কেমিকেল্স অমসুং ফর্তিলাইজর মন্ত্রালয়
azadi ka amrit mahotsav

কেন্দ্রগী কেমিকেল অমসুং ফর্তিলাইজরসকী মন্ত্রী, দা. মনসুখ মান্দৱিয়ানা প্রোদক্সন এন্দ য়ুজ ওফ গ্রীন হাইদ্রোজেন এন্দ গ্রীন অমোনিয়াগী ইন প্রোসেস ইন্দস্ত্রীদা হায়রিবা হীরম অসিগী মতাংদা পাংথোকপা সেমিনারগী অহৌবগী সেসনদা থৌবুরেল ওইখি


ভারততা গ্রীন হাইদ্রোজেনগী য়াম্না চাউবা খুদোংচাবা লৈ: দা. মনসুখ মান্দৱিয়া

মাইপাক্নবগীদমক্তা ইন্দস্ত্রীজ, একাদেমিয়া অমসুং সরকারনা পুল্লপ পুন্না অমত্তা ওইনা থবক তৌমিন্নগদবনি: দা. মান্দৱিয়া

Posted On: 24 JUN 2022 3:54PM by PIB Imphal

কেন্দ্রগী  কেমিকেলস অমসুং ফর্তিলাইজরস অমসুং হকশেল অমসুং য়াইফ য়ুম্বাল মন্ত্রালয়গী মন্ত্রী, দা. মনসুখ মান্দৱিয়ানা নই দিল্লীগী হোস খাসতা আই.আই.তি. দিল্লী কেমপসতা ফর্তিলাইজর এসোসিয়েশন ওফ ইন্দিয়াগা (এফ.এ.আই.)গা লোইননা খুৎশম্নদুনা দিপার্তমেন্ত ওফ কেমিকেল ইঞ্জিনীয়রিং, আ.আই.তি.দিল্লী, ইন্দিয়ন ইন্সতিত্যুত ওফ কেমিকেল ইঞ্জিনীয়র্স (নোর্দন রিজনেল সেন্তর)না  প্রোদক্সন এন্দ য়ুজ ওফ গ্রীন হাইদ্রোজেন এন্দ গ্রীন অমোনিয়াগী ইন প্রোসেস ইন্দস্ত্রীদা হায়রিবা হীরম অসিগী মতাংদা শিনখিবা নুমিৎ নিনিগী সেমিনারদা ৱা ঙাংখ্রে। কেমিকেল অমসুং ফরইতলাইজরসকী রাজ্য মন্ত্রী, শ্রী ভগৱন্ত খুবানা মীফম অদুদা শরুক য়াখি।

https://static.pib.gov.in/WriteReadData/userfiles/image/image0021VI7.jpg

https://static.pib.gov.in/WriteReadData/userfiles/image/image003ETF3.jpghttps://static.pib.gov.in/WriteReadData/userfiles/image/image00490QG.jpg

থৌরম অদুদা ৱা ঙাংলদুনা, কেন্দ্রগী হকশেল মন্ত্রীনা হায়খি “ঐখোয়না ঐখোয়গী রিসর্চ অমসুং প্রোদক্সন সেক্তরদা চাউখৎহনবা অসি তঙাইফদবনি অমসুং গ্রীন হাইদ্রোজেনগী দেবেলপমেন্ত অমসুং মেন্যুফেক্চরিংদা ইনোভেত তৌগদবনি। সরকার খক্তনা গ্রীন ইনর্জীগী তার্গেত অসি ফংবা ঙম্লোই। ইন্দস্ত্রীশিং-একাদেমিয়া-সরকারগী মরক্তা খুৎশম্ননা থবক তৌবা হায়বসি মসিগী পান্দম অসিবু ফংনবা হোৎনবদা য়াম্না মরু ওই। গ্রীন ইনর্জী মিসন অসিবু মাইপাকহন্নবা মখল-মখা কয়াগী ৱেদর সীস্তেমশিং অমসুং তোপোগ্রাফিশিংগী মতাংদা ঐখোয়না জিয়োগ্রাফিকেলগী ওইবা খুদোংচাবা লৈ। তুংগী ওইবা থৌরাংদা মীৎয়েং থমদুনা, হন্দক্কী চহি অসি ঐখোয়না অমৃত কাল পাংথোক্লগনি অমসুং মসিগী তার্গেত অসিবু ফংনবা মথংগী চহি ২৫গী রোদমেপ অমা শেম্লি। ইনর্জী অসি ঐখোয়গী লৈবাক অসিগি য়াম্না তঙাইফদনা চংবা অমনি অমসুং গ্রীন হাইদ্রোজেন মিসন অসি মসিগী য়াম্না মরু ওইবা শরুক অমনি”।

দা. মনসুক মান্দৱিয়ানা মীপুম খুদিংমক্তা গ্রীন হাইদ্রোজেন মেন্যুফেকচরিং অসিবু লৈবাক হান্না হায়বা ৱাখল্লোন অসিগা লোইননা ঐখোয়গী লৈবাক খক্ত নত্তনা মালেম অসিদা য়াম্না হোংবা অমসুং কোম্না ফংবা অমা ওইহন্নবগী মাইকৈদা থবক তৌনবা হায়খি। লৈবাক অসিবু চাউখৎহনবদা লৈবাক অসিগী মাইকৈদা কমিৎমেন্ত অমসুং দেদিকেশন অসি য়াম্না মরু ওই। “ঐখোয়না সোলর ইনর্জী এফিসিয়েন্সী হেনগৎহন্নবগী অমসুং মসিদা চংবা মমল হন্থহন্নবগী তার্গেত অদু ফংবা ঙমগনি অমসুং ৱিস্বা গুরু ওইবা ঙমগনি। তেক্নোলোজীগী ওইনা য়াম্না চাউখৎলবা ঐখোয়গী ফজরবা পুৱারীদগী ইন্সপিরেশন লৌগদবনি। ঐখোয়না হ্যুমেন রিসোর্স কেপাসিতী অমসুং লৌশিংগী অৱাৎপা লৈরকখিদে। ঐখোয়না মসিবু অমুক্কা হন্না মালেম অসিদা উৎপা ঙমগনি”, হায়না মহাক্না হায়খি।

কেমিকেল অমসুং ফর্তিলাইজর্সকী রাজ্য মন্ত্রী, শ্রী ভাগ্বন্ত খুবানা হায়খি মদুদি “ইকাইখুম্নরবা প্রধান মন্ত্রীগী ৱিজনরী ওইবা লুচিং মখাদা, ঐখোয়না নন-ফোসিল ফ্যুএলশিং শিজিন্নবা অসিবু শন্দোকপা অমসুং য়োকখৎপা উবা ফংঙি”। “ইকাইখম্নরবা প্রধান মন্ত্রীনা ভারতকী ৭৫শুবা ইন্দিপেন্দেন্স দে (হায়বদি ২০২১গী ওগস্ত ১৫দা ) নেস্নেল হাইদ্রোজেন মিসন অসি হোদোকখি। মিসন অসিনা সরকারগী ক্লাইমেত তার্গেতশিং আদুবু ফংবা ঙম্নবা অমসুং ভারত অসিবু গ্রীন হাইদ্রোজেন হব অমা ওইহনবদা মতেং পাংনবা পান্দম থম্লি। মালেম অসিনা এখোয়দা ঐখোয়গী গ্রীন হাইদ্রোজেন পোলিসীগীদমক্তা য়েংলি অমসুং ঐখোয়না অথুবা মতমদা প্রোদক্সন দোক্যুমেন্ত, হেভী ত্রান্সপোর্ত লোজিস্তিক্স ইন্দস্ত্রীজ অমসুং শিপ্পিংগী অকুপ্পা মরোলশিং লোঞ্চ তৌরগনি। ঐখোয়গী পান্দম অসি ২০৩০ ফাওবদা নন-ফোসিল ফ্যুএলগী ৫০০ গিগাৱাতকী প্রোদক্সন তার্গেত কেপাসিতী ফংনবনি”, হায়না মহাক্না হায়খি।

শ্রী. কে.এস. রাজু, চেবরমেন, ফর্তিলাইজর এসোসিয়েশন, দিল্লী, দা. এস. নন্দ, চেবরমেন, ইন্দিয়ন ইন্সতিত্যুত ওফ কেমিকেল ইঞ্জিনীয়র্স (নোর্দন রিজনেল সেন্তর), প্রোফ. এ.কে. গাঙ্গুলি, আই.আই.তি. দিল্লীগী ওফিসিয়েতিং দাইরেক্তর, আই.আই.তি দিল্লীগী ফেকল্তীনা থৌরম অদুদা শরুক য়াখি।

****



(Release ID: 1836985) Visitor Counter : 38