کوئلہ کی وزارت نے کوئلے کی نقل و حمل میں صاف ستھرے ماحول کے پیش نظر، ریل کے زیادہ استعمال کو رفتار بخشی ہے اور ملک میں کوئلے کی سڑک کی نقل و حرکت کو بتدریج متروک کرنے کی نئی کوششیں شروع کی ہیں۔ گرین فیلڈ کوئلہ والے علاقوں میں نئی ​​براڈ گیج ریل لائنوں کی منصوبہ بند تعمیر، نئے لوڈنگ پوائنٹس تک ریل روابط کو بڑھانا اور کچھ معاملات میں ریل لائنوں کو دوگنا اور تین گنا کرنے سے ریل کی صلاحیت میں کافی اضافہ ہوگا۔

وزیر اعظم نے اکتوبر 2021 میں بنیادی ڈھانچے کی ترقی کے لیے گتی شکتی -نیشن ماسٹر پلان کا آغاز کیا تھاجس کا مقصد مختلف وزارتوں کو ایک ساتھ یکجا کرنا اور مربوط منصوبہ بندی اور بنیادی ڈھانچے کے رابطے کے پروجیکٹوں کے مربوط نفاذ کے لیے راہ ہموار کرنا ہے۔ یہ مختلف وزارتوں اور ریاستی حکومتوں کی بنیادی ڈھانچے کی اسکیموں کو شامل کرے گا اور مقامی منصوبہ بندی کے آلات سمیت وسیع پیمانے پر ٹیکنالوجی کا فائدہ اٹھائے گا۔

پی ایم گتی شکتی کے ہدف کے مطابق، کوئلہ کی وزارت نے ملٹی موڈل کنیکٹیویٹی کو فروغ دینے کے لیے 13 ریلوے پروجیکٹ شروع کیے ہیں اور ہر پروجیکٹ کے لیے بنیادی ڈھانچے کی کمی کی نشاندہی کی ہے۔ ہائی امپیکٹ پروجیکٹس کے تحت این ایم پی پورٹل میں ریلوے کے چار پروجیکٹ کامیابی کے ساتھ نقشہ بند کیے گئے ہیں جو جھارکھنڈ اور اڈیشہ کی ریاستوں میں تیار کیے جائیں گے اور تمام تجارتی کان کنوں کے لیے تیز رفتار لاجسٹکس اور وسیع تر رابطے کے ساتھ کوئلے کی نقل و حرکت میں سہولت فراہم کریں گے۔

*****

U.No.6029

(ش ح - اع - ر ا)