নেস্নেল মোন্যুমেন্তস ওথোরিতীগী মপুং ফারবা তীম অমনা অরিবা মোন্যুমেন্তশিং মরু ওইনা অরুনাচল প্রদেশকী তিবেত-চাইনা রিজনগী ঙমখৈদা লৈরিবা মফমশিং অদুদা ২০২২গী জুন ১৪দগীনা ১৮ ফাওবা চৎলগনি। তীম অসিনা লিজেন্দশিং অমসুং চিলহায় ওইনা থাংথরকপা পুৱারীগী খুত্থাংদা লৈবাক অসিগী অতোপ্পা শরুক কয়া অমগা শম্নহল্লিবা অরুনাচল প্রদেশকী মশাগী লমদম অদুগী নাতকী ওইবা থজনবা চৎনবীগী মফমশিং খঙদোক্নবা লোকল ত্রাইবলগী লুচিংবশিংগসু উনরগনি। মপুং ফারবা এন.এম.এ.গী তীম অসিদা  চেয়রমেন শ্রী তরুন ৱিজয়গী মথক্তা মেম্বর অনি, শ্রী হেমরাজখামদারন্দ, প্রোফেসর কৈলাশ রাও য়াওগনি।

শ্রী তরুন ৱিজয়না হায়খি মদুদি হায়রিবশিং অসিগী মপুং ওইবা থৌদাং লৌখিবসি প্রধান মন্ত্রী, শ্রী নরেন্দ্র মোদীনা চহিগী ওইবা য়াত্রা অমা অরুনাচল প্রদেশতগী গুজরাতকী পোর্বান্দর ফাওবগী হৌদোকখি, মসিনা য়াম্না নুংঙাইগদবা অমসুং লৌশিং ওইনিংঙাই ওইবা মওংদা রুকমনিগী লিগেসীদা লৈরিবা চৎনবীগী ওইবা অচেৎপা মরী অদুবু হেন্না মপাঙ্গল কনখৎহন্নে। মহাক্না হায়খি মদুদি অরুনাচল প্রদেশ অসি হেরিতেজ প্রোতেক্সন অমসুং কেন্দ্রনা ঙাকশেন্দুনা থম্বা নেস্নেল আর্কিয়োলোজিকেল সাইতশিংগী লিস্ততা অনৌবা মোন্যুমেন্তশিং হাপচিনবগা মরী লৈনবা হীরমশিং অসিদা য়াম্না শোত্থনা লৈহৌরে। লমদম অদুগী মশিং য়াম্লবা থজনব আচৎনবীশিং অমসুং মখোয়গী মোন্যুমেন্তশিং, গুজরাতকী খ্বাইদগী নোংচুপ থংবা সমুদ্র খোংবান অমসুং লৈবাক অসিগী অতোপ্পা শরুকশিংগা শম্নহল্লিবা তেঞ্জিবল অমসুং ইনতেঞ্জিবল হেরিতেজ অদুবু উবীদনা অমসুং মশক খঙবীদনা লৈরক্লি।  

এন.এম.এ.গী তীম অসিনা ত্রাইব কয়া অমগী খুঙ্গংগী অহলশিং অমসুং লুচিংবশিংগা উনরগনি, মখোয় খুদিংমক্না মখোয়গী অরিবা মোন্যুমেন্তশিংগী খুত্থাংদা মেনলেন্দ ইন্দিয়াগা ধর্মা অমসুং কলচরগী ওইবা মরী লৈরম্বগে হায়বগী মতাংদা য়াম্না নুংঙাইবা ৱারীশিং লৈ। কলচরগী মন্ত্রী আমসুং প্রধান মন্ত্রীদা কেন্দ্রনা ঙাকশেন্দুনা থম্বা মোন্যুমেন্তশিংগী লিস্ততা অনৌবা হাপচিন্নবা হায়জরদুনা অমসুং অজাদি কা অমৃত মাহোতসবকা মরী লৈননা লৈবাক অসিগী অপুনবগী শক্তম অদুবু হেন্না কনখৎহন্নবা কলচরেল তুরিজম সাইতশিং খঙদোক্লদুনা রিপোর্ত অমা থাগৎলগনি হায়না শ্রী তরুন ৱিজয়না ফোংফোরকখি। পারুশুরাম কুন্দ, বিশমকনাগর, ভালুকপোং অমসুং তাৱাং হায়রিবশিং অসিনা অরুনাচল প্রদেশপু গুজরাত, গোৱা, কেরলা অমসুং য়াদৱা কম্যুনিতীগা মরী লৈনহল্লিবা আর্কিয়োলোজীগী ওইনা মরু ওইবা লমদম অদুগী ওইবা সাইতশিংনি।

*****