نئی دہلی،  23/جون 2022 ۔ سائنس اور ٹیکنالوجی، ارضیاتی سائنسز  کے مرکزی وزیر مملکت (آزادانہ چارج)،  وزیر اعظم کے دفتر، عملہ، عوامی شکایات، پنشن، جوہری توانائی اور خلا کے وزیر مملکت ڈاکٹر جتیندر سنگھ نے آج کہا کہ وزیر اعظم نریندر مودی کی قیادت میں بھارت، آب و ہوا سے متعلق مسائل کو حل کرنے میں دنیا کی قیادت کر رہا ہے۔ وزیر موصوف بھارت کے پریمیئر اور دنیا کے سب سے زیادہ اپ گریڈ شدہ اداروں میں سے ایک، نوئیڈا میں واقع ’’نیشنل سینٹر فار میڈیم رینج ویدر فورکاسٹ‘‘ (این سی ایم آر ڈبلیو ایف) کے دورے پر تھے۔

وزیر موصوف نے کہا کہ وزیر اعظم مودی نے وقتاً فوقتاً ہر عالمی فورم پر موسمیاتی تبدیلی کے مسئلے پر بھارت کی آواز مضبوطی سے اٹھائی ہے۔ انھوں نے کہا کہ بھارت کے وسیع رقبے، تنوع، تفاوت اور قدرتی آفات سے نمٹنے میں ایک رہنما ہونے کے پیش نظر، دنیا موسمیاتی تبدیلی جیسے عالمی چیلنجوں کے لیے بھارت کی طرف دیکھ رہی ہے۔

ڈاکٹر جتیندر سنگھ نے کہا کہ

دنیا کو تحقیق  و ترقی نیز اختراعی استعداد میں اس کی سائنسی صلاحتو ں کا اعتراف کرتے ہوئے اگلے 25 سالوں میں بھارت کے اعلیٰ مقام کو تسلیم کرنا چاہئے اور اس کی تعریف کرنی چاہئے، جب بھارت اپنی آزادی کا صد سالہ جشن منائے گا۔

وزیر موصوف نے نوٹ کیا کہ ملک علمی دھماکوں کے ایک مرحلے سے گزر رہا ہے جس کے شوقین بھارتی نوجوان سائنسی اختراعات میں نئے مواقع تلاش کرنے کے خواہاں ہیں۔ انھوں نے کہا کہ بھارت میں سائنسی ترقی کی رفتار حیران کن ہے جس کے ثمرات دنیا کو دکھائی دینا شروع ہو گئے ہیں۔

ڈاکٹر جتیندر سنگھ نے کہا کہ بھارت موسم کی پیشین گوئی کے شعبے میں صف اوّل میں شامل ہے اور اتنی بڑی اور متنوع آبادی کی ضرورتوں کی تکمیل کرنے میں دنیا میں سب سے بہتر ہے۔ انھوں نے کہا کہ ملک میں جناب نریندر مودی کے طور پر ایک ایسے وزیر اعظم ہیں جو سائنس اور ٹکنالوجی کو اعلیٰ ترجیح دیتے ہیں اور  ملک کے سائنسدانوں کی زیادہ سے زیادہ کامیابی حاصل کرنے کے لئے حوصلہ افزائی کرتے ہیں۔ مرکزی وزیر کا خیال تھا کہ بھارتی نوجوان قابلیت کے لحاظ سے سائنسی مزاج رکھتے ہیں اور حکومت ہند بھی وسیع تر ایکسپوزر دے کر ان کی حوصلہ افزائی کے تئیں پرعزم ہے۔

ڈاکٹر جتیندر سنگھ نے این سی ایم آر ڈبلیو ایف کمپلیکس کے اردگرد چہل قدمی کی اور انھیں این سی ایم آر ڈبلیو ایف کے سربراہ ڈاکٹر آشیش کے مترا نے سہولیات، کام کاج اور مختلف سرگرمیوں کے بارے میں بتایا۔ وزیر موصوف کو کمپیوٹنگ کی جدید ترین سہولت اور بھارت کے پہلے سپر کمپیوٹر کریزی ایکس- ایم پی کے بارے میں بھی بتایا گیا، جو 1988 میں این سی ایم آر ڈبلیو ایف میں نصب کیا گیا تھا اور 1999 تک کام کر رہا تھا۔

ارضیاتی سائنس کی وزارت کے سکریٹری ڈاکٹر ایم روی چندرن بھی ارضیاتی سائنس اور این سی ایم آر ڈبلیو ایف کے سینئر عہدیداروں کے ساتھ دورے کے دوران موجود تھے۔

این سی ایم آر ڈبلیو ایف نومیریکل ماڈلنگ اور ڈیٹا کے انضمام کا ایک مرکز ہے اور یہ دنیا کے 11-12 ایسے مراکز میں سے ایک ہے جو ڈیٹا کو اکٹھا کرتے ہیں۔ یہ مرکز نیشنل نالج نیٹ ورک (این کے این) کے سرفہرست صارفین/ یوزرس میں سے ایک ہے۔

******

ش ح۔ م م۔ م ر

U-NO.6832