గృహనిర్మాణ మరియు పట్టణ వ్యవహారాల మంత్రిత్వ శాఖ (ఎంఓహెచ్‌యుఏ) కార్యదర్శి శ్రీ మనోజ్ జోషి స్వచ్ఛ్ భారత్ మిషన్ అర్బన్ 2.0 కింద స్వచ్ఛ సర్వేక్షణ్ (ఎస్ఎస్) - ఎస్ఎస్ 2023 యొక్క ఎనిమిదవ ఎడిషన్‌ను ఈరోజు ఇక్కడ వర్చువల్ ఈవెంట్‌లో ప్రారంభించారు. ఈ కార్యక్రమంలో రాష్ట్ర ప్రిన్సిపల్ సెక్రటరీలు - అర్బన్ డెవలప్‌మెంట్, స్టేట్ మిషన్ డైరెక్టర్లు - స్వచ్ఛ భారత్ మిషన్ అర్బన్, నగరాల నుండి మున్సిపల్ కమిషనర్లు మరియు ఎగ్జిక్యూటివ్ అధికారులు పాల్గొన్నారు. 'వేస్ట్ టు వెల్త్' అనే థీమ్‌తో డ్రైవింగ్ ఫిలాసఫీగా రూపొందించబడిన ఎస్ఎస్ 2023 వ్యర్థ పదార్థాల నిర్వహణలో సర్క్యులారిటీని సాధించే దిశగా రూపొందించబడింది. సర్వే 3ఆర్‌ల సూత్రానికి ప్రాధాన్యత ఇస్తుంది -అవి రెడ్యూస్( తగ్గించడం), రీసైకిల్ చేయడం మరియు రీయూజ్ పునర్వినియోగం చేయడం.

ఆవిష్కరణ కార్యక్రమంలో శ్రీ మనోజ్ జోషి మాట్లాడుతూ "స్వచ్ఛ సర్వేక్షణ్ కేవలం అంచనా సాధనంగా కాకుండా ఒక స్ఫూర్తి సాధనంగా అభివృద్ధి చెందిందని అన్నారు.  ఈ అతిపెద్ద సర్వే గ్రౌండ్ లెవెల్‌లో గణనీయమైన మార్పులను తీసుకొచ్చింది, నగరాలు  మంచి పనితీరు కనబరుస్తున్నాయి. స్వచ్ఛ సర్వేక్షణ్‌ అనేది అగ్రశ్రేణి పనితీరు కనబరిచే వారికే కాదని, అండర్‌ అచీవర్‌లకు కూడా ముఖ్యమని వారు సందర్భానుసారంగా ఎదిగేందుకు చర్యలు తీసుకోవాలని అందుకు అవసరమైన పనులను చేయాలన్నారు. స్వచ్ఛ సర్వేక్షణ్ యొక్క పారామితులు ఇటీవలి రౌండ్‌లో మరింత ఎక్కువగా రూపొందించబడ్డాయి. తద్వారా ప్రతిఒక్కరూ కొత్త దిశలో పయనించేలా ఏడాది పొడవునా సర్వతోముఖంగా పరిశుభ్రతను కలిగి ఉంటారు. పౌరుల ఫీడ్‌బ్యాక్‌పై ఉద్ఘాటిస్తూ, దేశంలో ఎక్కడైనా నివసించే పౌరులు స్వచ్ఛమైన వాతావరణాన్ని కోరుకుంటారు మరియు అర్హులైనందున, ఉచిత మరియు స్పష్టమైన అభిప్రాయానికి అత్యంత ప్రాముఖ్యత ఉందని కార్యదర్శి అన్నారు.

అనేక సంవత్సరాలుగా స్వచ్ఛ సర్వేక్షణ్ ప్రపంచంలోనే అతిపెద్ద పట్టణ పారిశుద్ధ్య సర్వేగా అవతరించింది. స్వచ్ఛ సర్వేక్షణ్ యొక్క ఏడవ ఎడిషన్ - ‘ఆజాదీ @ 75 స్వచ్ఛ్ సర్వేక్షణ్ 2022’ ఆజాదీ కా అమృత్ మహోత్సవ్‌తో సమానంగా జరిగినందున ఇది ఒక మైలురాయి. ఎస్ఎస్ 2022 సర్వేలో 4,355 నగరాలు, 85,860 వార్డులు, 2.12 లక్షలప్రదేశాలమ సందర్శించారు. 5.5 లక్షల డాక్యుమెంట్లు మదింపు చేయబడ్డాయి, 1.14 కోట్ల పౌరుల అభిప్రాయాలు నమోదు చేయబడ్డాయి, 4.77 లక్షల పౌరుల ధ్రువీకరణ, 23.38 లక్షల మంది ఫోటోలు మరియు వీడియోలను సేకరించారు. 2 లక్షల డేటాను సేకరించారు. ఎస్ఎస్ 2022 సర్వే పూర్తయింది మరియు ఫలితాలు సిద్ధమవుతున్నాయి.

ఎస్ఎస్ సర్వే ప్రారంభమైనప్పుడల్లా నగరాలు చేపట్టిన కార్యకలాపాలు మెరుగైన స్థాయిలో ఉన్నాయని మరియు సర్వే నిర్వహించబడే నెలల్లో నగరాలు స్పష్టంగా శుభ్రంగా ఉన్నాయని గమనించబడింది. కాబట్టి ఎస్ఎస్ 2023లో, మూల్యాంకనం మునుపటి ఎడిషన్‌లలో 3 దశలకు బదులుగా 4 దశల్లో నిర్వహించబడుతుంది మరియు ఫేజ్ 4తో పాటు, ఫేజ్ 3లో ప్రాసెసింగ్ సౌకర్యాల యొక్క పౌర ధ్రువీకరణ మరియు ఫీల్డ్ అసెస్‌మెంట్ కూడా ప్రవేశపెట్టబడుతోంది.

చెత్త రహిత నగరాల లక్ష్యంతో 1 అక్టోబర్ 2021న స్వచ్ఛ భారత్ మిషన్ అర్బన్ 2.0ని ప్రధాన మంత్రి ప్రారంభించారు. ఎస్ఎస్ 2023 యొక్క థీమ్ ‘వేస్ట్ టు వెల్త్’. ఈ మిషన్ కింద కీలకమైన లక్ష్యాలలో ఒకటైన వ్యర్థ నిర్వహణలో సర్క్యులారిటీని ప్రోత్సహించే ఎస్‌బిఎంయూ 2.0 యొక్క నిబద్ధతకు సమలేఖనం చేయబడింది. ఎస్ఎస్ 2023లో, వ్యర్థాల మూలాల విభజన, చెత్త ఉత్పత్తికి సరిపోయేలా నగరాల వ్యర్థాల ప్రాసెసింగ్ సామర్థ్యాన్ని పెంపొందించడం మరియు డంప్‌సైట్‌లకు వెళ్లే వ్యర్థాలను తగ్గించడం వంటి వాటికి అదనపు వెయిటేజీ ఇవ్వబడింది. ప్లాస్టిక్‌ను దశలవారీగా తగ్గించడం, ప్లాస్టిక్ వ్యర్థాలను ప్రాసెసింగ్ చేయడం, వండర్ పార్కులు మరియు జీరో వేస్ట్ ఈవెంట్‌లకు వ్యర్థాలను ప్రోత్సహించడం వంటి వాటిని ప్రాముఖ్యతను ఇవ్వడం ద్వారా అదనపు వెయిటేజీతో సూచికలు ప్రవేశపెట్టబడ్డాయి.

స్వచ్ఛ సర్వేక్షణ్ 2023 ద్వారా నగరాల్లోని వార్డుల ర్యాంకింగ్ కూడా ప్రచారం చేయబడుతోంది. నగరాల మేయర్‌లు ర్యాంకింగ్‌లో పాల్గొని పరిశుభ్రమైన వార్డులను సత్కరించేలా ప్రోత్సహిస్తున్నారు. పైన పేర్కొన్న వాటితో పాటు, నగరాలు ఎదుర్కొంటున్న 'బహిరంగ మూత్రవిసర్జన' (పసుపు మచ్చలు) మరియు 'ఓపెన్ స్పిటింగ్' (ఎరుపు మచ్చలు) సమస్యలపై ప్రత్యేక సూచికలపై కూడా నగరాలు అంచనా వేయబడతాయి. ఇంకా, ఈ సంవత్సరం ఎంఓహెచ్‌యూఏ నివాస మరియు వాణిజ్య ప్రాంతాల బ్యాక్ లేన్‌లను శుభ్రపరచడాన్ని కూడా ప్రోత్సహిస్తోంది.

స్వచ్ఛ సర్వేక్షణ్ 2016లో  ఎంఓహెచ్‌యుఏ ద్వారా పెద్ద ఎత్తున పౌరుల భాగస్వామ్యాన్ని ప్రోత్సహిస్తూ పట్టణ పారిశుద్ధ్య స్థితిని మెరుగుపరచడానికి నగరాలను ప్రోత్సహించడానికి పోటీ ఫ్రేమ్‌వర్క్‌గా ప్రవేశపెట్టబడింది. సంవత్సరాలుగా స్వచ్ఛ సర్వేక్షణ్ నగరాల్లో మిషన్ త్వరణం కోసం ఒక ఎనేబుల్‌గా ఉంది. ఇది పారిశుద్ధ్య పారామితులపై వారి పనితీరును మెరుగుపరచడానికి నగరాల మధ్య ఆరోగ్యకరమైన పోటీకి దారితీసింది, తద్వారా పౌరులకు పారిశుద్ధ్య సేవల పంపిణీని మెరుగుపరిచింది. 2016లో మిలియన్‌కు పైగా జనాభా కలిగిన 73 నగరాలతో ప్రారంభమైన ప్రయాణం అనేక రెట్లు పెరిగింది. 2017లో 434 నగరాలు, 2018లో 4,203 నగరాలు, 2019లో 4,237 నగరాలు, ఎస్ఎస్ 2020లో 4,242 నగరాలు, 2021లో 4,320 నగరాలు, ఎస్ఎస్‌ 2022లో 62 కంటోన్మెంట్ బోర్డులతో సహా 4320 నగరాలు ఉన్నాయి.

‘వేస్ట్ టు వెల్త్’ అనే థీమ్‌తో ఎస్ఎస్ 2023 ప్రారంభించడం ద్వారా ఎస్‌బిఎంయూ 2.0 వ్యర్థాల నుండి విలువను తిరిగి పొందే అపారమైన పరిధిని ప్రాముఖ్యతను వ్యర్థ పదార్థాల నిర్వహణలో వృత్తాకార ఆర్థిక వ్యవస్థ వైపు వెళ్లేందుకు తన నిబద్ధతను పునరుద్ఘాటిస్తుంది.

రెగ్యులర్ అప్‌డేట్‌ల కోసం, దయచేసి స్వచ్ఛ భారత్ మిషన్ అధికారిక వెబ్‌సైట్ మరియు సోషల్ మీడియా ప్రాపర్టీలను అనుసరించండి:


వెబ్‌సైట్: https://sbmurban.org/

ఫేస్‌బుక్: Swachh Bharat Mission - Urban | Twitter: @SwachhBharatGov

ఇన్‌స్టాగ్రామ్: sbm_urban |   Youtube: Swachh Bharat Urban          


 

***