आज सकाळी सात वाजता प्राप्त झालेल्या तात्पुरत्या अहवालानुसार, भारताची कोविड-19 लसीकरणाची व्याप्ती 195.07 कोटीहून अधिक (1,95,07,08,541) पर्यंत पोहचली आहे. 2,50,27,810 सत्रांच्या माध्यमातून हे यश साध्य करण्यात आले आहे.

12 ते 14 वयोगटातील मुलामुलींसाठी 16 मार्च 2022 पासून कोविड-19 विरोधी लसीकरण सुरू झाले. आतापर्यंत, 3.51 कोटी (3,51,25,475) हून अधिक पौगंडावस्थेतील मुलामुलींना कोविड-19 विरोधी लसीची पहिली मात्रा देण्यात आली आहे. त्याचप्रमाणे, 18 ते 59 वयोगटातील लोकांना  कोविड-19 खबरदारीचा डोस देण्यास 10 एप्रिल 2022 रोजी सुरूवात झाली.

आज सकाळी 7 वाजता प्राप्त झालेल्या तात्पुरत्या अहवालानुसार आलेला एकत्रित आकडेवारी खालीलप्रमाणे :

भारतात सध्या उपचार घेत असलेल्या रूग्णांची संख्या 44,513 इतकी असून अशा रूग्णांची संख्या देशातील एकूण पॉझिटिव्ह रूग्णांच्या 0.10% इतकी आहे.

परिणामी, भारताचा कोविडमधून रूग्ण  बरे होण्याचा दर 98.68% इतका आहे. गेल्या 24 तासात,  4,435 रूग्ण बरे झाले असून बरे झालेल्या रूग्णांची एकत्रित संख्या (कोरोना महासाथ सुरू झाल्यापासून) सध्या 4,26,52,743 इतकी आहे.

गेल्या 24 तासात 8,582 नवीन रूग्णांची नोंद देशभरात झाली आहे.

गेल्या 24 तासात,  एकूण 3,16,179  इतक्या कोविड-19 चाचण्या करण्यात आल्या असून भारताने आतापर्यंत 85.48 कोटी (85,48,59,461)  इतक्या चाचण्या करण्यात आल्या आहेत.

देशात साप्ताहिक पॉझिटिव्हिटी दर सध्याच्या घडीला 2.02% इतका असून दैनंदिन पॉझिटिव्हिटी दर 2.71% असल्याची नोंद झाली आहे.

***

S.Tupe/R.Agashe/P.Kor

*** 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com