স্তীল মন্ত্রালয়না ভাস্করাচার্য় নেস্নেল ইন্সতিত্যুত ফোর স্পেস এপ্লিকেসন্স এন্দ জিও-ইনফোর্মেতিক্স (বি.আই.এস.এ.জি.-এন.)গী মতেংগা লোয়ননা মশাবু পি.এম. গতিশক্তি পোর্তেল
(নেস্নেল মাস্তর প্লান পোর্তেল)দা ওন বোর্দ তৌজখ্রে। স্তীল মন্ত্রালয়গী এদমিনিস্ত্রেতিব কন্ত্রোল মখাদা লৈবা সি.পি.এস.ই.শিংগী স্তীল প্লান্ত পুম্নমক্কী জিও লোকেসনশিং অপলোদ তৌবগা লোয়ননা মাগী দেতাগী অহানবা লেয়র শেমখ্রে। স্তীল মন্ত্রালয়গী এদমিনিস্ত্রেতিব কন্ত্রোল মখাদা লৈবা সি.পি.এস.ই.শিংগী খোঙ পুম্নমক্কী জিও লোকেসন অসিসু অপলোদ তৌবগী প্রোসেসতা লৈরি।

বি.আই.এস.এ.জি.-এন.না এপ্লিকেসন অমা শেমখ্রে মসিগী খুত্থাংদা লৈবাক অসিদা মথৌ তৌরিবা স্তীল য়ুনিৎ লিশিং অনি হেনবগী (অচৌবা প্লেয়রশিং য়াওনা) জিও লোকেসন অপলোদ তৌনবা স্তীল মন্ত্রালয়না থৌরাং তৌরি।

তুংলমচৎতা জিও লোকেসনশিংগা লোয়ননা য়ুনিৎ/খোঙ পুম্নমক্কী প্রদক্সন কেপাসিতী, প্রদক্তকী অকুপ্পা মরোল অসিনচিংবা অতোপ্পা মরী লৈনবা হীরমশিং অপলোদ তৌনবা থৌরাংসু তৌরি।

মসিগী মথক্তা স্তীল মন্ত্রালয়না পি.এম. গতিশক্তিগী পান্দমগা চান্ননা মলতিমোদেল কন্নেক্তিবিতী শেমগৎনবা অমসুং অৱাৎপা ইনফ্রাস্ত্রকচরগী গেপশিং অসি মেনশিন্নবা চাউনা কান্নবা পীগদবা প্রোজেক্ত ৩৮ মশক খঙদোকখ্রে। রেলৱে লাইনশিং পাকথোক-চাউথোক্নবা থৌরাং, অনৌবা ইনলেন্দ ৱাতরৱেশিং, লম্বীশিং, হীথাংফমশিং, গ্যাস পাইপলাইন কন্নেক্তিবিতী অমসুং এয়রপোর্ত/এয়রস্ত্রাইপশিং শেমগৎপা অসিনা এন.এস.পি. (নেস্নেল স্তীল পোলিসী) ২০১৭দা য়াওরিবা ২০৩০-৩১ ফাওবগী থম্লিবা পান্দম অসি থুংহন্নবা মাইকৈদা স্তীল সেক্তরনা চংশিনবদা শাহৌ পীগদবা মথৌ তাবা লোজিস্তিক্স সোল্যুসনশিং পীবা ঙম্লগনি।

গতি শক্তি – নেস্নেল মাস্তর প্লান ফোর ইনফ্রাস্ত্রকচর দিবেলপমেন্ত অসি তোঙান-তোঙানবা মন্ত্রালয়শিংবু অমত্তা ওইনা পুনশিন্নবা অমসুং ইনফ্রাস্ত্রকচর কন্নেক্তিবিতী প্রোজেক্তশিংগী ইন্তিগ্রেতেদ প্লান্নিং অমসুং তেংবাং পীন্দুনা ইমপ্লিমেন্ত তৌনবা পান্দমগা লোয়ননা ২০২১গী ওক্তোবরদা ইকাই খুম্নরিবা প্রধান মন্ত্রীনা হৌদোকখি। মসি তোঙান-তোঙানবা মন্ত্রালয়শিং অমসুং রাজ্য সরকারশিংগী ইনফ্রাস্ত্রকর স্কিমশিংদা ইনকোর্পোরেৎ তৌগনি অমসুং স্পাসিএল প্লান্নিং তুলশিং য়াওনা তেক্নোলোজী পাক চাউনা শীজিন্নগনি।

******