ٹارگیٹڈ علاقوں میں طلباء کے لیے رہائشی تعلیم کی اسکیم (شریشٹھ) اس مقصد کے ساتھ وضع کی گئی ہے کہ آئینی مینڈیٹ کے مطابق درج فہرست ذات کے غریب ترین طلباء کو بھی معیاری تعلیم اور مواقع فراہم کیے جائیں۔ درج فہرست ذات برادریوں کے طلباء، طویل عرصے سے عدم مساوات کا شکار تھے، انہیں معیاری تعلیم سے دور رکھا گیا تھا اور انہیں ایسی صورتحال کا سامنا تھاجو کہ مناسب تعلیم کی کمی کی وجہ سے آنے والی نسلوں کے لیے نقصانات کو برقرار رکھتی ہے۔ بغیر کسی امتیاز کے تعلیمی سہولیات فراہم کی حکومتی کوششوں نے قریب قریب آفاقی رسائی حاصل کرنے میں اچھا کام کیا ہے۔ تاہم، معیاری تعلیم تک رسائی فراہم کرنے کا مقصد، جو ایک یکساں کھیل کا میدان فراہم کرتا ہے، ابھی تک حقیقت سے بہت دور ہے۔ ٹارگیٹڈعلاقوں (شریشٹھ) کے ہائی اسکولوں میں طلباء کے لیے رہائشی تعلیم کی اسکیم کا تصور درج فہرست ذات برادریوں کے ہونہار غریب طلباء کو اعلیٰ معیار کی رہائشی تعلیم تک رسائی فراہم کرنے کے لیے کیا گیا ہے، جن کے والدین کی سالانہ آمدنی 2.5 لاکھ روپے سالانہ تک کی ہے۔انہیں کلاس 9ویں سے کلاس 12ویں تک مفت تعلیم فراہم کیجائےگی۔

2. اس کے تحت، ہر سال ریاستوں / مرکز کے زیر انتظام علاقوں میں ایس سی طلباء کی ایک مخصوص تعداد (تقریباً 3000) کا انتخاب نیشنل ٹیسٹنگ ایجنسی (این ٹی اے) کے ذریعہ منعقدہ نیشنل انٹرنس ٹیسٹ برائے شریشٹھا (این ای ٹی ایس) کے شفاف طریقہ کار کے ذریعے کیا جاتا ہے۔ منتخب طلباء کو 12ویں جماعت تک تعلیم کی تکمیل کے لیے سی بی ایس ای سے منسلک بہترین پرائیویٹ رہائشی اسکولوں میں 9ویں اور 11ویں کلاس میں داخلہ دیا جاتا ہے۔

3. اس کے بعد، طلباء کو وزارت کی پوسٹ میٹرک اسکالرشپ اسکیم یا ٹاپ کلاس ایجوکیشن اسکیم سے منسلک کیا جاسکتا ہے تاکہ وہ حکومت ہند سے مناسب مالی امداد کے ساتھ اپنی مزید تعلیم جاری رکھ سکیں۔

4. اسکولوں کے انتخاب کے لیے، وزارت نے ایک کمیٹی کے ذریعے، جس میں وزارت تعلیم اور سی بی ایس ای اور محکمہ کے مالیاتی ڈویژن کے نمائندے شامل ہیں، سی بی ایس ای سے وابستہ بہترین کارکردگی والے نجی رہائشی اسکولوں کا انتخاب کیا ہے، جو بعض پیرامیٹرز کی بنیاد پرکیا گیا ہے (i) جواسکول کم از کم پچھلے 5 سالوں سے موجود ہیں، (ii) اسکولوں کے بورڈز کے نتائج گزشتہ 3 سالوں سے 10ویں اور 12ویں جماعت میں 75فیصد سے زیادہ رہے ہیں، اور (iii) اسکولوں کے پاس ایس سی میں 9ویں اور 11ویں جماعت کے طلباء کے اضافی داخلے کے لیے کافی انفراسٹرکچر موجود ہے۔

5. اسکیم میں طلبہ کے معیار کو یقینی بنانے کے لیے، محکمہ نے نیشنل ٹیسٹنگ ایجنسی (این ٹی اے) سے آل انڈیا انٹرنس امتحان کی بنیاد پر طلبہ کو طلب کرنے کا فیصلہ کیا ہے، جو جے ای ای/این ای ای ٹی سمیت تمام بڑے امتحانات کا انعقاد کرتی ہے اور ایس ایس سی اور دیگر کے ذریعے حکومت کے لیے ملازمین کا انتخاب بھی کرتی ہے۔ ۔ اس اسکیم کے تحت منتخب طلباء کو این آئی سی اور این ٹی اے کی طرف سے ای کونسلنگ کے عمل کے ذریعے ان کی پسند کے مطابق ان کے تعلیمی سلسلےکو آگے بڑھانے کے لیے ملک بھر کے بہترین نجی رہائشی اسکولوں کی پیشکش کی جاتی ہے۔ طلباء کو اپنی پسند کے سی بی ایس ای سے منسلک پرائیویٹ رہائشی اسکولوں میں داخلہ حاصل کرنے کے لیے ای کونسلنگ کے دو راؤنڈ کا سامنا کرنالازمی قرار دیے گئے ہیں۔ وزارت نے اسکیم کے لیے این آئی سی اور این آئی سی آئی کے ساتھ مفاہمت کی ایک یادداشت پر عمل کیا ہے۔ سکیم I میں منتخب طلباء کو کسی قسم کی مشکلات سے بچنے اور اسکولوں کو سہولت فراہم کرنے کے لئے، پورے سال کی فیس بشمول ہاسٹل فیس، ایک ہی بار میں ادائیگی کے انتظامات کو اس اسکیم میں آسان طریقہ اور بغیر دستاویزات کے شامل کیا گیا ہے کہ منتخب اسکول خود کو رجسٹر کریں گے۔ انودان پورٹل پر اور شریشٹھ طلباء کے سلسلے میں اپنا فیس کے کلیم جمع کرائیں گے۔ طلباء کے مطلوبہ دستاویزات کو ای - انودان پورٹل پر این ٹی اے پورٹل کے ای - انودان پورٹل کے ساتھ انضمام کے ذریعے حاصل کیا جائے گا۔

6. وزارت کا ارادہ ہے کہ 9ویں سے 12ویں جماعت تک رہائشی سہولت (ہاسٹل) والے سی بی ایس ای پر مبنی پرائیویٹ اسکولوں میں اعلیٰ معیار کی تعلیم فراہم کرنے کے لیے سہولیات فراہم کرکے، غریب اور ہونہار ایس سی طلباء کو مساواتی میدان فراہم کرنا ہے۔ اسکول کی فیس اور ہاسٹل کی فیس سمیت کھانے کے اخراجات کی پوری قیمت، حکومت ہند برداشت کرے گی۔ اسکیم کے تحت طلباء اپنے تعلیمی ماہرین کے لیے ملک بھر میں کسی بھی اسکول کا انتخاب کرسکتے ہیں۔

7. اس اسکیم میں 3 ماہ کی مدت کے برج کورس کے لیے، ریاستی اسکولوں، دیہی علاقوں یا علاقائی زبان کے اسکولوں سے سی بی ایس ای پر مبنی اسکولوں میں شامل ہونے والے طلباء کے لیے، نئے ماحول میں ڈھالنے کے انتظامات بھی شامل کیے گئے ہیں۔ منتخب اسکول، اس بات کو یقینی بنانے کے لیے کہ اس اسکیم کے ایس سی طلباء، کلاس میں موجود باقی طلباء سے مل سکتے ہیں، انفرادی تعلیمی تقاضوں کی نشاندہی کرنے کے بعد برج کورس، اسکول کے باہر، اسکول کے گھنٹوں کے اندر منعقد کیا جانا چاہیے۔ وزارت، برج کورس کے سالانہ چارج کے 10فیصد کی اضافی قیمت ادا کرے گی۔

8. طلباء کے لیے وظائف اسکول کی فیس ( ٹیوشن فیس سمیت) ​​اور ہاسٹل فیس (میس چارجز سمیت) کا احاطہ کریں گے جو کہ ذیل میں دی گئی زیادہ سے زیادہ حدوں کے ساتھ مشروط ہیں:

9. وظائف، ہر مالی سال کی پہلی سہ ماہی میں، براہ راست اسکولوں کو ایک قسط کی شکل میں جاری کیے جائیں گے۔ وزارت وقتاً فوقتاً طلبہ کی ترقی پر نظر رکھے گی۔ اسکیم کو ڈی بی ٹی موڈ میں سمجھا جائے گا۔

*****

U.No.6031

(ش ح - اع - ر ا)