బొగ్గు ఉత్పత్తిని మరింత పెంపొందించడం ద్వారా రోజురోజుకు పెరుగుతున్న ఇంధన డిమాండ్లను నెరవేర్చడానికి భారతదేశ బొగ్గు రంగం నిరంతర ప్రయత్నాలు చేస్తోంది. అదే సమయంలో పర్యావరణ సంరక్షణ, అడవులు మరియు జీవవైవిధ్యాన్ని పరిరక్షించే చర్యలకు ప్రాధాన్యతనిస్తూ స్థిరమైన అభివృద్ధి మార్గాన్ని అనుసరించే దిశగా బొగ్గు రంగం  అనేక కార్యక్రమాలు చేపడుతోంది. వివిధ సుస్థిర కార్యకలాపాలలో భాగంగా కోల్ ఇండియా లిమిటెడ్ (సీఐఎల్)  పర్యావరణ, అటవీ & వాతావరణ మార్పు మంత్రిత్వ శాఖ (ఎంఓఈఎఫ్‌సీసీ) మరియు  సంబంధిత రాష్ట్ర ప్రభుత్వాల సహకారంతో బొగ్గు గని పిట్ సరస్సుల పరిరక్షణ, తడి భూముల పర్యావరణ స్వభావ నిర్వహణ  ప్రతిష్టాత్మక రామ్‌సార్ జాబితాలో అటువంటి పిట్ సరస్సులను చేర్చడం వంటి కార్యక్రమాలను చేపట్టింది.

రామ్‌సర్ జాబితాలో చేర్చడానికి బొగ్గు గని పిట్ సరస్సుల అనుకూలత గురించి రామ్‌సార్ జాబితాలో ఉంచడానికి తడి భూములను గుర్తించడానికి నోడల్ మంత్రిత్వ శాఖ ఎంఓఈఎఫ్‌సీసీతో చర్చించబడింది. ఎంఓఈఎఫ్‌సీసీ మార్గదర్శకం ప్రకారం పశ్చిమ బెంగాల్, ఒడిశా, జార్ఖండ్ మరియు మధ్యప్రదేశ్ రాష్ట్రాల్లో రామ్‌సర్ జాబితాలో చేర్చే పరిశీలన కోసం సీఐఎల్ ఐదు పిట్ సరస్సులను గుర్తించింది. సీఐఎల్  రామ్‌సార్ ఇన్ఫర్మేషన్ షీట్ (ఆర్‌ఐఎస్‌)ని సిద్ధం చేసే పనిలో ఉంది. ఈ గని పిట్ వాటర్ బాడీలను వివిధ జాతుల పక్షులు క్రమం తప్పకుండా సందర్శిస్తాయి మరియు అవి జంతువుల జనాభాను కూడా కలిగి ఉంటాయి. పెద్ద ఎత్తున ప్లాంటేషన్ మరియు ఇతర నేల తేమ పరిరక్షణ కార్యకలాపాల ద్వారా సీఐఎల్‌  ప్రయత్నాల కారణంగా ఈ నీటి వనరుల చుట్టూ ఉన్న పర్యావరణం మెరుగుపడింది.

పాడుబడిన గని సైట్‌లను సురక్షితంగా పర్యావరణపరంగా స్థిరంగా మరియు తగిన వాణిజ్య వినియోగానికి అనువైనదిగా మార్చడానికి వాటిని పునర్నిర్మించడానికి ప్రపంచ బ్యాంక్, జీఐజడ్‌  మరియు ఇతర ప్రపంచ సంస్థల మద్దతు మరియు సహాయాన్ని బొగ్గు మంత్రిత్వ శాఖ పొందుతోంది. తద్వారా సోలార్ పార్కులు, టూరిజం, క్రీడలు, అటవీ, వ్యవసాయం, ఉద్యానవనం, టౌన్‌షిప్‌లు మొదలైన ఆర్థిక వినియోగం కోసం తిరిగి స్వాధీనం చేసుకున్న భూములు పునర్నిర్మించబడతాయి. వివిధ దేశాలలో గనుల మూసివేత కేసులను నిర్వహించడంలో ఈ సంస్థల యొక్క అపారమైన అనుభవం చాలా ప్రయోజనకరంగా ఉంటుంది మరియు అత్యుత్తమ గ్లోబల్ దత్తత తీసుకోవడానికి దోహదపడుతుంది.

 

****