী মখাদা নেস্নেল ইন্সতিত্যুত ওফ ফুদ তেক্নোলোজী ওন্তপ্রিনোর্শিপ এন্দ মেনেজমেন্ত, কুন্দলী (এন.আই.এফ.তি.ই.এম.-কে) অমসুং নেস্নেল ইন্সতিত্যুত ওফ ফুদ তেক্নোলোজী ওন্তপ্রিনোর্শিপ এন্দ মেনেজমেন্ত, তাঞ্জবুর (এন.আই.এফ.তি.ই.এম.-তি.)না স্তেৎ লেবেল তেক্নিকেল ইন্সতিত্যুসনশিং অমসুং প্রাইবেৎ ত্রেনিং পার্তনরশিংগা লোয়ননা পার্তনরশিপ তৌদুনা ফুদ প্রোসেসিং এন্তর্প্রাইজ/গ্রুপ/ক্লস্তরশিংদা ত্রেনিং অমসুং রিসর্চ সপ্পোর্ত পীবদা মরু ওইবা থৌদাং অমা লৌরি। ফুদ প্রোসেসিং সেফতী এন্দ হাইজিন অমসুং ওন্তপ্রিনোর্শিপ দিবেলপমেন্ত প্রোগ্রাম (ই.দি.পি.) য়াওনা ফুদ প্রদক্ত প্রোসেসিংদা বেনিফিসরীশিংগী ত্রেনিং পাঙথোক্লি।

স্কিম অসিগী মখাদা ইনক্যুবেসন সেন্তর ৭৫ অয়াবা পিখি। মন্ত্রালয়না নেস্নেল ইন্সতিত্যুত ওফ ফুদ তেক্নোলোজী ওন্তপ্রিনোর্শিপ এন্দ মেনেজমেন্ত, তাঞ্জবুর (এন.আই.এফ.তি.ই.এম.-তি.)গা লোয়ননা চুংশিন্নদুনা ইনক্যুবেসন সেন্তরগী প্রপোজেলশিং পীশিল্লক্নবা ওনলাইন পোর্তেল অমা দিবেলপ তৌখি অমসুং লৈবাক শিনবা থুংবদা লৈরিবা ইনক্যুবেসন সেন্তরশিংগী অকুপ্পা মরোলশিং লৌখৎনবা দিজিতেল মেপ অমসুং দিবেলপ তৌখি।

পি.এম.এফ.এম.ই. স্কিমনা ফুদ প্রোসেসিংগী থবক-থৌরমশিং তৌরিবা সেল্ফ হেল্প গ্রুপ (এস.ঐচ.জি.)গী মেম্বর অমমমদা ৱার্কিং কেপিতেল ওইনা অমসুং অপীকপা খুৎশু-খুৎলাইশিং লৈনবা লুপা ৪০,০০০গী শেলগী তেংবাং পীনবা হোৎনরি। হৌজিক ফাওবদা এস.ঐচ.জি. মেম্বর লাখ ১ হেন্না মশক খঙদোকখ্রে অমসুং সীদ কেপিতেলগী শেনফম ওইনা লুপা করোর ২০৩ কাইথখ্রে

স্কিম অসিগী মখাদা এন.এ.এফ.ই.দি. অমসুং তি.আর.আই.এফ.ই.দি.গা লোয়ননা অপুনবা ভেল্যু চেন অসিদা বেনিফিসরীশিং তেংবাং পীনবা অমসুং হেন্দহোল্দিং তৌনবগী মার্কেতিং অমসুং ব্রান্দিং এক্তিবিতীশিং পাইখৎনবা এম.ও.য়ু.শিং খুৎয়েক পীনখি। এন.এ.এফ.ই.দি.গা থবক তৌমিন্নরিবা ও.দি.ও.পি. ব্রান্দ ১০গী কম্পোনেন্তগী মখাদা লোঞ্চ তৌখি। স্কিম অসিনা স্তেৎ-লেবেল ব্রান্দশিংদা মার্কেতিং সপ্পোর্ত পীনবসু হোৎনি। হৌজিক ফাওবদা, পঞ্জাবকী ব্রান্দ “এ.এ.এস.এন.এ.এ.” অমসুং মহারাস্ত্রগী ব্রান্দ “ভি.ঐচ.আই.এম.তি.ঐচ.এ.দি.আই.” অমসুং অতোপ্পা রাজ্য কয়াগী পাইপলাইনদা লৈরিবশিং য়াওনা স্তেৎ-লেবেল ব্রান্দ ২ মাইপাক্না লোঞ্চ তৌখি

আজাদী কা অমৃত মহোৎসবকী মখাদা ভারতকী নীংতম্বা ফংখিবগী চহি ৭৫শুবগী পালন তৌনবা মন্ত্রালয় অসিনা রাজ্য/য়ু.তি.শিং অমসুং এন.আই.এফ.তি.ই.এম.গা লোয়ননা চুংশিন্নদুনা লৈবাক শিনবা থুংবদা অখন্নবা ৱান দিস্ত্রিক্ত ৱান প্রদক্ত (ও.দি.ও.পি.) ৱেবিনার/ওফলাইন ৱার্কশোপ ৭৫ পাঙথোক্লি। “কহানি সুক্ষম উধ্যমন কি” হায়বা মাইপাকপগী ৱারীশিংগী সিরিজ অসি থৌশিল অসিগী মখাদা ফোঙখি মসিদা ফুদ প্রোসেসিং সেক্তরদা লৈরিবা মাইক্রো এন্তর্প্রাইজশিং অমসুং সেল্ফ হেল্প গ্রুপশিংগী খোঙচৎকী ইথিল পীনীংঙাই ওইবা ৱারীশিং হাপ্পী, মসিনা সেক্তর অসিদা খুদোংচাবশিংগী মতাংদা এৱের্নেস পীরি অমসুং হৌজিক লৈরিবা অমদি হৌগৎলক্লিবা ওন্তপ্রিনোরশিংদা মখোয়গী ফুদ প্রোসেসিং বিজিনেস চাউখৎহন্নবা পি.এম.এফ.এম.ই. স্কিমগী কান্নবশিং লৌহৌনবা পুক্নিং থৌগৎলি।

মাইপাকপগী ৱারীশিং, ইনোবেসনগী ৱারীশিং, ৱান দিস্ত্রিক্ত ৱান প্রদক্ততা য়ুম্ফম ওইবা ৱারীশিং অমসুং ফুদ প্রোসেসিংগা মরী লৈনবা রিসর্চ-বেজ আর্তিকলশিং য়াওবা থাগী ওইবা ই-ন্যুজলেত্তর অমসু ফোঙখি। ই-ন্যুজলেত্তর অসিদা ফুদ প্রোসেসিং সেক্তরদগী, একাদেমিক্স অমসুং ইন্দস্ত্রী প্রোফেস্নেলশিংগী লৌখিবা ইন্তর্ভ্যুশিং, মাইক্রো এন্তর্প্রাইজশিং, সেল্ফ হেল্প গ্রুপশিং, এফ.পি.ও.শিং অমসুং কো-ওপরেতিবশিং চাউখৎনবা অমসুং আত্মনির্ভর ভারত ওইহনবদা মতেং পাংগদবা ইনোবেসন অমসুং ত্রেন্দশিং য়াওরি।

*****