প্রধানমন্ত্রীগী লোইশঙ
azadi ka amrit mahotsav g20-india-2023

প্রধান মন্ত্রী অমসুং য়ু.এ.ই.গী রাস্ত্রপতি অমসুং অবু ধাবীগী নীংথৌ হিস হায়নেস শেখ মোহম্মদ বিন জায়দ অল নাহয়ানগা উনবা

Posted On: 28 JUN 2022 8:58PM by PIB Imphal

রাস্ত্রপতি অমসুং অবু ধাবীগী নীংথৌ হিস হায়নেস শেখ মোহম্মদ বিন জায়দ অল নাহয়ানগা উনখি। প্রধান মন্ত্রীনা ইকোন-কোনবা ওইনা ওগস্ত ২০১৯দা অবু ধাবীদা চৎখিবদা লুচিংবা অনিনা উনখিবা অদুগী মতুংদা হকথেংননা উনবা হন্দক্না অহানবা ওইরি।


প্রধান মন্ত্রীগী খোঙচৎ অসিগী মপুং ওইবা মরমদি মমাং থাদা শেখ খালিফা বিন জায়দ অল নাহয়ান্না লৈখিদবা অদুগী মহাক্না হকথেংননা চৎতুনা অৱাবা ফোঙদোক্নবনি। প্রধান মন্ত্রীনা হিজ হায়নেস শেখ মোহম্মদ বিন জায়দ অল নাহয়ান লোয়ননা নেস্নেল সেক্যুরিতী এদভাইজর, ঐচ.ঐচ. শেখ তহনোন বিন জায়দ অল নাহয়ান, উপ প্রধান মন্ত্রী, ঐচ.ঐচ. শেখ মনসোর বিন জায়দ অল নাহয়ান, অবু ধাবী ইনভেস্তমেন্ত ওথোরিতীগী এম.দি., ঐচ.ঐচ. শেখ হামেদ বিন জায়দ অল নাহয়ান, ফোরেন এফিয়র্স এন্দ ইন্তর্নেস্নেল কোওপরেসনগী মন্ত্রী, ঐচ.ঐচ. অব্দুল্লা বিন জায়দ অল নাহয়ান য়াওনা মহাক্কী ইমুং-মনুংগী মীওইশিংদা থমোয় শেংনা নুংঙাইতবা ফোঙদোকখি।


প্রধান মন্ত্রীনা শেখ মোহম্মদ বিন জায়দ অল নাহয়াননা য়ু.এ.ই.গী অহুমশুবা রাস্ত্রপতি ওইনা মীখল মাইপাকপা অমদি অবু ধাবীগী নীংথৌ ওইবদা নুংঙাইবা ফোঙদোকখি।


লুচিংবা অনিমক্না হৌখিবা চহি খরা অসিদা মখোয়না চেকশিন্না ঙাকশেনখিবা ইন্দিয়া-য়ু.এ.ই. কমপ্রিহেন্সিব স্ত্রেতেজিক পার্তনরশিপশিংগী তোঙান-তোঙানবা হীরমশিং য়েংশিনখি। ফেব্রুৱারী ১৮দা পাঙথোকখিবা ভর্চুএল সম্মিৎ মনুংদা লৈবাক অনিনা কমপ্রিহেন্সিব স্ত্রেতেজিক পার্তনরশিপ এগ্রীমেন্ত খুৎয়েক পীখি, হায়রিবা অসি মে ০১দগী চৎনবা হৌখি। সি.ই.পি.এ.না লৈবাক অনিগী মরক্তা ললোন-ইতিক্তা অমসুং ইনভেস্তমেন্তদা শাহৌ পীরগনি হায়না থাজবা থম্মি। এফ.ৱাই. ২০২১-২২গী বাইলেতরেল ত্রেদ অসি য়ু.এস.দি. বিলিয়ন ৭২ ওইখি। য়ু.এ.ই. অসি ভারতকী খ্বাইদগী চাউবা ত্রেদ পার্তনরদা অহুমশুবদা লৈরি অমসুং খ্বাইদগী চাউবা এক্সপোর্ত দেস্তিনেসন্দা অনিশুবা ওইরি। য়ু.এ.ই.গী ভারত্তা থাদবা এফ.দি.আই. অসি হৌখিবা চহি খরা অসিদা লেপ্পা লৈতনা হেনগৎলক্লি অমসুং হৌজিক্কী ওইনা য়ু.এস.দি. বিলিয়ন ১২ ওইরি।


ভর্চুএল সম্মিৎ মনুংদা লুচিংবা অনিনা ললোন-ইতিক, ইনভেস্তমেন্ত, রিন্যুএবল ইনর্জী য়াওনা ইনর্জী, ফুদ সেক্যুরিতী, হকশেল, ঙাকশেল, স্কিলশিং, এজুকেসন, নাৎ অমসুং লৈবাক অনিগী মীয়ামগী মরীশিং য়াওনা অসিগুম্বা তোঙান-তোঙানবা লমশিংদা লাক্কদৌরিবা চহিশিংদা বাইলেতরেল কোওপরেসন পীননবা রোদমেপ শেম্লিবা বিজন স্তেৎমেন্ত অমসু ফোঙখি। লুচিংবা অনিনা ভারত অমসুং য়ু.এ.ই.না মখোয়গী অচেৎপা অমসুং মরুপ ওইবগী মরীশিং অমসুং পুৱারীদগী লৈরক্লবা লৈবাক অনিগী মীয়ামগী মরী অসিদা য়ুম্ফ ওইরগা লমশিং অসিদা অচেৎপা পার্তনরশিপ মখা তানা থম্বা অসিদা অপেনবা ফোঙদোক্নখি। ভারত-য়ু.এ.ই.গী মপাঙ্গল কনবা ইনর্জী পার্তনরশিপ লৈরিবা অসিনা হৌজিক রিন্যুএবল ইনর্জীদা অনৌবা মীৎয়েং থম্বা ঙম্লি।


প্রধান মন্ত্রীনা মরু ওইনা কোবিদ-১৯ লাইচৎ মনুংদা য়ু.এ.ই.দা লৈরিবা ভারত মচা মিলিয়ন ৩.৫ য়েংশিনবীখিবগীদমক য়ু.এ.ই.গী রাস্ত্রপতি অমসুং অবু ধাবীগী নীংথৌ শেখ মোহম্মদ বিন জায়দ অল নাহয়ানবু থাগৎপা ফোঙদোকখি। মহাক্না শেখ মোহম্মদ বিন জায়দ অল নাহয়ানবু অথুবদা ভারত্তা লাক্নবা বার্তন তৌরমখি।

***



(Release ID: 1837771) Visitor Counter : 111