সাইন্স অমসুং তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সকী রাজ্য মন্ত্রী (ইন্দিপেন্দেন্ত চার্জ); এম.ও.এস. পি.এম.ও., পর্সোন্নেল, পব্লিক গ্রাইভেন্স, পেন্সন, এতোমিক ইনর্জী অমসুং স্পেস, দাঃ জিতেন্দ্র সিংহনা ভারতনা প্রধান মন্ত্রী, শ্রী নরেন্দ্র মোদীগী লুচিং মখাদা অইং অশা হোংবগা মরী লৈনবা শিংনবগী মতাংদা মিৎয়েং চঙবদা মালেম্বু লুচিংলি হায়না ফোংদোকখ্রে। মন্ত্রী অসিনা নোইদাদা লৈবা ভারতকী মকোক থোংবা থাক্তা লৈবা অমসুং মালেমগী খ্বাইদগী অপগ্রেদ তৌবা ইন্সতিত্যুসন ওইরিবা নেস্নেল সেন্তর ফোর মেদিয়ম রেঞ্জ ৱেদর ফোর্কাস্ত (এন.সি.এম.আর.দবল্যু.এফ.)তা চৎখ্রে।

প্রধান মন্ত্রী মোদীনা মতম মতমগী মতুং ইন্না মালেমগী ফোরম খুদিংদা অইং অশা হোংবগী মতাংদা ভারতকী পাউজেল থাঙ্গৎলি হায়না মন্ত্রীনা হায়খি। ভারতকী পাক-চাউরবা, তোঙানবা মগুন চেনবা, অমসুং দিজাজতর মেনেজমেন্তকী লমদা লুচিংবা অমা ওইবনা মরম ওইরগা অইং অশা হোংবগুম্বা মালেমগী শিংনবগী মতাংদা ভারতকী ৱারোল তারি হায়না মহাক্না মখা তাখি।

ভারতনা নীংতম্বগী চহি ১০০ মপুং ফাবগী নুংঙাইবা ফোংদোক্তুনা মসিগী মহৈবু মশাগী রিসর্চ অমসুং দিভেলপমেন্ত অমসুং ইন্নোভেসন পাংথোকপগী মতিক্তা লৈরিবা সাইন্তিফিক ওইবা শক্তিদা পীদুনা মথংগী চহি ২৫দা লৈগদবা ভারতকী থাকপু মালেম্না খঙগদবনি অমসুং শৌগৎকদবনি হায়না দাঃ জিতেন্দ্র সিংহনা ফোংদোকখি।

লৈবাক অসিনা লৌশিং মরাং কায়বগী তাঙ্কক অমা লাল্লি অমসুং ভারতকী নহারোলশিংনা সাইন্তিফিক ওইবা ইন্নোভেসন্দা অনৌবা স্কোপ থীদোক্নবা হোৎনরি হায়না মন্ত্রীনা হায়খি। ভারতকী সাইন্তিফিক ওইবা হীরমদা খুমাং চাউশিনবগী খোঙজেল অসি য়াম্না য়াঙই অমসুং মসিগী মহৈ য়াল্লক্তুনা মালেম্না হৌজিক উবা ফংনরে হায়না মহাক্না মখা তানা হায়খি।

ভারতনা ৱেদর ফোর্কাস্ত তৌবগী লমদা ফ্রন্তলাইন্দা লৈবগা লোয়ননা মশাগী য়াম্লবা মীশিং শেন্নরিবা অসিগী ওইনদি মালেমগী ওইনা খ্বাইদগী ফবনি হায়না দাঃ জিতেন্দ্র সিংহনা হায়খি। লৈবাক্কী সাইন্তিস্তশিংদা অহেনবা মায় পাকপা ফংনবগীদমক্তা পুক্নিং থৌগত্তুনা সাইন্স অমসুং তেক্নোলোজীদা খ্বাইদগী অহেনবা মিৎয়েং চঙবা শ্রী নরেন্দ্র মোদীগুম্বা প্রধান মন্ত্রী অমা ভারত্তা লৈরি হায়নসু মহাক্না ফোংদোকখি। ভারতকী নহারোলশিংনা মহৌশাগী ওইনা সাইন্তিফিক তেম্পর লৈগল্লি অমসুং ভারত সরকারনা মখোয়বু অহেনবা এক্সপোজর পীদুনা মখোয়বু পুক্নিং হেন্না থৌগৎনবা খোঙফম চেৎলি হায়না কেন্দ্র মন্ত্রীনা হায়খি।

দাঃ জিতেন্দ্রনা এন.সি.এম.আর.দবল্যু.এফ. কমপ্লেক্সতা চৎখি অমসুং মহাক্কী মফমদা এন.সি.এম.আর.দবল্যু.এফ.কী মকোক থোংবা ওইরিবা দাঃ আশিস কে. মিত্রানা সেন্তর অসিগী খুদোংচাবশিং, মথৌ তৌবগী মওং-মতৌ অমসুং তোঙানবা থবক থৌরমশিংগী মরমদা পাউদমখি। মন্ত্রীগী মফমদা খ্বাইদগী নৌবা কম্প্যুতিং ফেসিলিতী অমসুং এন.সি.এম.আর.দবল্যু.এফ.তা ইং ১৯৮৮তা থমখিবা অমসুং ইং ১৯৯৯ ফাওবা মথৌ পাংথোকখিবা ভারতকী অহানবা সুপরকম্প্যুতর ক্রে এক্স-এম.পি.গী মতাংদসু পাউদমখি।

আর্থ সাইন্স মন্ত্রালয়গী সেক্রেতরী, দাঃ এম. রবিচন্দ্রন্না আর্থ সাইন্স মন্ত্রালয় অমসুং এন.সি.এম.আর.দবল্যু.এফ.কী সেনিয়র ওফিসিএলশিংসু খোঙচৎ অদুদা শরুক য়াখি।

এন.সি.এম.আর.দবল্যু.এফ. অসি ন্যুমেরিকেল মোদেল্লিং অমসুং দেতা এসিমিলেসনগী লমগী সেন্তর ওফ এক্সেলেন্স ওইবগা লোয়ননা দেতা এসিমিলেসনগী থবক পাংথোকপা মালেমগী অসিগুম্বা সেন্তর ১১-১২গী মনুংদা অমনি। সেন্তর অসিনা নেস্নেল নোলেজ নেতৱর্ক্কী (এন.কে.এন.) তোপ য়ুজরশিংগী মরক্তা অমসু ওইরি।

*****