কেন্দ্রগী হকশেল অমসুং য়াইফ-য়ুম্বাল মন্ত্রালয়গী রাজ্যগী মন্ত্রী দাঃ ভারতি প্রভিন পৱারনা ঙসি মনিপুরগী হকশেল মন্ত্রী দাঃ সাপম রঞ্জন সিংহনা শরুক য়াবগা লোইননা  ইন্তেন্সিফাইদ দাইরিয়া কন্ত্রোল ফোর্তনাইৎ (আই.দি.সি.এফ.) - ২০২২ হৌদোকখ্রে। আই.দি.সি.এফ. প্রোগ্রাম অসি রাজ্য/য়ূ.তি.শিংদা জুন ১৩দগী জুন ২৭ ফাওবা পাঙথোক্লি। আই.দি.সি.এফ.কী পান্দমদি অঙাং ওইরিঙৈ খোং হামথবনা মরম ওইদুনা অঙাং অমত্তা শিহন্দবা হায়সিনি।

থৌরম অসিদা ৱা ঙাংলদুনা রাজ্যগী মন্ত্রীনা হায়খি মদুদি " ইকাইখুম্নজরিবা প্রধান মন্ত্রীনা লমজিংবীদুনা ভারত সরকারগী শীংথানিংঙাই ওইরবা থৌরাং কয়াগী মহৈ ওইনা, এস.আর.এস. – ২০১৯গী খ্বাইদগী নৌবা রিপোর্তকী মতুং ইন্না, অঙাং ওইনা শিবগী চাং অসি লৈবাক অসিদা ২০১৪গী মতুংদগীদি খম থেংনা হন্থরে। হায়রিবা চাং অসি ২০১৪দা অঙাং ১০০০ পোকপগী মনুংদা ৪৫ ওইরম্বদগী ২০১৯দা অঙাং ১০০০ পোকপদা ৩৫দা হন্থরকখি। অদুবু ঙসি ফাওবদা, খোং হামথবগা মরী লৈনবা লাইনা হায়বসিনা চহি মঙাগী মখাদা লৈবা অঙাংশিংনা শিবগী অচৌবা মরম অমা ওইরি", হায়বা মহাক্না মখা তাখি। দাঃ পৱারনা পনখি মদুদি "দিহাইদ্রেসন হায়বসি অঙাংশিংদা খোং হামথবগী খ্বাইদগী চাউবা মরম ওইরি অমসুং অতোপ্পা মরমশিংদা খোম্লাং পীথক্লিঙৈ মমাগী চীঞ্জাক হোংলকপদা ইন্নবা য়ানবা অঙাংগী মচীঞ্জাক হোংলকপসু য়াওরি; অঙাংশিংদা এন্তিবাইওতিক শীজিন্নবা, নৎত্রগা মমানা খোম্লাং পীথলিঙৈদা নত্রগা বেক্তিরিএল নৎত্রগা পেরাসাইতিক ইনফেক্সন মখল অমহেক্তা শীজিন্নবা।"

ঙাকথোকহৌনবা অমসুং থেংনহৌনবা পাম্বৈশিংগী মরু ওইবা পুথোক্লদুনা দাঃ পৱারনা হায়খি মদুদি "মন্ত্রালয় অসিনা পাঙথোকখিবা খ্বাইদগী নৌবা সর্ভে (এন.এফ.ঐচ.এস.-৫)কী মতুং ইন্না, খোং হামথরিবা চহি মঙাগী মখাদা লৈবা অঙাং ৬০.৬% খক্তবু ও.আর.এস. পীথক্লি অমসুং ৩০.৫% খক্তনা জিঙ্ক পীথক্লি। মসিনা তাক্লি মদুদি মমাশিংগী মরক্তা ভাপ তাহনবা ৱাৎলি হায়বনি।" মহাক্না মীয়াম ভাপ তাহন্নবা হোৎনবগী তঙাইফদবা লৈ হায়খি, মসিনা খোং হামথবনা মরম ওইদুনা অঙাং শিবগী চাং অসি নেম্না লৈহনবা ঙমগনি।

হায়রিবা অসিমক ফংবা ঙম্বনবগী পান্দমদা কেন্দ্র লৈঙাক্না লৌরিবা ফিরেপ অমসুং থৌদাংশিংবু পল্লদুনা মহাক্না হায়খি মদুদি ইন্তেন্সিফাইদ দাইরিয়া কন্ত্রোল ফোর্তনাইৎ (আই.দি.সি.এফ.) অসি ২০১৪দগী হৌদুনা 'অঙাং ওইরিঙৈ মতমদা খোং হামথবনা মরম ওইদুনা শিবগী মশীং অসি জিরোদা পুরকপা' হায়বা পান্দম অসিদা পাঙথোক্লক্লি। খোং হামথবগী চাং অসি য়াম্না ৱাংবা মরম্না মসিগী ফোর্তনাইৎ অসি কালেন/মোন্সুন থাগী মনুং অসিদা অখন্ননা পাঙথোক্লি, মসিনা ঙাকথোক্নবা উপাইশিং অসি লৌখৎপা য়াগনি। মহাক্না মখা তানা হায়খি মদুদি "তোঙান-তোঙানবা গবর্নান্সকী থাক্তা অহেনবা শাফু পীনবা মীয়াম ভাপ তাহন্নবা রেলি অমসুং মহৈলোইশঙ, রাজ্য অমসুং জিল্লাগী থাক্তা লুচিংবা অসিনচিংবা কয়ানা হৌদোকপা চাংদম্নবগুম্বা তোঙান-তোঙানবা সেক্তরদগী শরুক য়াবনা হায়রিবা পান্দম অসি ফংবদা কান্নগনি।" দাঃ পৱারনা হায়খি মদুদি খোঙ হামথবা হায়বসি অফবা ঈশিং থকপা, খোম্লাং পীথকপা/চান্নবা মচি ওইবা চীঞ্জাক পীজবা, খুৎ হাম্বা অসিনচিংবা লু নানবগী খোংথাংশিং লৌখৎপনা ঙাকথোকপা ঙমগনি। হায়রিবশিং অসিসু স্বছ ভারত মিসনগুম্বা খোংথাংগী থোংদা মরুওইবা তাক্লি। হায়রিবা অপীকপা লমচৎ হোংবগী খোংথাং অসিনা পীক্লিঙৈদা শিবগী চাং হন্থহনবদা ভারত্তা অদুক্কী মতীক মতেং পাংগনি, হায়না মহাক্না পনখি। আই.দি.সি.এফ. হায়বসিদা রাজ্য অমসুং য়ূ.তি.শিংদা খোং হামথবনা মরম ওইদুনা শিবা ঙাকথোক্নবা অমসুং থিংননবা অহকপা থৌরাংশিংগী পরিং অমা য়াওরি। হায়রিবা থৌরাংশিং অসিদা মরুওইনা দাইরিয়া মেনেজমেন্তকী এদভোকেসী কনখৎহনবা অমসুং মীয়াম ভাপ তাহন্নবা থবকশিং, দাইরিয়া কেস মেনেজমেন্ত মপাংগল কনখৎহন্নবা সর্ভিস প্রোভিজন, ও.আর.এস.-জিঙ্ক কোর্নরশিং হাংদোকপা, অঙাং চহি মঙাগী মখাদা লৈবা য়ুমশিংদা আশাশিংনা ও.আর.এস. পীবা অমসুং লু হানবা অমসুং সেনিতেসনগী মীয়াম ভাপ তাহন্নবা থবকশিং য়াওরি।

আই.দি.সি.এফ. থৌরাংগী মরুওইবা থবকশিংগী মরক্তা অমা ওইরিবদি আশা, এ.এন.এম. অমসুং অঙ্গনৱাদি ৱার্করশিংনা পায়খৎলিবা ফীল্দ ৱার্কশিং অসিনি। ফীল্দ ৱার্করশিংনা অঙাং চহি মঙাগী মখাদা লৈবা ইমুংশিংদা চৎলি অমসুং দাইরিয়া তৌবা মতমদা জিঙ্ক অমসুং ও.আর.এস. ময়োম পীবগী মতাংদা ভাপ তাহল্লি। মখোয়না লু নানবগী থবক, খোম্লাং পীথকপগী মতাং অমসুং ও.আর.এস. মতৌ করম্না শেমগনি হায়বগী মতাংদসু মমাশিংগী ওইবা মীয়ামগী মীফমশিংদা পাঙথোকই।

শ্রী রাজেশ ভুসন, সেক্রেতরী (হকশেল), মিস রোলি সিংহ, এদিসনেল সেক্রেতরী, শ্রী পি. অশোক বাবু, জোইন্ত সেক্রেতরী, কেন্দ্রগী হকশেল মন্ত্রালয়, শ্রী ভি. ভুম্লুন্মাং প্রিন্সিপাল সেক্রেতরী হকশেল অমসুং য়াইফ-য়ুম্বাল, মনিপুর সরকার অমসুং রাজ্য/য়ু.তি.শিংদগী মকোক থোংবা ওফিসিএলশিংনা মীফম অদুদা শরুক য়াখি।  

*****