রোদ ত্রান্সপোর্ত অমসুং হাইৱে মন্ত্রালয়
ইনফ্রাস্ত্রকচর শেমগৎপদা ‘ক্বালিতী’দা মীৎয়েঙ চঙননবগীদমক্তা অনৌবা ৱাখল্লোন, থিজিনবদা ফংলকপা অমসুং তেক্নোলোজীগী ইনোভেসন বেঙ্ক লিংখৎনবা ৱাফম শ্রী নিতিন গারকরিনা হৌদোকখ্রে
Posted On:
17 JUN 2022 12:53PM by PIB Imphal
রোদ ত্রান্সপোর্ত অমসুং হায়ৱেজকী কেন্দ্র মন্ত্রী শ্রী নিতিন গারকরিনা ইনফ্রাস্ত্রকচর শেমগৎপদা ‘ক্বালিতী’দা মীৎয়েঙ চঙননবগীদমক অনৌবা ৱাখল্লোন, থিজিনবদা ফংলকপা অমসি তেক্নোলোজীগী ওইবা ইনোভেসন বেঙ্ক লিংখৎনবা ৱাফম অমা হৌদোরকখ্রে। ইন্দিয়ন রোদ কংগ্রেস (আই.আর.সি.)গী ২২২শুবা মিদ-তর্ম কাউন্সিল মীফম হৌদোকপগী থৌরমদা ভর্চুএল ওইনা ৱা ঙাঙলদুনা মহাক্না আই.আর.সি.দগী অনৌবা থৌরাংগীদমক থাজবা থম্লি অমদি ইঞ্জিনিয়র পুম্নমক্কীদমক্তা ইনোভেসন হায়বসিনা পুক্নিং চঙশিনবগদবা হীরম্নি হায়না ফোঙদোকখি। আই.আর.সি.না আই.আই.তি.শিং অমসুং মালেমগী লৈরিবা ইন্সতিত্যুসনশিংগী মতেঙগা লোয়ননা মালেমগী থাক্কী ওইবা খ্বাইদগী ফবা মখলগী লেবোরেতরী অমা শেমগৎফম থোকই হায়না মহাক্না হায়খি।
ভারতপু দোলর ত্রিলিয়ন ৫গী শেন্মিৎলোন ওইহন্নবগী প্রধান মন্ত্রী নরেন্দ্র মোদীগী মঙলান অসি মঙফাওনহনবদা ইনফ্রাস্ত্রকচর শেমগৎপা হায়বসিগী মরুওইবা থৌদাং অমা লৈরি অমদি লম্বী থোংগী ফীভম ফগৎপনা লমদম অদুগী চাওখৎপগা হকথেংননা মরী লৈনৈ হায়না শ্রী নিতিন গারকরিনা ফোঙদোকখি। লম্বী থোংনা মীওইবা, নাৎ অমসুং খুন্নাইবু শম্নহল্লি অমদি খুন্নাই-শেন্মিৎলোন চাউখৎপা পুরক্তুনা নুংঙাই য়াইফবা পুরকই হায়না মহাক্না হায়খি।
হৌখিবা চহি ৮সিদা নেস্নেল হায়ৱেশিংগী অশাংবা ২০১৪দা কিলোমিতর ৯১,০০০ লৈরমবদগী হৌজিক কিলোমিতর লাখ ১ও৪৭ ওইদুনা ৫০% হেন্না হেনগৎলে হায়বা ৱাফমসু মন্ত্রীনা থমখি। ঐখোয়গী লৈঙাক অসিনা ২০২৫ ফাওবদা নেস্নেল হায়ৱেগী নেতৱর্ক অসি কিলোমিতর লাখ ২ ফাওবগী চাংদা পাকথোক চাউথোকহন্নবা কত্থোকপগা লোয়ননা হোৎনরি হায়না মহাক্না হায়খি। হৌখিবা চহি ৮সিদা ঐখোয়গী কাঙবুনা মশিং য়াম্লবা ৱর্ল্দ রেকোর্দ শেমখ্রে হায়না মহাক্না মখা তাখি।
লৈঙাক অসিনা অৱাং নোংপোক লমদমদা চাউখৎপা পুরক্নবগীদমক চপ য়ুংনা লেপ্লি হায়না শ্রী গারকরিনা হায়খি। এন.ঐচ.আই.দি.সি.এল.না লমদম অসিদা ইনফ্রাস্ত্রকচর শেমগৎপদা মরুওইবা থৌদাং অমা লৌরি হায়না মহাক্না ফোঙদোকখি। লমদম অসিদা লৈরিবা নেস্নেল হায়ৱেগী শরুক অসি ১০%নি। হৌজিক ফাওবদা হায়ৱে কিলোমিতর ২৩৪৪ লুপা করোর ৪৫,০০০ চঙনা শেমখ্রে হায়না মহাক্না হায়খি।
ঐখোয়না শেমগৎ শাগৎপদা মালেমগী খ্বাইদগী ফবা অমদি খ্বাইদগী মায় পাক্লবা তেক্নোলোজী অমসুং অনৌবা মচাক মথুমশিং শীজিন্ননবা শেম শাদুনা লৈরে হায়না মন্ত্রীনা ফোঙদোকখি। মায় পাক্লে খঙলবা তেক্নোলোজী শীজিন্নবা অমদি শেমগৎ শাগৎপগী মমল হন্থহনবা হায়বা অনিসিনা ঐখোয়বু থৌদুনা চৎলিবা খ্বাইদগী মরুওইবা শাফুশিংনি হায়না মহাক্না হায়খি। ঐখোয়না ক্বালিতী মাঙহন্দনা শেমগৎ শাগৎপগী মমল হন্থহন্নবা হোৎনবা মথৌ তাই হায়নসু মহাক্না মখা তাখি।
শেমগৎ শাগৎপা অমদি শীজিন্নবা মতমদা কার্বোন ফুৎপ্রিন্ত অমদি অকক্নবা চাংদা লৈরিবা মহৌশাগী লনথুমশিং মাঙহন-তাকহনবগী চাং হেক য়ারিবমখৈ হন্থহন্নবা হোৎনগদবনি হায়না শ্রী গারকরিনা হায়খি। মহৌশাগী খল অমসুং অকোয়বগী ফীভম মাঙহন তাকহন্দুনা চাওখৎপা পুরকপা হায়বসি ঐখোয়না য়াবা ঙম্লোইদবা ৱাফম্নি হায়না মহাক্না ফোঙদোকখি। স্তীল অমসুং সিমেন্তকী মহুৎ শিনবা য়াবা তুং কোইনা চৎকদবা পোৎলমশিং ফংননবা থিগদবনি হায়বা ৱাফমসু মহাক্না থমখি।
রোদ সেফ্তী হায়বসি লৈঙাক অসিগী য়াম্না লূম্না লৌবা ৱাফম অমনি হায়না মন্ত্রীনা ফোঙদোকখি। ঐখোয়না স্পেসিফিকেসন্দা রোদ ইঞ্জিনিয়রিংগা মরী লৈনবা মালেমগী অফবা থৌওংশিং অমসুং চৎন-পথাপশিং লৌশিনবা মথৌ তাই, হায়না মহাক্না মখা তাখি।
*****
(Release ID: 1834763)
Visitor Counter : 177